4-1. උපාදින්නත්තික-හෙතුදුකං

69. උපාදින්නුපාදානියං හෙතුං ධම්මං පටිච්ච නඋපාදින්නුපාදානියො නහෙතු ධම්මො උප්පජ්ජති හෙතුපච්චයා. උපාදින්නුපාදානියං හෙතුං ධම්මං පටිච්ච නඅනුපාදින්නුපාදානියො නහෙතු ධම්මො උප්පජ්ජති හෙතුපච්චයා. උපාදින්නුපාදානියං හෙතුං ධම්මං පටිච්ච නඅනුපාදින්නඅනුපාදානියො නහෙතු ධම්මො උප්පජ්ජති හෙතුපච්චයා. උපාදින්නුපාදානියං හෙතුං ධම්මං පටිච්ච නඋපාදින්නුපාදානියො නහෙතු ච නඅනුපාදින්නඅනුපාදානියො නහෙතු ච ධම්මා උප්පජ්ජන්ති හෙතුපච්චයා. උපාදින්නුපාදානියං හෙතුං ධම්මං පටිච්ච නඅනුපාදින්නුපාදානියො නහෙතු ච නඅනුපාදින්නඅනුපාදානියො නහෙතු ච ධම්මා උප්පජ්ජන්ති හෙතුපච්චයා. පඤ්ච.

අනුපාදින්නුපාදානියං හෙතුං ධම්මං පටිච්ච නඋපාදින්නුපාදානියො නහෙතු ධම්මො උප්පජ්ජති හෙතුපච්චයා… තීණි.

අනුපාදින්නඅනුපාදානියං හෙතුං ධම්මං පටිච්ච නඅනුපාදින්නඅනුපාදානියො නහෙතු ධම්මො උප්පජ්ජති හෙතුපච්චයා… පඤ්ච… හෙතුයා තෙරස.

70. උපාදින්නුපාදානියං නහෙතුං ධම්මං පටිච්ච නඅනුපාදින්නුපාදානියො නනහෙතු ධම්මො උප්පජ්ජති හෙතුපච්චයා… තීණි… හෙතුයා නව.