2. සඞ්ඛ්‍යාවාරො

සුද්ධං

111. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, ඉන්ද්‍රියෙ තීණි, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව.

පච්චනීයුද්ධාරො

112. උපාදානො චෙව උපාදානසම්පයුත්තො ච ධම්මො උපාදානස්ස චෙව උපාදානසම්පයුත්තස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

උපාදානො චෙව උපාදානසම්පයුත්තො ච ධම්මො උපාදානසම්පයුත්තස්ස චෙව නො ච උපාදානස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (2)

උපාදානො චෙව උපාදානසම්පයුත්තො ච ධම්මො උපාදානස්ස චෙව උපාදානසම්පයුත්තස්ස ච උපාදානසම්පයුත්තස්ස චෙව නො ච උපාදානස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (එවං නවපි කාතබ්බා, එකෙකස්ස මූලෙ තීණි තීණි පඤ්හා).