1-5. හෙතුදුක-සංකිලිට්ඨත්තිකං

13. හෙතුං සංකිලිට්ඨසංකිලෙසිකං ධම්මං පටිච්ච නහෙතු නසංකිලිට්ඨසංකිලෙසිකො ධම්මො උප්පජ්ජති හෙතුපච්චයා… හෙතුයා තීණි.

නහෙතුං අසංකිලිට්ඨසංකිලෙසිකං ධම්මං පටිච්ච නනහෙතු නඅසංකිලිට්ඨසංකිලෙසිකො ධම්මො උප්පජ්ජති හෙතුපච්චයා… හෙතුයා තීණි.

හෙතුං අසංකිලිට්ඨඅසංකිලෙසිකං ධම්මං පටිච්ච නහෙතු නඅසංකිලිට්ඨඅසංකිලෙසිකො ධම්මො උප්පජ්ජති හෙතුපච්චයා… හෙතුයා තීණි.