1. විභඞ්ගවාරො

හෙතුපච්චයො

102. උපාදානො චෙව උපාදානසම්පයුත්තො ච ධම්මො උපාදානස්ස චෙව උපාදානසම්පයුත්තස්ස ච ධම්මස්ස හෙතුපච්චයෙන පච්චයො – උපාදානා චෙව උපාදානසම්පයුත්තා ච හෙතූ සම්පයුත්තකානං උපාදානානං හෙතුපච්චයෙන පච්චයො. (මූලං පුච්ඡිතබ්බං) උපාදානා චෙව උපාදානසම්පයුත්තා ච හෙතූ සම්පයුත්තකානං ඛන්ධානං හෙතුපච්චයෙන පච්චයො. (මූලං පුච්ඡිතබ්බං) උපාදානා චෙව උපාදානසම්පයුත්තා ච හෙතූ සම්පයුත්තකානං ඛන්ධානං උපාදානානඤ්ච හෙතුපච්චයෙන පච්චයො. (3)

103. උපාදානසම්පයුත්තො චෙව නො ච උපාදානො ධම්මො උපාදානසම්පයුත්තස්ස චෙව නො ච උපාදානස්ස ධම්මස්ස හෙතුපච්චයෙන පච්චයො – උපාදානසම්පයුත්තා චෙව නො ච උපාදානා හෙතූ සම්පයුත්තකානං ඛන්ධානං හෙතුපච්චයෙන පච්චයො. (මූලං පුච්ඡිතබ්බං) උපාදානසම්පයුත්තා චෙව නො ච උපාදානා හෙතූ සම්පයුත්තකානං උපාදානානං හෙතුපච්චයෙන පච්චයො. (මූලං පුච්ඡිතබ්බං) උපාදානසම්පයුත්තා චෙව නො ච උපාදානා හෙතූ සම්පයුත්තකානං ඛන්ධානං උපාදානානඤ්ච හෙතුපච්චයෙන පච්චයො. (3)

104. උපාදානො චෙව උපාදානසම්පයුත්තො ච උපාදානසම්පයුත්තො චෙව නො ච උපාදානො ච ධම්මා උපාදානස්ස චෙව උපාදානසම්පයුත්තස්ස ච ධම්මස්ස හෙතුපච්චයෙන පච්චයො – උපාදානා චෙව උපාදානසම්පයුත්තා ච උපාදානසම්පයුත්තා චෙව නො ච උපාදානා ච හෙතූ සම්පයුත්තකානං උපාදානානං හෙතුපච්චයෙන පච්චයො. (මූලං පුච්ඡිතබ්බං) උපාදානා චෙව උපාදානසම්පයුත්තා ච උපාදානසම්පයුත්තා චෙව නො ච උපාදානා ච හෙතූ සම්පයුත්තකානං ඛන්ධානං හෙතුපච්චයෙන පච්චයො. (මූලං පුච්ඡිතබ්බං) උපාදානා චෙව උපාදානසම්පයුත්තා ච උපාදානසම්පයුත්තා චෙව නො ච උපාදානා ච හෙතූ සම්පයුත්තකානං ඛන්ධානං උපාදානානඤ්ච හෙතුපච්චයෙන පච්චයො. (3)

ආරම්මණපච්චයො

105. උපාදානො චෙව උපාදානසම්පයුත්තො ච ධම්මො උපාදානස්ස චෙව උපාදානසම්පයුත්තස්ස ච ධම්මස්ස ආරම්මණපච්චයෙන පච්චයො – උපාදානෙ ආරබ්භ උපාදානා උප්පජ්ජන්ති. (මූලං පුච්ඡිතබ්බං) උපාදානෙ ආරබ්භ උපාදානසම්පයුත්තා චෙව නො ච උපාදානා ඛන්ධා උප්පජ්ජන්ති. (මූලං පුච්ඡිතබ්බං) උපාදානෙ ආරබ්භ උපාදානා ච සම්පයුත්තකා ච ඛන්ධා උප්පජ්ජන්ති. (3)

