1. විභඞ්ගවාරො

හෙතුපච්චයො

63. උපාදානසම්පයුත්තො ධම්මො උපාදානසම්පයුත්තස්ස ධම්මස්ස හෙතුපච්චයෙන පච්චයො – උපාදානසම්පයුත්තා හෙතූ සම්පයුත්තකානං ඛන්ධානං හෙතුපච්චයෙන පච්චයො. (1)

උපාදානසම්පයුත්තො ධම්මො උපාදානවිප්පයුත්තස්ස ධම්මස්ස හෙතුපච්චයෙන පච්චයො – උපාදානසම්පයුත්තා හෙතූ චිත්තසමුට්ඨානානං රූපානං හෙතුපච්චයෙන පච්චයො; දිට්ඨිගතවිප්පයුත්තලොභසහගතා හෙතූ දිට්ඨිගතවිප්පයුත්තලොභස්ස චිත්තසමුට්ඨානානඤ්ච රූපානං හෙතුපච්චයෙන පච්චයො. (මූලං කාතබ්බං) උපාදානසම්පයුත්තා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; දිට්ඨිගතවිප්පයුත්තලොභසහගතා හෙතූ සම්පයුත්තකානං ඛන්ධානං ලොභස්ස ච චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

64. උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස හෙතුපච්චයෙන පච්චයො – උපාදානවිප්පයුත්තා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; දිට්ඨිගතවිප්පයුත්තො ලොභො චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (මූලං කාතබ්බං) දිට්ඨිගතවිප්පයුත්තො ලොභො සම්පයුත්තකානං ඛන්ධානං හෙතුපච්චයෙන පච්චයො. (මූලං කාතබ්බං) දිට්ඨිගතවිප්පයුත්තො ලොභො සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

65. උපාදානසම්පයුත්තො ච උපාදානවිප්පයුත්තො ච ධම්මා උපාදානසම්පයුත්තස්ස ධම්මස්ස හෙතුපච්චයෙන පච්චයො – දිට්ඨිගතවිප්පයුත්තලොභසහගතො මොහො ච ලොභො ච සම්පයුත්තකානං ඛන්ධානං හෙතුපච්චයෙන පච්චයො. (මූලං කාතබ්බං) දිට්ඨිගතවිප්පයුත්තලොභසහගතො මොහො ච ලොභො ච චිත්තසමුට්ඨානානං රූපානං හෙතුපච්චයෙන පච්චයො. (2)

උපාදානසම්පයුත්තො ච උපාදානවිප්පයුත්තො ච ධම්මා උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස හෙතුපච්චයෙන පච්චයො – දිට්ඨිගතවිප්පයුත්තලොභසහගතො මොහො ච ලොභො ච සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

ආරම්මණපච්චයො

66. උපාදානසම්පයුත්තො ධම්මො උපාදානසම්පයුත්තස්ස ධම්මස්ස ආරම්මණපච්චයෙන පච්චයො – උපාදානසම්පයුත්තෙ ඛන්ධෙ ආරබ්භ උපාදානසම්පයුත්තා ඛන්ධා උප්පජ්ජන්ති. (මූලං කාතබ්බං) උපාදානසම්පයුත්තෙ ඛන්ධෙ ආරබ්භ උපාදානවිප්පයුත්තා ඛන්ධා ච ලොභො ච උප්පජ්ජන්ති. (මූලං කාතබ්බං) උපාදානසම්පයුත්තෙ ඛන්ධෙ ආරබ්භ දිට්ඨිගතවිප්පයුත්තලොභසහගතා ඛන්ධා ච ලොභො ච උප්පජ්ජන්ති. (3)

67. උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං…පෙ… පුබ්බෙ සුචිණ්ණානි…පෙ… ඣානා වුට්ඨහිත්වා ඣානං පච්චවෙක්ඛති, අස්සාදෙති අභිනන්දති, තං ආරබ්භ දිට්ඨිගතවිප්පයුත්තො රාගො…පෙ… විචිකිච්ඡා…පෙ… උද්ධච්චං උප්පජ්ජති, ඣානෙ පරිහීනෙ විප්පටිසාරිස්ස දොමනස්සං උප්පජ්ජති. අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං…පෙ… නිබ්බානං පච්චවෙක්ඛන්ති. නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො. අරියා උපාදානවිප්පයුත්තෙ පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ සමුදාචිණ්ණෙ කිලෙසෙ…පෙ… චක්ඛුං…පෙ… වත්ථුං උපාදානවිප්පයුත්තෙ ඛන්ධෙ ච ලොභඤ්ච අනිච්චතො…පෙ… විපස්සති, අස්සාදෙති අභිනන්දති, තං ආරබ්භ දිට්ඨිගතවිප්පයුත්තො රාගො…පෙ… විචිකිච්ඡා…පෙ… උද්ධච්චං…පෙ… දොමනස්සං උප්පජ්ජති…පෙ… (සබ්බං පරිපුණ්ණං), දිබ්බෙන චක්ඛුනා… (යාව කායවිඤ්ඤාණං), උපාදානවිප්පයුත්තා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

උපාදානවිප්පයුත්තො ධම්මො උපාදානසම්පයුත්තස්ස ධම්මස්ස ආරම්මණපච්චයෙන පච්චයො – දානං …පෙ… ඣානං…පෙ… චක්ඛුං…පෙ… වත්ථුං උපාදානවිප්පයුත්තෙ ඛන්ධෙ ච ලොභඤ්ච අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති. (2)

උපාදානවිප්පයුත්තො ධම්මො උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස ආරම්මණපච්චයෙන පච්චයො – චක්ඛුං…පෙ… වත්ථුං උපාදානවිප්පයුත්තෙ ඛන්ධෙ ච ලොභඤ්ච ආරබ්භ දිට්ඨිගතවිප්පයුත්තලොභසහගතා ඛන්ධා ච ලොභො ච උප්පජ්ජන්ති. (3)

68. උපාදානසම්පයුත්තො ච උපාදානවිප්පයුත්තො ච ධම්මා උපාදානසම්පයුත්තස්ස ධම්මස්ස ආරම්මණපච්චයෙන පච්චයො – දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච ආරබ්භ උපාදානසම්පයුත්තා ඛන්ධා උප්පජ්ජන්ති. (මූලං කාතබ්බං) දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච ආරබ්භ උපාදානවිප්පයුත්තා ඛන්ධා ච ලොභො ච උප්පජ්ජන්ති. (මූලං කාතබ්බං) දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච ආරබ්භ දිට්ඨිගතවිප්පයුත්තලොභසහගතා ඛන්ධා ච ලොභො ච උප්පජ්ජන්ති. (3)

අධිපතිපච්චයො

69. උපාදානසම්පයුත්තො ධම්මො උපාදානසම්පයුත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – උපාදානසම්පයුත්තෙ ඛන්ධෙ ගරුං කත්වා උපාදානසම්පයුත්තා ඛන්ධා උප්පජ්ජන්ති. සහජාතාධිපති – උපාදානසම්පයුත්තාධිපති සම්පයුත්තකානං ඛන්ධානං අධිපතිපච්චයෙන පච්චයො. (මූලං කාතබ්බං) ආරම්මණාධිපති, සහජාතාධිපති. ආරම්මණාධිපති – උපාදානසම්පයුත්තෙ ඛන්ධෙ ගරුං කත්වා දිට්ඨිගතවිප්පයුත්තො ලොභො උප්පජ්ජති. සහජාතාධිපති – උපාදානසම්පයුත්තාධිපති චිත්තසමුට්ඨානානං රූපානං අධිපතිපච්චයෙන පච්චයො; දිට්ඨිගතවිප්පයුත්තලොභසහගතාධිපති ලොභස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (මූලං කාතබ්බං) ආරම්මණාධිපති, සහජාතාධිපති. ආරම්මණාධිපති – උපාදානසම්පයුත්තෙ ඛන්ධෙ ගරුං කත්වා දිට්ඨිගතවිප්පයුත්තලොභසහගතා ඛන්ධා ච ලොභො ච උප්පජ්ජන්ති. සහජාතාධිපති – උපාදානසම්පයුත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො; දිට්ඨිගතවිප්පයුත්තලොභසහගතාධිපති සම්පයුත්තකානං ඛන්ධානං ලොභස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

70. උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… ඣානා වුට්ඨහිත්වා ඣානං ගරුං කත්වා පච්චවෙක්ඛති, අස්සාදෙති අභිනන්දති, තං ගරුං කත්වා දිට්ඨිගතවිප්පයුත්තො රාගො උප්පජ්ජති…පෙ… අරියා මග්ගා වුට්ඨහිත්වා…පෙ… ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං උපාදානවිප්පයුත්තෙ ඛන්ධෙ ච ලොභඤ්ච ගරුං කත්වා අස්සාදෙති අභිනන්දති, තං ගරුං කත්වා දිට්ඨිගතවිප්පයුත්තො රාගො උප්පජ්ජති. සහජාතාධිපති – උපාදානවිප්පයුත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

උපාදානවිප්පයුත්තො ධම්මො උපාදානසම්පයුත්තස්ස ධම්මස්ස අධිපතිපච්චයෙන පච්චයො. ආරම්මණාධිපති – දානං…පෙ… ඣානං…පෙ… චක්ඛුං…පෙ… වත්ථුං උපාදානවිප්පයුත්තෙ ඛන්ධෙ ච ලොභඤ්ච ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (2)

උපාදානවිප්පයුත්තො ධම්මො උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස අධිපතිපච්චයෙන පච්චයො. ආරම්මණාධිපති – චක්ඛුං…පෙ… වත්ථුං උපාදානවිප්පයුත්තෙ ඛන්ධෙ ච ලොභඤ්ච ගරුං කත්වා දිට්ඨිගතවිප්පයුත්තලොභසහගතා ඛන්ධා ච ලොභො ච උප්පජ්ජන්ති. (3)

71. උපාදානසම්පයුත්තො ච උපාදානවිප්පයුත්තො ච ධම්මා උපාදානසම්පයුත්තස්ස ධම්මස්ස අධිපතිපච්චයෙන පච්චයො. ආරම්මණාධිපති – දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච ගරුං කත්වා උපාදානසම්පයුත්තා ඛන්ධා උප්පජ්ජන්ති. (මූලං කාතබ්බං) දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච ගරුං කත්වා දිට්ඨිගතවිප්පයුත්තො ලොභො උප්පජ්ජති. (මූලං කාතබ්බං) දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච ගරුං කත්වා දිට්ඨිගතවිප්පයුත්තලොභසහගතා ඛන්ධා ච ලොභො ච උප්පජ්ජන්ති. (3)

අනන්තරපච්චයො

72. උපාදානසම්පයුත්තො ධම්මො උපාදානසම්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා උපාදානසම්පයුත්තා ඛන්ධා පච්ඡිමානං පච්ඡිමානං උපාදානසම්පයුත්තකානං ඛන්ධානං අනන්තරපච්චයෙන පච්චයො. (මූලං කාතබ්බං) පුරිමා පුරිමා දිට්ඨිගතවිප්පයුත්තලොභසහගතා ඛන්ධා පච්ඡිමස්ස පච්ඡිමස්ස දිට්ඨිගතවිප්පයුත්තස්ස ලොභස්ස අනන්තරපච්චයෙන පච්චයො; උපාදානසම්පයුත්තා ඛන්ධා වුට්ඨානස්ස අනන්තරපච්චයෙන පච්චයො. (මූලං කාතබ්බං) පුරිමා පුරිමා දිට්ඨිගතවිප්පයුත්තලොභසහගතා ඛන්ධා පච්ඡිමානං පච්ඡිමානං දිට්ඨිගතවිප්පයුත්තලොභසහගතානං ඛන්ධානං ලොභස්ස ච අනන්තරපච්චයෙන පච්චයො. (3)

73. උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස අනන්තරපච්චයෙන පච්චයො – පුරිමො පුරිමො දිට්ඨිගතවිප්පයුත්තො ලොභො පච්ඡිමස්ස පච්ඡිමස්ස දිට්ඨිගතවිප්පයුත්තස්ස ලොභස්ස අනන්තරපච්චයෙන පච්චයො; පුරිමා පුරිමා උපාදානවිප්පයුත්තා ඛන්ධා පච්ඡිමානං පච්ඡිමානං උපාදානවිප්පයුත්තානං ඛන්ධානං අනන්තරපච්චයෙන පච්චයො; දිට්ඨිගතවිප්පයුත්තො ලොභො වුට්ඨානස්ස අනන්තරපච්චයෙන පච්චයො; අනුලොමං ගොත්‍රභුස්ස…පෙ… ඵලසමාපත්තියා අනන්තරපච්චයෙන පච්චයො. (මූලං කාතබ්බං) පුරිමො පුරිමො දිට්ඨිගතවිප්පයුත්තො ලොභො පච්ඡිමානං පච්ඡිමානං දිට්ඨිගතවිප්පයුත්තලොභසහගතානං ඛන්ධානං අනන්තරපච්චයෙන පච්චයො. ආවජ්ජනා උපාදානසම්පයුත්තකානං ඛන්ධානං අනන්තරපච්චයෙන පච්චයො. (මූලං කාතබ්බං) පුරිමො පුරිමො දිට්ඨිගතවිප්පයුත්තො ලොභො පච්ඡිමානං පච්ඡිමානං දිට්ඨිගතවිප්පයුත්තලොභසහගතානං ඛන්ධානං ලොභස්ස ච අනන්තරපච්චයෙන පච්චයො; ආවජ්ජනා දිට්ඨිගතවිප්පයුත්තලොභසහගතානං ඛන්ධානං ලොභස්ස ච අනන්තරපච්චයෙන පච්චයො. (3)

74. උපාදානසම්පයුත්තො ච උපාදානවිප්පයුත්තො ච ධම්මා උපාදානසම්පයුත්තස්ස ධම්මස්ස අනන්තරපච්චයෙන පච්චයො – පුරිමා පුරිමා දිට්ඨිගතවිප්පයුත්තලොභසහගතා ඛන්ධා ච ලොභො ච පච්ඡිමානං පච්ඡිමානං දිට්ඨිගතවිප්පයුත්තලොභසහගතානං ඛන්ධානං අනන්තරපච්චයෙන පච්චයො. (මූලං කාතබ්බං) පුරිමා පුරිමා දිට්ඨිගතවිප්පයුත්තලොභසහගතා ඛන්ධා ච ලොභො ච පච්ඡිමස්ස පච්ඡිමස්ස දිට්ඨිගතවිප්පයුත්තස්ස ලොභස්ස අනන්තරපච්චයෙන පච්චයො; දිට්ඨිගතවිප්පයුත්තලොභසහගතා ඛන්ධා ච ලොභො ච වුට්ඨානස්ස අනන්තරපච්චයෙන පච්චයො. (මූලං කාතබ්බං) පුරිමා පුරිමා දිට්ඨිගතවිප්පයුත්තලොභසහගතා ඛන්ධා ච ලොභො ච පච්ඡිමානං පච්ඡිමානං දිට්ඨිගතවිප්පයුත්තලොභසහගතානං ඛන්ධානං ලොභස්ස ච අනන්තරපච්චයෙන පච්චයො. (3)

සමනන්තරපච්චයාදි

75. උපාදානසම්පයුත්තො ධම්මො උපාදානසම්පයුත්තස්ස ධම්මස්ස සමනන්තරපච්චයෙන පච්චයො… සහජාතපච්චයෙන පච්චයො… (පටිච්චසදිසං) නව… අඤ්ඤමඤ්ඤපච්චයෙන පච්චයො… (පටිච්චසදිසං) ඡ… නිස්සයපච්චයෙන පච්චයො… (පච්චයවාරසදිසං) නව.

