1-7. පටිච්චවාරාදි

14. ලොකියං ධම්මං පටිච්ච නලොකුත්තරො ධම්මො උප්පජ්ජති හෙතුපච්චයා. (1)

ලොකුත්තරං ධම්මං පටිච්ච නලොකුත්තරො ධම්මො උප්පජ්ජති හෙතුපච්චයා. ලොකුත්තරං ධම්මං පටිච්ච නලොකියො ධම්මො උප්පජ්ජති හෙතුපච්චයා. (ලොකුත්තරං ධම්මං පටිච්ච නලොකියො ච නලොකුත්තරො ච ධම්මා උප්පජ්ජන්ති හෙතුපච්චයා.) [අයං සඞ්ඛ්‍යා විචාරෙතබ්බා, නලොකියනලොකුත්තරධම්මො නාම නත්ථි] (3)

ලොකියඤ්ච ලොකුත්තරඤ්ච ධම්මං පටිච්ච නලොකුත්තරො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච. (සබ්බත්ථ පඤ්ච.)