100-15. සරණදුක-මිච්ඡත්තනියතත්තිකං

96. සරණං මිච්ඡත්තනියතං ධම්මං පටිච්ච නසරණො නමිච්ඡත්තනියතො ධම්මො උප්පජ්ජති හෙතුපච්චයා. හෙතුයා එකං.

අරණං සම්මත්තනියතං ධම්මං පටිච්ච නසරණො නසම්මත්තනියතො ධම්මො උප්පජ්ජති හෙතුපච්චයා. හෙතුයා එකං.

අරණං අනියතං ධම්මං පච්චයා නඅරණො නඅනියතො ධම්මො උප්පජ්ජති හෙතුපච්චයා. අරණං අනියතං ධම්මං පච්චයා නසරණො නඅනියතො ධම්මො උප්පජ්ජති හෙතුපච්චයා. හෙතුයා ද්වෙ.