22-3. සනිදස්සනත්තික-හෙතුසම්පයුත්තදුකං

91. අනිදස්සනඅප්පටිඝං හෙතුසම්පයුත්තං ධම්මං පටිච්ච නඅනිදස්සනඅප්පටිඝො නහෙතුසම්පයුත්තො ධම්මො උප්පජ්ජති හෙතුපච්චයා. අනිදස්සනඅප්පටිඝං හෙතුසම්පයුත්තං ධම්මං පටිච්ච නසනිදස්සනසප්පටිඝො නහෙතුසම්පයුත්තො ධම්මො උප්පජ්ජති හෙතුපච්චයා…පෙ… අනිදස්සනඅප්පටිඝං හෙතුසම්පයුත්තං ධම්මං පටිච්ච නසනිදස්සනසප්පටිඝො නහෙතුසම්පයුත්තො ච නඅනිදස්සනසප්පටිඝො නහෙතුසම්පයුත්තො ච ධම්මා උප්පජ්ජන්ති හෙතුපච්චයා… හෙතුයා ඡ.

අනිදස්සනඅප්පටිඝං හෙතුවිප්පයුත්තං ධම්මං පටිච්ච නසනිදස්සනසප්පටිඝො නහෙතුවිප්පයුත්තො ධම්මො උප්පජ්ජති හෙතුපච්චයා… හෙතුයා තීණි.