1-14-19. කුසලත්තික-ආසවගොච්ඡකං
24. අකුසලං ආසවං ධම්මං පටිච්ච නඅකුසලො නආසවො ධම්මො…පෙ… නකුසලො නආසවො ධම්මො…පෙ… නඅබ්‍යාකතො නආසවො ධම්මො…පෙ… නකුසලො නආසවො ච නඅබ්‍යාකතො නආසවො ච ධම්මා…පෙ… නකුසලො නආසවො ච නඅකුසලො නආසවො ච ධම්මා උප්පජ්ජන්ති හෙතුපච්චයා. හෙතුයා පඤ්ච, ආරම්මණෙ තීණි…පෙ… අවිගතෙ පඤ්ච.
අකුසලං නොආසවං ධම්මං පටිච්ච නකුසලො නනොආසවො ධම්මො උප්පජ්ජති හෙතුපච්චයා. අකුසලං නොආසවං ධම්මං පටිච්ච නඅබ්‍යාකතො නනොආසවො ධම්මො…පෙ… නකුසලො නනොආසවො ච නඅබ්‍යාකතො නනොආසවො ච ධම්මා උප්පජ්ජන්ති හෙතුපච්චයා. හෙතුයා තීණි…පෙ… අවිගතෙ තීණි.
25. අබ්‍යාකතං සාසවං ධම්මං පටිච්ච…පෙ… (ලොකියදුකසදිසං).
26. අකුසලං ආසවසම්පයුත්තං ධම්මං පටිච්ච නඅකුසලො නආසවසම්පයුත්තො ධම්මො …පෙ… නකුසලො නආසවසම්පයුත්තො ධම්මො…පෙ… නඅබ්‍යාකතො නආසවසම්පයුත්තො ධම්මො…පෙ… නකුසලො නආසවසම්පයුත්තො ච නඅබ්‍යාකතො නආසවසම්පයුත්තො ච ධම්මා…පෙ… නකුසලො නආසවසම්පයුත්තො ච නඅකුසලො නආසවසම්පයුත්තො ච ධම්මා උප්පජ්ජන්ති හෙතුපච්චයා. හෙතුයා පඤ්ච.
අකුසලං ආසවවිප්පයුත්තං ධම්මං පටිච්ච නකුසලො නආසවවිප්පයුත්තො ධම්මො…පෙ… නඅබ්‍යාකතො නආසවවිප්පයුත්තො ධම්මො…පෙ… නකුසලො නආසවවිප්පයුත්තො ච නඅබ්‍යාකතො නආසවවිප්පයුත්තො ච ධම්මා උප්පජ්ජන්ති හෙතුපච්චයා. හෙතුයා තීණි.
27. අකුසලං ආසවඤ්චෙව සාසවඤ්ච ධම්මං පටිච්ච නඅකුසලො නආසවො චෙව නඅනාසවො ච ධම්මො…පෙ… නකුසලො නආසවො චෙව නඅනාසවො ච ධම්මො…පෙ… නඅබ්‍යාකතො නආසවො චෙව නඅනාසවො ච ධම්මො…පෙ… නකුසලො නආසවො චෙව නඅනාසවො ච නඅබ්‍යාකතො නආසවො චෙව නඅනාසවො ච ධම්මා…පෙ… නකුසලො නආසවො චෙව නඅනාසවො ච නඅකුසලො නආසවො චෙව නඅනාසවො ච ධම්මා උප්පජ්ජන්ති හෙතුපච්චයා. හෙතුයා පඤ්ච.
අකුසලං සාසවඤ්චෙව නො ච ආසවං ධම්මං පටිච්ච නඅකුසලො නඅනාසවො චෙව නනො ච ආසවො ධම්මො…පෙ… නඅබ්‍යාකතො නඅනාසවො චෙව නනො ච ආසවො ධම්මො…පෙ… නකුසලො නඅනාසවො චෙව නනො ච ආසවො නඅබ්‍යාකතො නඅනාසවො චෙව නනො ආසවො ච ධම්මා උප්පජ්ජන්ති හෙතුපච්චයා. හෙතුයා තීණි.
28. අකුසලං ආසවඤ්චෙව ආසවසම්පයුත්තඤ්ච ධම්මං පටිච්ච නකුසලො නආසවො චෙව නආසවවිප්පයුත්තො ච ධම්මො…පෙ… නඅබ්‍යාකතො නආසවො චෙව නආසවවිප්පයුත්තො ච ධම්මො…පෙ… නකුසලො නආසවො චෙව නආසවවිප්පයුත්තො ච නඅබ්‍යාකතො නආසවො චෙව නආසවවිප්පයුත්තො ච ධම්මා උප්පජ්ජන්ති හෙතුපච්චයා. හෙතුයා තීණි.
අකුසලං ආසවසම්පයුත්තඤ්චෙව නො ච ආසවං ධම්මං පටිච්ච නකුසලො නආසවවිප්පයුත්තො චෙව නනො ච ආසවො ධම්මො…පෙ… නඅබ්‍යාකතො නආසවවිප්පයුත්තො චෙව නනො ච ආසවො ධම්මො …පෙ… නකුසලො නආසවවිප්පයුත්තො චෙව නනොආසවො ච නඅබ්‍යාකතො නආසවවිප්පයුත්තො චෙව නනො ච ආසවො ච ධම්මා උප්පජ්ජන්ති හෙතුපච්චයා. හෙතුයා තීණි.
29. අබ්‍යාකතං ආසවවිප්පයුත්තං සාසවං ධම්මං පටිච්ච…පෙ… (ලොකියදුකසදිසං).