1-59. කුසලත්තික-චිත්තසංසට්ඨදුකං
37. කුසලං චිත්තසංසට්ඨං ධම්මං පටිච්ච නකුසලො නචිත්තසංසට්ඨො ධම්මො උප්පජ්ජති හෙතුපච්චයා. කුසලං චිත්තසංසට්ඨං ධම්මං පටිච්ච නඅකුසලො නචිත්තසංසට්ඨො ධම්මො උප්පජ්ජති හෙතුපච්චයා. කුසලං චිත්තසංසට්ඨං ධම්මං පටිච්ච නඅබ්‍යාකතො නචිත්තසංසට්ඨො ධම්මො උප්පජ්ජති හෙතුපච්චයා. කුසලං චිත්තසංසට්ඨං ධම්මං පටිච්ච නඅකුසලො නචිත්තසංසට්ඨො ච නඅබ්‍යාකතො නචිත්තසංසට්ඨො ච ධම්මා උප්පජ්ජන්ති හෙතුපච්චයා. කුසලං චිත්තසංසට්ඨං ධම්මං පටිච්ච නකුසලො නචිත්තසංසට්ඨො ච නඅකුසලො නචිත්තසංසට්ඨො ච ධම්මා උප්පජ්ජන්ති හෙතුපච්චයා. පඤ්ච.
අකුසලං චිත්තසංසට්ඨං ධම්මං පටිච්ච නඅකුසලො නචිත්තසංසට්ඨො ධම්මො උප්පජ්ජති හෙතුපච්චයා. අකුසලං චිත්තසංසට්ඨං ධම්මං පටිච්ච නකුසලො නචිත්තසංසට්ඨො ධම්මො උප්පජ්ජති හෙතුපච්චයා. අකුසලං චිත්තසංසට්ඨං ධම්මං පටිච්ච නඅබ්‍යාකතො නචිත්තසංසට්ඨො ධම්මො උප්පජ්ජති හෙතුපච්චයා. අකුසලං චිත්තසංසට්ඨං ධම්මං පටිච්ච නකුසලො නචිත්තසංසට්ඨො ච නඅබ්‍යාකතො නචිත්තසංසට්ඨො ච ධම්මා උප්පජ්ජන්ති හෙතුපච්චයා. අකුසලං චිත්තසංසට්ඨං ධම්මං පටිච්ච නකුසලො නචිත්තසංසට්ඨො ච නඅකුසලො නචිත්තසංසට්ඨො ච ධම්මා උප්පජ්ජන්ති හෙතුපච්චයා. පඤ්ච.
අබ්‍යාකතං චිත්තසංසට්ඨං ධම්මං පටිච්ච නකුසලො නචිත්තසංසට්ඨො ධම්මො උප්පජ්ජති හෙතුපච්චයා. අබ්‍යාකතං චිත්තසංසට්ඨං ධම්මං පටිච්ච නඅකුසලො නචිත්තසංසට්ඨො ධම්මො උප්පජ්ජති හෙතුපච්චයා. අබ්‍යාකතං චිත්තසංසට්ඨං ධම්මං පටිච්ච නකුසලො නචිත්තසංසට්ඨො ච නඅකුසලො නචිත්තසංසට්ඨො ච ධම්මා උප්පජ්ජන්ති හෙතුපච්චයා. තීණි. (සංඛිත්තං.) හෙතුයා තෙරස.