1. විභඞ්ගවාරො

නහෙතුපච්චයො

51. උපාදානවිප්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති නහෙතුපච්චයා – අහෙතුකං උපාදානවිප්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

නආරම්මණපච්චයාදි

52. උපාදානසම්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති නආරම්මණපච්චයා – උපාදානසම්පයුත්තෙ ඛන්ධෙ පටිච්ච චිත්තසමුට්ඨානං රූපං. (1)

උපාදානවිප්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති නආරම්මණපච්චයා – උපාදානවිප්පයුත්තෙ ඛන්ධෙ පටිච්ච චිත්තසමුට්ඨානං රූපං, දිට්ඨිගතවිප්පයුත්තං ලොභං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා). (1)

උපාදානසම්පයුත්තඤ්ච උපාදානවිප්පයුත්තඤ්ච ධම්මං පටිච්ච උපාදානවිප්පයුත්තො ධම්මො උප්පජ්ජති නආරම්මණපච්චයා – උපාදානසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච පටිච්ච චිත්තසමුට්ඨානං රූපං. (1)

නඅධිපතිපච්චයා… නඅනන්තරපච්චයා… නසමනන්තරපච්චයා… නඋපනිස්සයපච්චයා.

නපුරෙජාතපච්චයාදි

53. උපාදානසම්පයුත්තං ධම්මං පටිච්ච උපාදානසම්පයුත්තො ධම්මො උප්පජ්ජති නපුරෙජාතපච්චයා – අරූපෙ උපාදානසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

උපාදානසම්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති නපුරෙජාතපච්චයා – අරූපෙ දිට්ඨිගතවිප්පයුත්තලොභසහගතෙ ඛන්ධෙ පටිච්ච ලොභො, උපාදානසම්පයුත්තෙ ඛන්ධෙ පටිච්ච චිත්තසමුට්ඨානං රූපං. (2)

උපාදානසම්පයුත්තං ධම්මං පටිච්ච උපාදානසම්පයුත්තො ච උපාදානවිප්පයුත්තො ච ධම්මා උප්පජ්ජන්ති නපුරෙජාතපච්චයා – අරූපෙ දිට්ඨිගතවිප්පයුත්තලොභසහගතං එකං ඛන්ධං පටිච්ච තයො ඛන්ධා ලොභො ච…පෙ… ද්වෙ ඛන්ධෙ…පෙ…. (3)

54. උපාදානවිප්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති නපුරෙජාතපච්චයා – අරූපෙ උපාදානවිප්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… උපාදානවිප්පයුත්තෙ ඛන්ධෙ පටිච්ච චිත්තසමුට්ඨානං රූපං, දිට්ඨිගතවිප්පයුත්තං ලොභං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා). (1)

උපාදානවිප්පයුත්තං ධම්මං පටිච්ච උපාදානසම්පයුත්තො ධම්මො උප්පජ්ජති නපුරෙජාතපච්චයා – අරූපෙ දිට්ඨිගතවිප්පයුත්තං ලොභං පටිච්ච සම්පයුත්තකා ඛන්ධා. (2)

උපාදානසම්පයුත්තඤ්ච උපාදානවිප්පයුත්තඤ්ච ධම්මං පටිච්ච උපාදානසම්පයුත්තො ධම්මො උප්පජ්ජති නපුරෙජාතපච්චයා – අරූපෙ දිට්ඨිගතවිප්පයුත්තලොභසහගතං එකං ඛන්ධඤ්ච ලොභඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1)

උපාදානසම්පයුත්තඤ්ච උපාදානවිප්පයුත්තඤ්ච ධම්මං පටිච්ච උපාදානවිප්පයුත්තො ධම්මො උප්පජ්ජති නපුරෙජාතපච්චයා – උපාදානසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච පටිච්ච චිත්තසමුට්ඨානං රූපං. (2)

නපච්ඡාජාතපච්චයා… නආසෙවනපච්චයා.

නකම්මපච්චයො

55. උපාදානසම්පයුත්තං ධම්මං පටිච්ච උපාදානසම්පයුත්තො ධම්මො උප්පජ්ජති නකම්මපච්චයා – උපාදානසම්පයුත්තෙ ඛන්ධෙ පටිච්ච සම්පයුත්තකා චෙතනා. (1)

උපාදානවිප්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති නකම්මපච්චයා – උපාදානවිප්පයුත්තෙ ඛන්ධෙ පටිච්ච සම්පයුත්තකා චෙතනා; බාහිරං… ආහාරසමුට්ඨානං… උතුසමුට්ඨානං…පෙ…. (1)

උපාදානවිප්පයුත්තං ධම්මං පටිච්ච උපාදානසම්පයුත්තො ධම්මො උප්පජ්ජති නකම්මපච්චයා – දිට්ඨිගතවිප්පයුත්තං ලොභං පටිච්ච සම්පයුත්තකා චෙතනා. (2)

උපාදානසම්පයුත්තඤ්ච උපාදානවිප්පයුත්තඤ්ච ධම්මං පටිච්ච උපාදානසම්පයුත්තො ධම්මො උප්පජ්ජති නකම්මපච්චයා – දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච පටිච්ච සම්පයුත්තකා චෙතනා. (1) (සංඛිත්තං.)