100. සරණදුකං

1-6. පටිච්චවාරාදි

52. සරණං ධම්මං පටිච්ච නසරණො ධම්මො උප්පජ්ජති හෙතුපච්චයා. සරණං ධම්මං පටිච්ච නඅරණො ධම්මො උප්පජ්ජති හෙතුපච්චයා. සරණං ධම්මං පටිච්ච නසරණො ච නඅරණො ච ධම්මා උප්පජ්ජන්ති හෙතුපච්චයා. (3)

අරණං ධම්මං පටිච්ච නඅරණො ධම්මො උප්පජ්ජති හෙතුපච්චයා. (1)

සරණඤ්ච අරණඤ්ච ධම්මං පටිච්ච නසරණො ධම්මො උප්පජ්ජති හෙතුපච්චයා. (1) හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච.

පච්චනීයං

නහෙතුපච්චයො

53. සරණං ධම්මං පටිච්ච නසරණො ධම්මො උප්පජ්ජති නහෙතුපච්චයා. (1)

අරණං ධම්මං පටිච්ච නනඅරණො ධම්මො උප්පජ්ජති නහෙතුපච්චයා. (සංඛිත්තං.)

නහෙතුයා ද්වෙ, න ආරම්මණෙ තීණි…පෙ… නොවිගතෙ තීණි.

(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසං විත්ථාරෙතබ්බං.)