22-67. සනිදස්සනත්තික-උපාදාදුකං

123. අනිදස්සනඅප්පටිඝං උපාදා ධම්මං පටිච්ච නසනිදස්සනසප්පටිඝො නොඋපාදා ධම්මො උප්පජ්ජති හෙතුපච්චයා… හෙතුයා තීණි.

අනිදස්සනසප්පටිඝං නොඋපාදා ධම්මං පටිච්ච නඅනිදස්සනසප්පටිඝො නනොඋපාදා ධම්මො උප්පජ්ජති හෙතුපච්චයා… ඡ.

අනිදස්සනඅප්පටිඝං නොඋපාදා ධම්මං පටිච්ච නඅනිදස්සනඅප්පටිඝො නනොඋපාදා ධම්මො උප්පජ්ජති හෙතුපච්චයා… ඡ.

අනිදස්සනසප්පටිඝං නොඋපාදා ච අනිදස්සනඅප්පටිඝං නොඋපාදා ච ධම්මං පටිච්ච නසනිදස්සනසප්පටිඝො නනොඋපාදා ධම්මො උප්පජ්ජති හෙතුපච්චයා… ඡ. හෙතුයා අට්ඨාරස.