1. විභඞ්ගවාරො

නහෙතුපච්චයො

56. ආසවසම්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නහෙතුපච්චයා – අහෙතුකං ආසවවිප්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව ආසඤ්ඤසත්තා). (1)

නආරම්මණපච්චයො

57. ආසවසම්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නආරම්මණපච්චයා – ආසවසම්පයුත්තෙ ඛන්ධෙ පටිච්ච චිත්තසමුට්ඨානං රූපං. (1)

ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නආරම්මණපච්චයා – ආසවවිප්පයුත්තෙ ඛන්ධෙ පටිච්ච චිත්තසමුට්ඨානං රූපං, දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… ඛන්ධෙ පටිච්ච වත්ථු, එකං මහාභූතං…පෙ… (යාව අසඤ්ඤසත්තා). (1)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවවිප්පයුත්තො ධම්මො උප්පජ්ජති නආරම්මණපච්චයා – ආසවසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (1)

නඅධිපතිපච්චයො

58. ආසවසම්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නඅධිපතිපච්චයා (සංඛිත්තං).

නපුරෙජාතපච්චයාදි

59. ආසවසම්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නපුරෙජාතපච්චයා – අරූපෙ ආසවසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ආසවසම්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො, ආසවසම්පයුත්තෙ ඛන්ධෙ පටිච්ච චිත්තසමුට්ඨානං රූපං. (2)

ආසවසම්පයුත්තං ධම්මං පටිච්ච ආසවසම්පයුත්තො ච ආසවවිප්පයුත්තො ච ධම්මා උප්පජ්ජන්ති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

60. ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නපුරෙජාතපච්චයා – අරූපෙ ආසවවිප්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… ආසවවිප්පයුත්තෙ ඛන්ධෙ පටිච්ච චිත්තසමුට්ඨානං රූපං, දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා). (1)

ආසවවිප්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා. (2)

61. ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවසම්පයුත්තො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවවිප්පයුත්තො ධම්මො උප්පජ්ජති නපුරෙජාතපච්චයා – ආසවසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

(නපච්ඡාජාතපච්චයා නව, නආසෙවනපච්චයා නව.)

නකම්මපච්චයාදි

62. ආසවසම්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නකම්මපච්චයා – ආසවසම්පයුත්තෙ ඛන්ධෙ පටිච්ච සම්පයුත්තකා චෙතනා. (1)

ආසවවිප්පයුත්තං ධම්මං පටිච්ච ආසවවිප්පයුත්තො ධම්මො උප්පජ්ජති නකම්මපච්චයා – ආසවවිප්පයුත්තෙ ඛන්ධෙ පටිච්ච විප්පයුත්තකා චෙතනා. (1)

ආසවවිප්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති නකම්මපච්චයා – දොමනස්සසහගතං විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා චෙතනා. (2)

ආසවසම්පයුත්තඤ්ච ආසවවිප්පයුත්තඤ්ච ධම්මං පටිච්ච ආසවසම්පයුත්තො ධම්මො උප්පජ්ජති නකම්මපච්චයා – දොමනස්සසහගතෙ විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච සම්පයුත්තකා චෙතනා… නවිපාකපච්චයා… නආහාරපච්චයා… නඉන්ද්‍රියපච්චයා… නඣානපච්චයා… නමග්ගපච්චයා… නසම්පයුත්තපච්චයා… නවිප්පයුත්තපච්චයා… නොනත්ථිපච්චයා… නොවිගතපච්චයා.