1. විභඞ්ගවාරො

හෙතුපච්චයො

115. චෙතසිකං ධම්මං සංසට්ඨො චෙතසිකො ධම්මො උප්පජ්ජති හෙතුපච්චයා – චෙතසිකං එකං ඛන්ධං සංසට්ඨා ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

චෙතසිකං ධම්මං සංසට්ඨො අචෙතසිකො ධම්මො උප්පජ්ජති හෙතුපච්චයා – චෙතසිකො ඛන්ධෙ සංසට්ඨං චිත්තං; පටිසන්ධික්ඛණෙ…පෙ…. (2)

චෙතසිකං ධම්මං සංසට්ඨො චෙතසිකො ච අචෙතසිකො ච ධම්මා උප්පජ්ජන්ති හෙතුපච්චයා – චෙතසිකං එකං ඛන්ධං සංසට්ඨා ද්වෙ ඛන්ධා චිත්තඤ්ච, ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

අචෙතසිකං ධම්මං සංසට්ඨො චෙතසිකො ධම්මො උප්පජ්ජති හෙතුපච්චයා – චිත්තං සංසට්ඨා සම්පයුත්තකා ඛන්ධා; පටිසන්ධික්ඛණෙ…පෙ…. (1)

චෙතසිකඤ්ච අචෙතසිකඤ්ච ධම්මං සංසට්ඨො චෙතසිකො ධම්මො උප්පජ්ජති හෙතුපච්චයා – චෙතසිකං එකං ඛන්ධඤ්ච චිත්තඤ්ච සංසට්ඨා ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ…පෙ…. (1) (සංඛිත්තං).