91-1. සුඛසහගතදුක-කුසලත්තිකං

70. සුඛසහගතං කුසලං ධම්මං පටිච්ච නසුඛසහගතො නකුසලො ධම්මො උප්පජ්ජති හෙතුපච්චයා. නසුඛසහගතං කුසලං ධම්මං පටිච්ච නසුඛසහගතො නකුසලො ධම්මො උප්පජ්ජති හෙතුපච්චයා. සුඛසහගතං කුසලඤ්ච නසුඛසහගතං කුසලඤ්ච ධම්මං පටිච්ච නසුඛසහගතො නකුසලො ධම්මො උප්පජ්ජති හෙතුපච්චයා. හෙතුයා තීණි.

සුඛසහගතං අකුසලං ධම්මං පටිච්ච නසුඛසහගතො නඅකුසලො ධම්මො උප්පජ්ජති හෙතුපච්චයා. නසුඛසහගතං අකුසලං ධම්මං පටිච්ච නසුඛසහගතො නඅකුසලො ධම්මො උප්පජ්ජති හෙතුපච්චයා. සුඛසහගතං අකුසලඤ්ච නසුඛසහගතං අකුසලඤ්ච ධම්මං පටිච්ච නසුඛසහගතො නඅකුසලො ධම්මො උප්පජ්ජති හෙතුපච්චයා. හෙතුයා තීණි. (අබ්‍යාකතමූලං තීණියෙව.)