22-92. සනිදස්සනත්තික-උපෙක්ඛාසහගතදුකං

138. අනිදස්සනඅප්පටිඝං උපෙක්ඛාසහගතං ධම්මං පටිච්ච නඅනිදස්සනඅප්පටිඝො නඋපෙක්ඛාසහගතො ධම්මො උප්පජ්ජති හෙතුපච්චයා. අනිදස්සනඅප්පටිඝං උපෙක්ඛාසහගතං ධම්මං පටිච්ච නසනිදස්සනසප්පටිඝො නඋපෙක්ඛාසහගතො ධම්මො උප්පජ්ජති හෙතුපච්චයා…පෙ… අනිදස්සනඅප්පටිඝං උපෙක්ඛාසහගතං ධම්මං පටිච්ච නසනිදස්සනසප්පටිඝො නඋපෙක්ඛාසහගතො ච නඅනිදස්සනසප්පටිඝො නඋපෙක්ඛාසහගතො ච ධම්මා උප්පජ්ජන්ති හෙතුපච්චයා… හෙතුයා ඡ.

අනිදස්සනඅප්පටිඝං නඋපෙක්ඛාසහගතං ධම්මං පටිච්ච නසනිදස්සනසප්පටිඝො නනඋපෙක්ඛාසහගතො ධම්මො උප්පජ්ජති හෙතුපච්චයා… හෙතුයා තීණි.