1. විභඞ්ගවාරො

හෙතුපච්චයො

45. උපාදානසම්පයුත්තං ධම්මං පටිච්ච උපාදානසම්පයුත්තො ධම්මො උප්පජ්ජති හෙතුපච්චයා – උපාදානසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

උපාදානසම්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති හෙතුපච්චයා – උපාදානසම්පයුත්තෙ ඛන්ධෙ පටිච්ච චිත්තසමුට්ඨානං රූපං, දිට්ඨිගතවිප්පයුත්තලොභසහගතෙ ඛන්ධෙ පටිච්ච ලොභො චිත්තසමුට්ඨානඤ්ච රූපං. (2)

උපාදානසම්පයුත්තං ධම්මං පටිච්ච උපාදානසම්පයුත්තො ච උපාදානවිප්පයුත්තො ච ධම්මා උප්පජ්ජන්ති හෙතුපච්චයා – උපාදානසම්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දිට්ඨිගතවිප්පයුත්තලොභසහගතං එකං ඛන්ධං පටිච්ච තයො ඛන්ධා ලොභො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

46. උපාදානවිප්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති හෙතුපච්චයා – උපාදානවිප්පයුත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… දිට්ඨිගතවිප්පයුත්තං ලොභං පටිච්ච චිත්තසමුට්ඨානං රූපං; පටිසන්ධික්ඛණෙ උපාදානවිප්පයුත්තං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ…. (1)

උපාදානවිප්පයුත්තං ධම්මං පටිච්ච උපාදානසම්පයුත්තො ධම්මො උප්පජ්ජති හෙතුපච්චයා – දිට්ඨිගතවිප්පයුත්තං ලොභං පටිච්ච සම්පයුත්තකා ඛන්ධා. (2)

උපාදානවිප්පයුත්තං ධම්මං පටිච්ච උපාදානසම්පයුත්තො ච උපාදානවිප්පයුත්තො ච ධම්මා උප්පජ්ජන්ති හෙතුපච්චයා – දිට්ඨිගතවිප්පයුත්තං ලොභං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (3)

47. උපාදානසම්පයුත්තඤ්ච උපාදානවිප්පයුත්තඤ්ච ධම්මං පටිච්ච උපාදානසම්පයුත්තො ධම්මො උප්පජ්ජති හෙතුපච්චයා – දිට්ඨිගතවිප්පයුත්තලොභසහගතං එකං ඛන්ධඤ්ච ලොභඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1)

උපාදානසම්පයුත්තඤ්ච උපාදානවිප්පයුත්තඤ්ච ධම්මං පටිච්ච උපාදානවිප්පයුත්තො ධම්මො උප්පජ්ජති හෙතුපච්චයා – උපාදානසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, දිට්ඨිගතවිප්පයුත්තලොභසහගතෙ ඛන්ධෙ ච ලොභඤ්ච පටිච්ච චිත්තසමුට්ඨානං රූපං. (2)

උපාදානසම්පයුත්තඤ්ච උපාදානවිප්පයුත්තඤ්ච ධම්මං පටිච්ච උපාදානසම්පයුත්තො ච උපාදානවිප්පයුත්තො ච ධම්මා උප්පජ්ජන්ති හෙතුපච්චයා – දිට්ඨිගතවිප්පයුත්තලොභසහගතං එකං ඛන්ධඤ්ච ලොභඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ…. (3)

ආරම්මණපච්චයො

48. උපාදානසම්පයුත්තං ධම්මං පටිච්ච උපාදානසම්පයුත්තො ධම්මො උප්පජ්ජති ආරම්මණපච්චයා – උපාදානසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

උපාදානසම්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති ආරම්මණපච්චයා – දිට්ඨිගතවිප්පයුත්තලොභසහගතෙ ඛන්ධෙ පටිච්ච ලොභො. (2)

උපාදානසම්පයුත්තං ධම්මං පටිච්ච උපාදානසම්පයුත්තො ච උපාදානවිප්පයුත්තො ච ධම්මා උප්පජ්ජන්ති ආරම්මණපච්චයා – දිට්ඨිගතවිප්පයුත්තලොභසහගතං එකං ඛන්ධං පටිච්ච තයො ඛන්ධා ලොභො ච…පෙ… ද්වෙ ඛන්ධෙ…පෙ…. (3)

49. උපාදානවිප්පයුත්තං ධම්මං පටිච්ච උපාදානවිප්පයුත්තො ධම්මො උප්පජ්ජති ආරම්මණපච්චයා – උපාදානවිප්පයුත්තං එකං ඛන්ධං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

උපාදානවිප්පයුත්තං ධම්මං පටිච්ච උපාදානසම්පයුත්තො ධම්මො උප්පජ්ජති ආරම්මණපච්චයා – දිට්ඨිගතවිප්පයුත්තං ලොභං පටිච්ච සම්පයුත්තකා ඛන්ධා. (2)

උපාදානසම්පයුත්තඤ්ච උපාදානවිප්පයුත්තඤ්ච ධම්මං පටිච්ච උපාදානසම්පයුත්තො ධම්මො උප්පජ්ජති ආරම්මණපච්චයා – දිට්ඨිගතවිප්පයුත්තලොභසහගතං එකං ඛන්ධඤ්ච ලොභඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (3) (සංඛිත්තං.)