1-21. හෙතුදුක-සනිදස්සනත්තිකං

29. නහෙතු සනිදස්සනසප්පටිඝො ධම්මො නනහෙතුස්ස නසනිදස්සනසප්පටිඝස්ස ධම්මස්ස ආරම්මණපච්චයෙන පච්චයො…පෙ… නහෙතු සනිදස්සනසප්පටිඝො ධම්මො නහෙතුස්ස නසනිදස්සනසප්පටිඝස්ස ච නනහෙතුස්ස නසනිදස්සනසප්පටිඝස්ස ච ධම්මස්ස ආරම්මණපච්චයෙන පච්චයො. ආරම්මණෙ තීණි, අධිපතියා උපනිස්සයෙ පුරෙජාතෙ අත්ථියා අවිගතෙ තීණි.

නහෙතුං අනිදස්සනසප්පටිඝං ධම්මං පටිච්ච නහෙතු නඅනිදස්සනසප්පටිඝො ධම්මො උප්පජ්ජති හෙතුපච්චයා. හෙතුයා එකං…පෙ… අවිගතෙ එකං.

හෙතුං අනිදස්සනඅප්පටිඝං ධම්මං පටිච්ච නහෙතු නඅනිදස්සනඅප්පටිඝො ධම්මො උප්පජ්ජති හෙතුපච්චයා. නහෙතුං අනිදස්සනඅප්පටිඝං ධම්මං පටිච්ච නහෙතු නඅනිදස්සනඅප්පටිඝො ධම්මො උප්පජ්ජති හෙතුපච්චයා. හෙතුං අනිදස්සනඅප්පටිඝඤ්ච නහෙතුං අනිදස්සනඅප්පටිඝඤ්ච ධම්මං පටිච්ච නහෙතු නඅනිදස්සනඅප්පටිඝො ධම්මො උප්පජ්ජති හෙතුපච්චයා. (3) හෙතුයා තීණි.