22-14. සනිදස්සනත්තික-ආසවදුකං

101. අනිදස්සනඅප්පටිඝං ආසවං ධම්මං පටිච්ච නඅනිදස්සනඅප්පටිඝො නොආසවො ධම්මො උප්පජ්ජති හෙතුපච්චයා. අනිදස්සනඅප්පටිඝං ආසවං ධම්මං පටිච්ච නසනිදස්සනසප්පටිඝො නොආසවො ධම්මො උප්පජ්ජති හෙතුපච්චයා…පෙ… අනිදස්සනඅප්පටිඝං ආසවං ධම්මං පටිච්ච නසනිදස්සනසප්පටිඝො නොආසවො ච නඅනිදස්සනසප්පටිඝො නොආසවො ච ධම්මා උප්පජ්ජන්ති හෙතුපච්චයා… හෙතුයා ඡ.

අනිදස්සනඅප්පටිඝං නොආසවං ධම්මං පටිච්ච නසනිදස්සනසප්පටිඝො නනොආසවො ධම්මො උප්පජ්ජති හෙතුපච්චයා. අනිදස්සනඅප්පටිඝං නොආසවං ධම්මං පටිච්ච නඅනිදස්සනසප්පටිඝො නනොආසවො ධම්මො උප්පජ්ජති හෙතුපච්චයා. අනිදස්සනඅප්පටිඝං නොආසවං ධම්මං පටිච්ච නසනිදස්සනසප්පටිඝො නනොආසවො ච නඅනිදස්සනසප්පටිඝො නනොආසවො ච ධම්මා උප්පජ්ජන්ති හෙතුපච්චයා. හෙතුයා තීණි.