උපාදානසම්පයුත්තො චෙව නො ච උපාදානො ධම්මො උපාදානසම්පයුත්තස්ස චෙව නො ච උපාදානස්ස ධම්මස්ස ආරම්මණපච්චයෙන පච්චයො – උපාදානසම්පයුත්තෙ චෙව නො ච උපාදානෙ ඛන්ධෙ ආරබ්භ උපාදානසම්පයුත්තා චෙව නො ච උපාදානා ඛන්ධා උප්පජ්ජන්ති (තීණිපි කාතබ්බා, ඝටනෙ තීණිපි කාතබ්බා).

අධිපතිපච්චයො

106. උපාදානො චෙව උපාදානසම්පයුත්තො ච ධම්මො උපාදානස්ස චෙව උපාදානසම්පයුත්තස්ස ච ධම්මස්ස අධිපතිපච්චයෙන පච්චයො… තීණි. (3)

උපාදානසම්පයුත්තො චෙව නො ච උපාදානො ධම්මො උපාදානසම්පයුත්තස්ස චෙව නො ච උපාදානස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති (තීණිපි, තීසුපි ද්වෙපි අධිපති කාතබ්බා, ඝටනාධිපතිපි තීණි).

අනන්තරපච්චයො

107. උපාදානො චෙව උපාදානසම්පයුත්තො ච ධම්මො උපාදානස්ස චෙව උපාදානසම්පයුත්තස්ස ච ධම්මස්ස අනන්තරපච්චයෙන පච්චයො – පුරිමා පුරිමා උපාදානා චෙව උපාදානසම්පයුත්තා ච ඛන්ධා පච්ඡිමානං පච්ඡිමානං උපාදානානං අනන්තරපච්චයෙන පච්චයො (එවං නවපි පඤ්හා කාතබ්බා, ආවජ්ජනාපි වුට්ඨානම්පි නත්ථි).

සමනන්තරපච්චයාදි

108. උපාදානො චෙව උපාදානසම්පයුත්තො ච ධම්මො උපාදානස්ස චෙව උපාදානසම්පයුත්තස්ස ච ධම්මස්ස සමනන්තරපච්චයෙන පච්චයො… නව… සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… නව… නිස්සයපච්චයෙන පච්චයො… නව.

උපනිස්සයපච්චයො

109. උපාදානො චෙව උපාදානසම්පයුත්තො ච ධම්මො උපාදානස්ස චෙව උපාදානසම්පයුත්තස්ස ච ධම්මස්ස උපනිස්සයපච්චයෙන පච්චයො…පෙ… තීණි.

උපාදානසම්පයුත්තො චෙව නො ච උපාදානො ධම්මො උපාදානසම්පයුත්තස්ස චෙව නො ච උපාදානස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – උපාදානසම්පයුත්තා චෙව නො ච උපාදානා ඛන්ධා උපාදානසම්පයුත්තකානඤ්චෙව නො ච උපාදානානං ඛන්ධානං උපනිස්සයපච්චයෙන පච්චයො (තීණි ඝටනුපනිස්සයෙපි තීණි)… ආසෙවනපච්චයෙන පච්චයො… නව.

කම්මපච්චයාදි

110. උපාදානසම්පයුත්තො චෙව නො ච උපාදානො ධම්මො උපාදානසම්පයුත්තස්ස චෙව නො ච උපාදානස්ස ධම්මස්ස කම්මපච්චයෙන පච්චයො… තීණි… ආහාරපච්චයෙන පච්චයො… තීණි… ඉන්ද්‍රියපච්චයෙන පච්චයො… තීණි… ඣානපච්චයෙන පච්චයො… තීණි… මග්ගපච්චයෙන පච්චයො… නව… සම්පයුත්තපච්චයෙන පච්චයො… නව… අත්ථිපච්චයෙන පච්චයො… නව… නත්ථිපච්චයෙන පච්චයො… නව… විගතපච්චයෙන පච්චයො… නව… අවිගතපච්චයෙන පච්චයො… නව.