1. විභඞ්ගවාරො

හෙතුපච්චයො

98. උපාදානො චෙව උපාදානියො ච ධම්මො උපාදානස්ස චෙව උපාදානියස්ස ච ධම්මස්ස හෙතුපච්චයෙන පච්චයො – උපාදානා චෙව උපාදානියා ච හෙතූ සම්පයුත්තකානං උපාදානානං හෙතුපච්චයෙන පච්චයො. (1)

උපාදානො චෙව උපාදානියො ච ධම්මො උපාදානියස්ස චෙව නො ච උපාදානස්ස ධම්මස්ස හෙතුපච්චයෙන පච්චයො – උපාදානා චෙව උපාදානියා ච හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො (උපාදානදුකසදිසා නින්නානා, නව පඤ්හා).

ආරම්මණපච්චයො

99. උපාදානො චෙව උපාදානියො ච ධම්මො උපාදානස්ස චෙව උපාදානියස්ස ච ධම්මස්ස ආරම්මණපච්චයෙන පච්චයො – උපාදානෙ ආරබ්භ උපාදානා උප්පජ්ජන්ති… තීණි.

උපාදානියො චෙව නො ච උපාදානො ධම්මො උපාදානියස්ස චෙව නො ච උපාදානස්ස ධම්මස්ස ආරම්මණපච්චයෙන පච්චයො – දානං…පෙ… ඣානා වුට්ඨහිත්වා ඣානං පච්චවෙක්ඛති, අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති, විචිකිච්ඡා උද්ධච්චං දොමනස්සං උප්පජ්ජති; අරියා ගොත්‍රභුං පච්චවෙක්ඛන්ති, වොදානං පච්චවෙක්ඛන්ති, පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ සමුදාචිණ්ණෙ…පෙ… චක්ඛුං…පෙ… වත්ථුං…පෙ… (සංඛිත්තං) අනාගතංසඤාණස්ස ආවජ්ජනාය ආරම්මණපච්චයෙන පච්චයො. (1)

උපාදානියො චෙව නො ච උපාදානො ධම්මො උපාදානස්ස චෙව උපාදානියස්ස ච ධම්මස්ස ආරම්මණපච්චයෙන පච්චයො (සංඛිත්තං, ඉතරෙ ද්වෙ උපාදානදුකසදිසා). (3)

උපාදානො චෙව උපාදානියො ච උපාදානියො චෙව නො ච උපාදානො ච ධම්මා උපාදානස්ස චෙව උපාදානියස්ස ච ධම්මස්ස ආරම්මණපච්චයෙන පච්චයො… තීණි (හෙට්ඨා අධිපති තීණි, උපාදානදුකසදිසා).

අධිපතිපච්චයො

100. උපාදානියො චෙව නො ච උපාදානො ධම්මො උපාදානියස්ස චෙව නො ච උපාදානස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… ඣානා වුට්ඨහිත්වා ඣානං ගරුං කත්වා පච්චවෙක්ඛති, අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති; සෙක්ඛා ගොත්‍රභුං ගරුං කත්වා…පෙ… වොදානං…පෙ… චක්ඛුං…පෙ… වත්ථුං උපාදානියෙ චෙව නො ච උපාදානෙ ඛන්ධෙ ගරුං කත්වා උපාදානියා චෙව නො ච උපාදානා ඛන්ධා උප්පජ්ජන්ති. සහජාතාධිපති – උපාදානියා චෙව නො ච උපාදානාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො (අවසෙසා ද්වෙපි ආරම්මණාධිපති සහජාතාධිපතිපි උපාදානදුකසදිසා). (3)

(ඝටනා අධිපති තීණි, උපාදානදුකසදිසා. සබ්බෙ පච්චයා උපාදානදුකසදිසා. උපාදානියෙ ලොකුත්තරං නත්ථි, පච්චනීයම්පි ඉතරෙ ද්වෙ ගණනාපි උපාදානදුකසදිසං.)

උපාදානඋපාදානියදුකං නිට්ඨිතං.