4. හෙතුසහෙතුකදුකං

1-7. පටිච්චවාරාදි

6. හෙතුඤ්චෙව සහෙතුකඤ්ච ධම්මං පටිච්ච නහෙතු චෙව නඅහෙතුකො ච ධම්මො උප්පජ්ජති හෙතුපච්චයා. හෙතුඤ්චෙව සහෙතුකඤ්ච ධම්මං පටිච්ච නඅහෙතුකො චෙව නනහෙතු ච ධම්මො උප්පජ්ජති හෙතුපච්චයා. හෙතුඤ්චෙව සහෙතුකඤ්ච ධම්මං පටිච්ච නහෙතු චෙව නඅහෙතුකො ච නඅහෙතුකො චෙව නනහෙතු ච ධම්මා උප්පජ්ජන්ති හෙතුපච්චයා. (3)

සහෙතුකඤ්චෙව න ච හෙතුං ධම්මං පටිච්ච නඅහෙතුකො චෙව නනහෙතු ච ධම්මො උප්පජ්ජති හෙතුපච්චයා. සහෙතුකඤ්චෙව න ච හෙතුං ධම්මං පටිච්ච නහෙතු චෙව නඅහෙතුකො ච ධම්මො උප්පජ්ජති හෙතුපච්චයා. සහෙතුකඤ්චෙව න ච හෙතුං ධම්මං පටිච්ච නහෙතු චෙව නඅහෙතුකො ච නඅහෙතුකො චෙව නනහෙතු ච ධම්මා උප්පජ්ජන්ති හෙතුපච්චයා. (3)

හෙතුඤ්චෙව සහෙතුකඤ්ච සහෙතුකඤ්චෙව න ච හෙතුං ධම්මං පටිච්ච නහෙතු චෙව නඅහෙතුකො ච ධම්මො උප්පජ්ජති හෙතුපච්චයා. හෙතුඤ්චෙව සහෙතුකඤ්ච සහෙතුකඤ්චෙව න ච හෙතුඤ්ච ධම්මං පටිච්ච නඅහෙතුකො චෙව නනහෙතු ච ධම්මො උප්පජ්ජති හෙතුපච්චයා. හෙතුඤ්චෙව සහෙතුකඤ්ච සහෙතුකඤ්චෙව න ච හෙතුං ධම්මං පටිච්ච නහෙතු චෙව නඅහෙතුකො ච නඅහෙතුකො චෙව නනහෙතු ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව. (සහජාතවාරම්පි…පෙ… පඤ්හාවාරම්පි විත්ථාරෙතබ්බං.)