අබ්‍යාකතපදං

පච්චනීයං

7. අබ්‍යාකතං දුක්ඛාය වෙදනාය සම්පයුත්තං ධම්මං පටිච්ච නකුසලො නදුක්ඛාය වෙදනාය සම්පයුත්තො ධම්මො උප්පජ්ජති නහෙතුපච්චයා. අබ්‍යාකතං දුක්ඛාය වෙදනාය සම්පයුත්තං ධම්මං පටිච්ච නඅකුසලො නදුක්ඛාය වෙදනාය සම්පයුත්තො ධම්මො උප්පජ්ජති නහෙතුපච්චයා. අබ්‍යාකතං දුක්ඛාය වෙදනාය සම්පයුත්තං ධම්මං පටිච්ච නකුසලො නදුක්ඛාය වෙදනාය සම්පයුත්තො ච නඅකුසලො නදුක්ඛාය වෙදනාය සම්පයුත්තො ච ධම්මා උප්පජ්ජන්ති නහෙතුපච්චයා.

නහෙතුයා තීණි. (සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

8. කුසලං අදුක්ඛමසුඛාය වෙදනාය සම්පයුත්තං ධම්මං පටිච්ච නකුසලො නඅදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (සංඛිත්තං.) හෙතුයා තෙරස. (සබ්බත්ථ විත්ථාරො).