උපනිස්සයපච්චයො

76. උපාදානසම්පයුත්තො ධම්මො උපාදානසම්පයුත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – උපාදානසම්පයුත්තා ඛන්ධා උපාදානසම්පයුත්තකානං ඛන්ධානං උපනිස්සයපච්චයෙන පච්චයො. (මූලං කාතබ්බං) උපාදානසම්පයුත්තා ඛන්ධා උපාදානවිප්පයුත්තකානං ඛන්ධානං ලොභස්ස ච උපනිස්සයපච්චයෙන පච්චයො. (මූලං කාතබ්බං) උපාදානසම්පයුත්තා ඛන්ධා දිට්ඨිගතවිප්පයුත්තලොභසහගතානං ඛන්ධානං ලොභස්ස ච උපනිස්සයපච්චයෙන පච්චයො. (3)

77. උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති, මානං ජප්පෙති, සීලං…පෙ… පඤ්ඤං… උපාදානවිප්පයුත්තං රාගං… මානං… පත්ථනං…පෙ… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… පඤ්ඤාය උපාදානවිප්පයුත්තස්ස රාගස්ස… මානස්ස… පත්ථනාය… කායිකස්ස සුඛස්ස…පෙ… ඵලසමාපත්තියා උපනිස්සයපච්චයෙන පච්චයො. (1)

උපාදානවිප්පයුත්තො ධම්මො උපාදානසම්පයුත්තස්ස ධම්මස්ස උපනිස්සයපච්චයෙන පච්චයො – (තීණි උපනිස්සයා) සද්ධං උපනිස්සාය මානං ජප්පෙති, දිට්ඨිං ගණ්හාති, සීලං…පෙ… පඤ්ඤං… උපාදානවිප්පයුත්තං රාගං… මානං… පත්ථනං… සෙනාසනං උපනිස්සාය අදින්නං…පෙ… මුසා…පෙ… පිසුණං…පෙ… සම්ඵං…පෙ… සන්ධිං…පෙ… නිල්ලොපං…පෙ… එකාගාරිකං…පෙ… පරිපන්ථෙ…පෙ… පරදාරං…පෙ… ගාමඝාතං…පෙ… නිගමඝාතං කරොති. සද්ධා…පෙ… සෙනාසනං උපාදානසම්පයුත්තස්ස රාගස්ස… මොහස්ස… මානස්ස… දිට්ඨියා… පත්ථනාය උපනිස්සයපච්චයෙන පච්චයො. (2)

උපාදානවිප්පයුත්තො ධම්මො උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය මානං ජප්පෙති, සීලං…පෙ… පඤ්ඤං… උපාදානවිප්පයුත්තං රාගං…පෙ… සෙනාසනං උපනිස්සාය අදින්නං ආදියති…පෙ… ගාමඝාතං කරොති… නිගමඝාතං කරොති…. සද්ධා…පෙ… සෙනාසනං දිට්ඨිගතවිප්පයුත්තලොභසහගතානං ඛන්ධානං ලොභස්ස ච උපනිස්සයපච්චයෙන පච්චයො. (3)

78. උපාදානසම්පයුත්තො ච උපාදානවිප්පයුත්තො ච ධම්මා උපාදානසම්පයුත්තස්ස ධම්මස්ස උපනිස්සයපච්චයෙන පච්චයො – දිට්ඨිගතවිප්පයුත්තලොභසහගතා ඛන්ධා ච ලොභො ච උපාදානසම්පයුත්තකානං ඛන්ධානං උපනිස්සයපච්චයෙන පච්චයො. (මූලං කාතබ්බං) දිට්ඨිගතවිප්පයුත්තලොභසහගතා ඛන්ධා ච ලොභො ච උපාදානවිප්පයුත්තකානං ඛන්ධානං ලොභස්ස ච උපනිස්සයපච්චයෙන පච්චයො. (මූලං කාතබ්බං) දිට්ඨිගතවිප්පයුත්තලොභසහගතා ඛන්ධා ච ලොභො ච දිට්ඨිගතවිප්පයුත්තලොභසහගතානං ඛන්ධානං ලොභස්ස ච උපනිස්සයපච්චයෙන පච්චයො. (3)

