22-90. සනිදස්සනත්තික-පීතිසහගතදුකං

136. අනිදස්සනඅප්පටිඝං පීතිසහගතං ධම්මං පටිච්ච නඅනිදස්සනඅප්පටිඝො නපීතිසහගතො ධම්මො උප්පජ්ජති හෙතුපච්චයා. අනිදස්සනඅප්පටිඝං පීතිසහගතං ධම්මං පටිච්ච නසනිදස්සනසප්පටිඝො නපීතිසහගතො ධම්මො උප්පජ්ජති හෙතුපච්චයා…පෙ… අනිදස්සනඅප්පටිඝං පීතිසහගතං ධම්මං පටිච්ච නසනිදස්සනසප්පටිඝො නපීතිසහගතො ච නඅනිදස්සනසප්පටිඝො නපීතිසහගතො ච ධම්මා උප්පජ්ජන්ති හෙතුපච්චයා… හෙතුයා ඡ.

අනිදස්සනඅප්පටිඝං නපීතිසහගතං ධම්මං පටිච්ච නසනිදස්සනසප්පටිඝො නනපීතිසහගතො ධම්මො උප්පජ්ජති හෙතුපච්චයා… හෙතුයා තීණි.