1-7. පටිච්චවාරාදි

12. සප්පටිඝං ධම්මං පටිච්ච නසප්පටිඝො ධම්මො උප්පජ්ජති හෙතුපච්චයා. සප්පටිඝං ධම්මං පටිච්ච නඅප්පටිඝො ධම්මො උප්පජ්ජති හෙතුපච්චයා. සප්පටිඝං ධම්මං පටිච්ච නසප්පටිඝො ච නඅප්පටිඝො ච ධම්මා උප්පජ්ජන්ති හෙතුපච්චයා. (3)

අප්පටිඝං ධම්මං පටිච්ච නඅප්පටිඝො ධම්මො උප්පජ්ජති හෙතුපච්චයා. අප්පටිඝං ධම්මං පටිච්ච නසප්පටිඝො ධම්මො උප්පජ්ජති හෙතුපච්චයා. අප්පටිඝං ධම්මං පටිච්ච නසප්පටිඝො ච නඅප්පටිඝො ච ධම්මා උප්පජ්ජන්ති හෙතුපච්චයා. (3)

සප්පටිඝඤ්ච අප්පටිඝඤ්ච ධම්මං පටිච්ච නසප්පටිඝො ධම්මො උප්පජ්ජති හෙතුපච්චයා. සප්පටිඝඤ්ච අප්පටිඝඤ්ච ධම්මං පටිච්ච නඅප්පටිඝො ධම්මො උප්පජ්ජති හෙතුපච්චයා. සප්පටිඝඤ්ච අප්පටිඝඤ්ච ධම්මං පටිච්ච නසප්පටිඝො ච නඅප්පටිඝො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව. (සබ්බත්ථ විත්ථාරො.)