1. විභඞ්ගවාරො

හෙතුපච්චයො

92. චෙතසිකං ධම්මං පටිච්ච චෙතසිකො ධම්මො උප්පජ්ජති හෙතුපච්චයා – චෙතසිකං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ…පෙ…. (1)

චෙතසිකං ධම්මං පටිච්ච අචෙතසිකො ධම්මො උප්පජ්ජති හෙතුපච්චයා – චෙතසිකෙ ඛන්ධෙ පටිච්ච චිත්තඤ්ච චිත්තසමුට්ඨානඤ්ච රූපං; පටිසන්ධික්ඛණෙ චෙතසිකෙ ඛන්ධෙ පටිච්ච චිත්තඤ්ච කටත්තා ච රූපං. (2)

චෙතසිකං ධම්මං පටිච්ච චෙතසිකො ච අචෙතසිකො ච ධම්මා උප්පජ්ජන්ති හෙතුපච්චයා – චෙතසිකං එකං ඛන්ධං පටිච්ච ද්වෙ ඛන්ධා චිත්තඤ්ච චිත්තසමුට්ඨානඤ්ච රූපං, ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

93. අචෙතසිකං ධම්මං පටිච්ච අචෙතසිකො ධම්මො උප්පජ්ජති හෙතුපච්චයා – චිත්තං පටිච්ච චිත්තසමුට්ඨානං රූපං; පටිසන්ධික්ඛණෙ චිත්තං පටිච්ච කටත්තාරූපං, චිත්තං පටිච්ච වත්ථු, වත්ථුං පටිච්ච චිත්තං, එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

අචෙතසිකං ධම්මං පටිච්ච චෙතසිකො ධම්මො උප්පජ්ජති හෙතුපච්චයා – චිත්තං පටිච්ච සම්පයුත්තකා ඛන්ධා; පටිසන්ධික්ඛණෙ චිත්තං…පෙ… පටිසන්ධික්ඛණෙ වත්ථුං පටිච්ච චෙතසිකා ඛන්ධා. (2)

අචෙතසිකං ධම්මං පටිච්ච චෙතසිකො ච අචෙතසිකො ච ධම්මා උප්පජ්ජන්ති හෙතුපච්චයා – චිත්තං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ චිත්තං…පෙ… පටිසන්ධික්ඛණෙ වත්ථුං පටිච්ච චිත්තඤ්ච සම්පයුත්තකා ච ඛන්ධා. (3)

94. චෙතසිකඤ්ච අචෙතසිකඤ්ච ධම්මං පටිච්ච චෙතසිකො ධම්මො උප්පජ්ජති හෙතුපච්චයා – චෙතසිකං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ චෙතසිකං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ චෙතසිකං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ…. (1)

චෙතසිකඤ්ච අචෙතසිකඤ්ච ධම්මං පටිච්ච අචෙතසිකො ධම්මො උප්පජ්ජති හෙතුපච්චයා – චෙතසිකෙ ඛන්ධෙ ච චිත්තඤ්ච පටිච්ච චිත්තසමුට්ඨානං රූපං, චෙතසිකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ චෙතසිකෙ ඛන්ධෙ ච චිත්තඤ්ච පටිච්ච කටත්තාරූපං, පටිසන්ධික්ඛණෙ චෙතසිකෙ ඛන්ධෙ ච මහාභූතෙ ච පටිච්ච කටත්තාරූපං, පටිසන්ධික්ඛණෙ චෙතසිකෙ ඛන්ධෙ ච වත්ථුඤ්ච පටිච්ච චිත්තං. (2)

චෙතසිකඤ්ච අචෙතසිකඤ්ච ධම්මං පටිච්ච චෙතසිකො ච අචෙතසිකො ච ධම්මා උප්පජ්ජන්ති හෙතුපච්චයා – චෙතසිකං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ ච…පෙ… පටිසන්ධික්ඛණෙ චෙතසිකං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා කටත්තා ච රූපං, ද්වෙ ඛන්ධෙ ච…පෙ… පටිසන්ධික්ඛණෙ චෙතසිකං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා චිත්තඤ්ච, ද්වෙ ඛන්ධෙ ච වත්ථුඤ්ච පටිච්ච එකො ඛන්ධො චිත්තඤ්ච. (3)

ආරම්මණපච්චයො

95. චෙතසිකං ධම්මං පටිච්ච චෙතසිකො ධම්මො උප්පජ්ජති ආරම්මණපච්චයා – චෙතසිකං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

චෙතසිකං ධම්මං පටිච්ච අචෙතසිකො ධම්මො උප්පජ්ජති ආරම්මණපච්චයා – චෙතසිකෙ ඛන්ධෙ පටිච්ච චිත්තං; පටිසන්ධික්ඛණෙ…පෙ…. (2)

චෙතසිකං ධම්මං පටිච්ච චෙතසිකො ච අචෙතසිකො ච ධම්මා උප්පජ්ජන්ති ආරම්මණපච්චයා – චෙතසිකං එකං ඛන්ධං පටිච්ච ද්වෙ ඛන්ධා චිත්තඤ්ච, ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

96. අචෙතසිකං ධම්මං පටිච්ච අචෙතසිකො ධම්මො උප්පජ්ජති ආරම්මණපච්චයා – පටිසන්ධික්ඛණෙ වත්ථුං පටිච්ච චිත්තං. (1)

අචෙතසිකං ධම්මං පටිච්ච චෙතසිකො ධම්මො උප්පජ්ජති ආරම්මණපච්චයා – චිත්තං පටිච්ච සම්පයුත්තකා ඛන්ධා; පටිසන්ධික්ඛණෙ චිත්තං පටිච්ච සම්පයුත්තකා ඛන්ධා, පටිසන්ධික්ඛණෙ වත්ථුං පටිච්ච චෙතසිකා ඛන්ධා. (2)

අචෙතසිකං ධම්මං පටිච්ච චෙතසිකො ච අචෙතසිකො ච ධම්මා උප්පජ්ජන්ති ආරම්මණපච්චයා – පටිසන්ධික්ඛණෙ වත්ථුං පටිච්ච චිත්තඤ්ච සම්පයුත්තකා ච ඛන්ධා. (3)

චෙතසිකඤ්ච අචෙතසිකඤ්ච ධම්මං පටිච්ච චෙතසිකො ධම්මො උප්පජ්ජති ආරම්මණපච්චයා – චෙතසිකං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ චෙතසිකං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ චෙතසිකං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ…. (1)

චෙතසිකඤ්ච අචෙතසිකඤ්ච ධම්මං පටිච්ච අචෙතසිකො ධම්මො උප්පජ්ජති ආරම්මණපච්චයා – පටිසන්ධික්ඛණෙ චෙතසිකෙ ඛන්ධෙ ච වත්ථුඤ්ච පටිච්ච චිත්තං. (2)

චෙතසිකඤ්ච අචෙතසිකඤ්ච ධම්මං පටිච්ච චෙතසිකො ච අචෙතසිකො ච ධම්මා උප්පජ්ජන්ති ආරම්මණපච්චයා – පටිසන්ධික්ඛණෙ චෙතසිකං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා චිත්තඤ්ච, ද්වෙ ඛන්ධෙ ච…පෙ…. (3)

අධිපතිපච්චයො

97. චෙතසිකං ධම්මං පටිච්ච චෙතසිකො ධම්මො උප්පජ්ජති අධිපතිපච්චයා (සංඛිත්තං).