5. සංසට්ඨවාරො

1-4. පච්චයානුලොමාදි

62. උපාදානසම්පයුත්තං ධම්මං සංසට්ඨො උපාදානසම්පයුත්තො ධම්මො උප්පජ්ජති හෙතුපච්චයා – උපාදානසම්පයුත්තං එකං ඛන්ධං සංසට්ඨා… තීණි.

උපාදානවිප්පයුත්තං ධම්මං සංසට්ඨො උපාදානවිප්පයුත්තො ධම්මො උප්පජ්ජති හෙතුපච්චයා (පටිච්චසදිසං, අරූපංයෙව කාතබ්බං).

උපාදානවිප්පයුත්තං ධම්මං සංසට්ඨො උපාදානසම්පයුත්තො ධම්මො උප්පජ්ජති හෙතුපච්චයා (පටිච්චසදිසං, අරූපංයෙව කාතබ්බං).

උපාදානසම්පයුත්තඤ්ච උපාදානවිප්පයුත්තඤ්ච ධම්මං සංසට්ඨො උපාදානසම්පයුත්තො ධම්මො උප්පජ්ජති හෙතුපච්චයා (පටිච්චසදිසං, අරූපංයෙව කාතබ්බං).

හෙතුයා ඡ, ආරම්මණෙ ඡ, අධිපතියා ඡ (සබ්බත්ථ ඡ), විපාකෙ එකං…පෙ… අවිගතෙ ඡ.

අනුලොමං.

උපාදානවිප්පයුත්තං ධම්මං සංසට්ඨො උපාදානවිප්පයුත්තො ධම්මො උප්පජ්ජති නහෙතුපච්චයා (සංඛිත්තං).

නහෙතුයා එකං, නඅධිපතියා ඡ, නපුරෙජාතෙ ඡ, නපච්ඡාජාතෙ ඡ, නආසෙවනෙ ඡ, නකම්මෙ චත්තාරි, නවිපාකෙ ඡ, නඣානෙ එකං, නමග්ගෙ එකං, නවිප්පයුත්තෙ ඡ.

පච්චනීයං.