1-7. පටිච්චවාරාදි

පච්චයචතුක්කං

හෙතුපච්චයො

1. කුසලං හෙතුං ධම්මං පටිච්ච නකුසලො නහෙතු ධම්මො උප්පජ්ජති හෙතුපච්චයා. කුසලං හෙතුං ධම්මං පටිච්ච නඅකුසලො නහෙතු ධම්මො උප්පජ්ජති හෙතුපච්චයා. කුසලං හෙතුං ධම්මං පටිච්ච නඅබ්‍යාකතො නහෙතු ධම්මො උප්පජ්ජති හෙතුපච්චයා. කුසලං හෙතුං ධම්මං පටිච්ච නඅකුසලො නහෙතු ච නඅබ්‍යාකතො නහෙතු ච ධම්මා උප්පජ්ජන්ති හෙතුපච්චයා. කුසලං හෙතුං ධම්මං පටිච්ච නකුසලො නහෙතු ච නඅකුසලො නහෙතු ච ධම්මා උප්පජ්ජන්ති හෙතුපච්චයා. (5)

අකුසලං හෙතුං ධම්මං පටිච්ච නඅකුසලො නහෙතු ධම්මො උප්පජ්ජති හෙතුපච්චයා. අකුසලං හෙතුං ධම්මං පටිච්ච නකුසලො නහෙතු ධම්මො උප්පජ්ජති හෙතුපච්චයා. අකුසලං හෙතුං ධම්මං පටිච්ච නඅබ්‍යාකතො නහෙතු ධම්මො උප්පජ්ජති හෙතුපච්චයා. අකුසලං හෙතුං ධම්මං පටිච්ච නකුසලො නහෙතු ච නඅබ්‍යාකතො නහෙතු ච ධම්මා උප්පජ්ජන්ති හෙතුපච්චයා. අකුසලං හෙතුං ධම්මං පටිච්ච නකුසලො නහෙතු ච නඅකුසලො නහෙතු ච ධම්මා උප්පජ්ජන්ති හෙතුපච්චයා. (5)

අබ්‍යාකතං හෙතුං ධම්මං පටිච්ච නකුසලො නහෙතු ධම්මො උප්පජ්ජති හෙතුපච්චයා. අබ්‍යාකතං හෙතුං ධම්මං පටිච්ච නඅකුසලො නහෙතු ධම්මො උප්පජ්ජති හෙතුපච්චයා. අබ්‍යාකතං හෙතුං ධම්මං පටිච්ච නකුසලො නහෙතු ච නඅකුසලො නහෙතු ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා තෙරස, ආරම්මණෙ නව…පෙ… අවිගතෙ තෙරස.

පච්චනීයං

නආරම්මණපච්චයො

2. කුසලං හෙතුං ධම්මං පටිච්ච නකුසලො නහෙතු ධම්මො උප්පජ්ජති නආරම්මණපච්චයා. (සංඛිත්තං.)

නආරම්මණෙ නව, නඅධිපතියා තෙරස…පෙ… නවිප්පයුත්තෙ නව.

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)

හෙතු-ආරම්මණපච්චයා

3. කුසලො හෙතු ධම්මො නකුසලස්ස නහෙතුස්ස ධම්මස්ස හෙතුපච්චයෙන පච්චයො. කුසලො හෙතු ධම්මො නඅකුසලස්ස නහෙතුස්ස ධම්මස්ස හෙතුපච්චයෙන පච්චයො. කුසලො හෙතු ධම්මො නඅබ්‍යාකතස්ස නහෙතුස්ස ධම්මස්ස හෙතුපච්චයෙන පච්චයො. කුසලො හෙතු ධම්මො නඅකුසලස්ස නහෙතුස්ස ච නඅබ්‍යාකතස්ස නහෙතුස්ස ච ධම්මස්ස හෙතුපච්චයෙන පච්චයො. කුසලො හෙතු ධම්මො නකුසලස්ස නහෙතුස්ස ච නඅකුසලස්ස නහෙතුස්ස ච ධම්මස්ස හෙතුපච්චයෙන පච්චයො. (5)

අකුසලො හෙතු ධම්මො නඅකුසලස්ස නහෙතුස්ස ධම්මස්ස හෙතුපච්චයෙන පච්චයො… පඤ්ච.

අබ්‍යාකතො හෙතු ධම්මො නකුසලස්ස නහෙතුස්ස ධම්මස්ස හෙතුපච්චයෙන පච්චයො… තීණි.

කුසලො හෙතු ධම්මො නකුසලස්ස නහෙතුස්ස ධම්මස්ස ආරම්මණපච්චයෙන පච්චයො. (සංඛිත්තං.)

4. හෙතුයා තෙරස, ආරම්මණෙ අට්ඨාරස…පෙ… අවිගතෙ තෙරස. (පඤ්හාවාරං විත්ථාරෙතබ්බං.)

5. කුසලං නහෙතුං ධම්මං පටිච්ච නඅකුසලො නනහෙතු ධම්මො උප්පජ්ජති හෙතුපච්චයා. කුසලං නහෙතුං ධම්මං පටිච්ච නඅබ්‍යාකතො නනහෙතු ධම්මො උප්පජ්ජති හෙතුපච්චයා. (සංඛිත්තං.)

හෙතුයා නව, ආරම්මණෙ නව…පෙ… අවිගතෙ නව. (සබ්බත්ථ නව.)