66-1. අජ්ඣත්තිකදුක-කුසලත්තිකං

58. අජ්ඣත්තිකං කුසලං ධම්මං පටිච්ච නඅජ්ඣත්තිකො නකුසලො ධම්මො උප්පජ්ජති හෙතුපච්චයා. බාහිරං කුසලං ධම්මං පටිච්ච නඅජ්ඣත්තිකො නකුසලො ධම්මො උප්පජ්ජති හෙතුපච්චයා. අජ්ඣත්තිකං කුසලඤ්ච බාහිරං කුසලඤ්ච ධම්මං පටිච්ච නඅජ්ඣත්තිකො නකුසලො ධම්මො උප්පජ්ජති හෙතුපච්චයා. හෙතුයා තීණි.

අජ්ඣත්තිකං අකුසලං ධම්මං පටිච්ච නඅජ්ඣත්තිකො නඅකුසලො ධම්මො උප්පජ්ජති හෙතුපච්චයා. බාහිරං අකුසලං ධම්මං පටිච්ච නඅජ්ඣත්තිකො නඅකුසලො ධම්මො උප්පජ්ජති හෙතුපච්චයා. අජ්ඣත්තිකං අකුසලඤ්ච බාහිරං අකුසලඤ්ච ධම්මං පටිච්ච නඅජ්ඣත්තිකො නඅකුසලො ධම්මො උප්පජ්ජති හෙතුපච්චයා. හෙතුයා තීණි. (අබ්‍යාකතමූලං තීණියෙව.)