පුරෙජාතපච්චයො

79. උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං…පෙ… වත්ථු උපාදානවිප්පයුත්තකානං ඛන්ධානං ලොභස්ස ච පුරෙජාතපච්චයෙන පච්චයො. (1)

උපාදානවිප්පයුත්තො ධම්මො උපාදානසම්පයුත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අස්සාදෙති අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති. වත්ථුපුරෙජාතං – වත්ථු උපාදානසම්පයුත්තකානං ඛන්ධානං පුරෙජාතපච්චයෙන පච්චයො. (2)

උපාදානවිප්පයුත්තො ධම්මො උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං ආරබ්භ දිට්ඨිගතවිප්පයුත්තලොභසහගතා ඛන්ධා ච ලොභො ච උප්පජ්ජන්ති. වත්ථුපුරෙජාතං – වත්ථු දිට්ඨිගතවිප්පයුත්තලොභසහගතානං ඛන්ධානං ලොභස්ස ච පුරෙජාතපච්චයෙන පච්චයො. (3)

පච්ඡාජාතාසෙවනපච්චයා

80. උපාදානසම්පයුත්තො ධම්මො උපාදානවිප්පයුත්තස්ස ධම්මස්ස පච්ඡාජාතපච්චයෙන පච්චයො (සංඛිත්තං). (1)

උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස පච්ඡාජාතපච්චයෙන පච්චයො (සංඛිත්තං). (1)

උපාදානසම්පයුත්තො ච උපාදානවිප්පයුත්තො ච ධම්මා උපාදානවිප්පයුත්තස්ස ධම්මස්ස පච්ඡාජාතපච්චයෙන පච්චයො. (සංඛිත්තං.) (1) …ආසෙවනපච්චයෙන පච්චයො.

කම්ම-විපාකපච්චයා

81. උපාදානසම්පයුත්තො ධම්මො උපාදානසම්පයුත්තස්ස ධම්මස්ස කම්මපච්චයෙන පච්චයො – උපාදානසම්පයුත්තා චෙතනා සම්පයුත්තකානං ඛන්ධානං කම්මපච්චයෙන පච්චයො. (1)

උපාදානසම්පයුත්තො ධම්මො උපාදානවිප්පයුත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – උපාදානසම්පයුත්තා චෙතනා චිත්තසමුට්ඨානානං රූපානං කම්මපච්චයෙන පච්චයො; දිට්ඨිගතවිප්පයුත්තලොභසහගතා චෙතනා ලොභස්ස චිත්තසමුට්ඨානානඤ්ච රූපානං කම්මපච්චයෙන පච්චයො. නානාක්ඛණිකා – උපාදානසම්පයුත්තා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (2)

උපාදානසම්පයුත්තො ධම්මො උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස කම්මපච්චයෙන පච්චයො – උපාදානසම්පයුත්තා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; දිට්ඨිගතවිප්පයුත්තලොභසහගතා චෙතනා සම්පයුත්තකානං ඛන්ධානං ලොභස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො. (3)

82. උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – උපාදානවිප්පයුත්තා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – උපාදානවිප්පයුත්තා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (1)

උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස විපාකපච්චයෙන පච්චයො – විපාකො උපාදානවිප්පයුත්තො එකො…පෙ… එකං.

ආහාරපච්චයාදි

83. උපාදානසම්පයුත්තො ධම්මො උපාදානසම්පයුත්තස්ස ධම්මස්ස ආහාරපච්චයෙන පච්චයො… ඉන්ද්‍රියපච්චයෙන පච්චයො… ඣානපච්චයෙන පච්චයො… මග්ගපච්චයෙන පච්චයො (ඉමෙසු චතූසුපි යථා කම්මපච්චයෙ දිට්ඨිගතවිප්පයුත්තො ලොභො දස්සිතො එවං දස්සෙතබ්බො. චත්තාරි චත්තාරි පඤ්හා)… සම්පයුත්තපච්චයෙන පච්චයො… ඡ.

