1. විභඞ්ගවාරො

නහෙතුපච්චයො

47. සඤ්ඤොජනසම්පයුත්තං ධම්මං පටිච්ච සඤ්ඤොජනසම්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො. (1)

සඤ්ඤොජනසම්පයුත්තං ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ පටිච්ච උද්ධච්චසහගතො මොහො. (2)

සඤ්ඤොජනවිප්පයුත්තං ධම්මං පටිච්ච සඤ්ඤොජනවිප්පයුත්තො ධම්මො උප්පජ්ජති නහෙතුපච්චයා – අහෙතුකං සඤ්ඤොජනවිප්පයුත්තං එකං ඛන්ධං…පෙ… (යාව අසඤ්ඤසත්තා, සංඛිත්තං). (1)