විප්පයුත්තපච්චයො

84. උපාදානසම්පයුත්තො ධම්මො උපාදානවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (1)

උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං (සංඛිත්තං). (1)

උපාදානවිප්පයුත්තො ධම්මො උපාදානසම්පයුත්තස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු උපාදානසම්පයුත්තකානං ඛන්ධානං විප්පයුත්තපච්චයෙන පච්චයො. (2)

උපාදානවිප්පයුත්තො ධම්මො උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස විප්පයුත්තපච්චයෙන පච්චයො. පුරෙජාතං – වත්ථු දිට්ඨිගතවිප්පයුත්තලොභසහගතානං ඛන්ධානං ලොභස්ස ච විප්පයුත්තපච්චයෙන පච්චයො. (3)

උපාදානසම්පයුත්තො ච උපාදානවිප්පයුත්තො ච ධම්මා උපාදානවිප්පයුත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – දිට්ඨිගතවිප්පයුත්තලොභසහගතා ඛන්ධා ච ලොභො ච චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා…පෙ….

අත්ථිපච්චයාදි

85. උපාදානසම්පයුත්තො ධම්මො උපාදානසම්පයුත්තස්ස ධම්මස්ස අත්ථිපච්චයෙන පච්චයො… එකං (පටිච්චසදිසං). (1)

උපාදානසම්පයුත්තො ධම්මො උපාදානවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං (සංඛිත්තං). (2)

උපාදානසම්පයුත්තො ධම්මො උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස අත්ථිපච්චයෙන පච්චයො (පටිච්චසදිසං). (3)

86. උපාදානවිප්පයුත්තො ධම්මො උපාදානවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං). (1)

උපාදානවිප්පයුත්තො ධම්මො උපාදානසම්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං (සංඛිත්තං). (2)

උපාදානවිප්පයුත්තො ධම්මො උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං (ඉමෙසු සහජාතං සහජාතසදිසං, පුරෙජාතං පුරෙජාතසදිසං). (3)

87. උපාදානසම්පයුත්තො ච උපාදානවිප්පයුත්තො ච ධම්මා උපාදානසම්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – උපාදානසම්පයුත්තො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. සහජාතො – දිට්ඨිගතවිප්පයුත්තලොභසහගතො එකො ඛන්ධො ච ලොභො ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. (1)

උපාදානසම්පයුත්තො ච උපාදානවිප්පයුත්තො ච ධම්මා උපාදානවිප්පයුත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතා – උපාදානසම්පයුත්තා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. සහජාතා – දිට්ඨිගතවිප්පයුත්තලොභසහගතා ඛන්ධා ච ලොභො ච චිත්තසමුට්ඨානානං රූපානං අත්ථිපච්චයෙන පච්චයො. සහජාතා – දිට්ඨිගතවිප්පයුත්තලොභසහගතා ඛන්ධා ච වත්ථු ච ලොභස්ස අත්ථිපච්චයෙන පච්චයො. පච්ඡාජාතා – දිට්ඨිගතවිප්පයුත්තලොභසහගතා ඛන්ධා ච ලොභො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – දිට්ඨිගතවිප්පයුත්තලොභසහගතා ඛන්ධා ච ලොභො ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – දිට්ඨිගතවිප්පයුත්තලොභසහගතා ඛන්ධා ච ලොභො ච රූපජීවිතින්ද්‍රියඤ්ච කටත්තාරූපානං අත්ථිපච්චයෙන පච්චයො. (2)

උපාදානසම්පයුත්තො ච උපාදානවිප්පයුත්තො ච ධම්මා උපාදානසම්පයුත්තස්ස ච උපාදානවිප්පයුත්තස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – දිට්ඨිගතවිප්පයුත්තලොභසහගතො එකො ඛන්ධො ච ලොභො ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. සහජාතො – දිට්ඨිගතවිප්පයුත්තලොභසහගතො එකො ඛන්ධො ච වත්ථු ච තිණ්ණන්නං ඛන්ධානං ලොභස්ස ච අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. (3)

නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො.