1. විභඞ්ගවාරො

හෙතුපච්චයො

70. නොචිත්තො ධම්මො නොචිත්තස්ස ධම්මස්ස හෙතුපච්චයෙන පච්චයො – නොචිත්තා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

නොචිත්තො ධම්මො චිත්තස්ස ධම්මස්ස හෙතුපච්චයෙන පච්චයො – නොචිත්තා හෙතූ චිත්තස්ස හෙතුපච්චයෙන පච්චයො; පටිසන්ධික්ඛණෙ…පෙ…. (2)

නොචිත්තො ධම්මො චිත්තස්ස ච නොචිත්තස්ස ච ධම්මස්ස හෙතුපච්චයෙන පච්චයො – නොචිත්තා හෙතූ සම්පයුත්තකානං ඛන්ධානං චිත්තස්ස ච චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (3)

ආරම්මණපච්චයො

71. චිත්තො ධම්මො චිත්තස්ස ධම්මස්ස ආරම්මණපච්චයෙන පච්චයො – චිත්තං ආරබ්භ චිත්තං උප්පජ්ජති. (මූලං කාතබ්බං) චිත්තං ආරබ්භ නොචිත්තා ඛන්ධා උප්පජ්ජන්ති. (මූලං කාතබ්බං) චිත්තං ආරබ්භ චිත්තඤ්ච සම්පයුත්තකා ච ඛන්ධා උප්පජ්ජන්ති. (3)

72. නොචිත්තො ධම්මො නොචිත්තස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති, පුබ්බෙ සුචිණ්ණානි…පෙ… ඣානා වුට්ඨහිත්වා ඣානං…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති. නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා නොචිත්තෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති, චක්ඛුං…පෙ… වත්ථුං නොචිත්තෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන නොචිත්තසමඞ්ගිස්ස චිත්තං ජානාති, ආකාසානඤ්චායතනං…පෙ… ආකිඤ්චඤ්ඤායතනං…පෙ… රූපායතනං චක්ඛුවිඤ්ඤාණසහගතානං ඛන්ධානං…පෙ… ඵොට්ඨබ්බායතනං කායවිඤ්ඤාණසහගතානං ඛන්ධානං…පෙ… නොචිත්තා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

නොචිත්තො ධම්මො චිත්තස්ස ධම්මස්ස ආරම්මණපච්චයෙන පච්චයො – දානං දත්වා…පෙ… (පඨමගමනසදිසං නින්නානාකරණං, ඉමං නානං) රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… නොචිත්තා ඛන්ධා ඉද්ධිවිධඤාණස්ස…පෙ… ආවජ්ජනාය ආරම්මණපච්චයෙන පච්චයො. (2)

නොචිත්තො ධම්මො චිත්තස්ස ච නොචිත්තස්ස ච ධම්මස්ස ආරම්මණපච්චයෙන පච්චයො – දානං දත්වා…පෙ… (පඨමගමනසදිසං නින්නානාකරණං, ඉමං නානං), රූපායතනං චක්ඛුවිඤ්ඤාණස්ස සම්පයුත්තකානඤ්ච ඛන්ධානං…පෙ… ඵොට්ඨබ්බායතනං කායවිඤ්ඤාණස්ස සම්පයුත්තකානඤ්ච ඛන්ධානං…පෙ… නොචිත්තා ඛන්ධා ඉද්ධිවිධඤාණස්ස…පෙ… ආවජ්ජනාය ආරම්මණපච්චයෙන පච්චයො. (3)

චිත්තො ච නොචිත්තො ච ධම්මා චිත්තස්ස ධම්මස්ස ආරම්මණපච්චයෙන පච්චයො – චිත්තඤ්ච සම්පයුත්තකෙ ච ඛන්ධෙ ආරබ්භ චිත්තං උප්පජ්ජති… තීණි.

අධිපතිපච්චයො

73. චිත්තො ධම්මො චිත්තස්ස ධම්මස්ස අධිපතිපච්චයෙන පච්චයො. ආරම්මණාධිපති – චිත්තං ගරුං කත්වා චිත්තං උප්පජ්ජති. (1)

චිත්තො ධම්මො නොචිත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – චිත්තං ගරුං කත්වා නොචිත්තා ඛන්ධා උප්පජ්ජන්ති. සහජාතාධිපති – චිත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (2)

චිත්තො ධම්මො චිත්තස්ස ච නොචිත්තස්ස ච ධම්මස්ස අධිපතිපච්චයෙන පච්චයො. ආරම්මණාධිපති – චිත්තං ගරුං කත්වා චිත්තඤ්ච සම්පයුත්තකා ච ඛන්ධා උප්පජ්ජන්ති. (3)

74. නොචිත්තො ධම්මො නොචිත්තස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, පුබ්බෙ…පෙ… ඣානා…පෙ… අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, අධිපතිපච්චයෙන පච්චයො; චක්ඛුං…පෙ… වත්ථුං නොචිත්තෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නොචිත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නොචිත්තො ධම්මො චිත්තස්ස ධම්මස්ස අධිපතිපච්චයෙන පච්චයො (ද්වෙපි ගමනා පඨමගමනසදිසං නින්නානාකරණං. ආරම්මණාධිපති සහජාතාධිපති කාතබ්බා). (2)

චිත්තො ච නොචිත්තො ච ධම්මා චිත්තස්ස ධම්මස්ස අධිපතිපච්චයෙන පච්චයො… ආරම්මණාධිපති (තීණිපි ගරුකාරම්මණා කාතබ්බා, ආරම්මණාධිපතියෙව).

අනන්තරපච්චයාදි

75. චිත්තො ධම්මො චිත්තස්ස ධම්මස්ස අනන්තරපච්චයෙන පච්චයො – පුරිමං පුරිමං චිත්තං පච්ඡිමස්ස පච්ඡිමස්ස චිත්තස්ස අනන්තරපච්චයෙන පච්චයො. (1)

චිත්තො ධම්මො නොචිත්තස්ස ධම්මස්ස අනන්තරපච්චයෙන පච්චයො – පුරිමං පුරිමං චිත්තං පච්ඡිමානං පච්ඡිමානං නොචිත්තානං ඛන්ධානං අනන්තරපච්චයෙන පච්චයො; චිත්තං වුට්ඨානස්ස අනන්තරපච්චයෙන පච්චයො. (2)

චිත්තො ධම්මො චිත්තස්ස ච නොචිත්තස්ස ච ධම්මස්ස අනන්තරපච්චයෙන පච්චයො – පුරිමං පුරිමං චිත්තං පච්ඡිමස්ස පච්ඡිමස්ස චිත්තස්ස සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

76. නොචිත්තො ධම්මො නොචිත්තස්ස ධම්මස්ස අනන්තරපච්චයෙන පච්චයො – පුරිමා පුරිමා නොචිත්තා ඛන්ධා…පෙ… ඵලසමාපත්තියා අනන්තරපච්චයෙන පච්චයො (ඉමෙ ද්වෙ පූරෙතුකාමෙන කාතබ්බා, පුරිමගමනසදිසං).

චිත්තො ච නොචිත්තො ච ධම්මා චිත්තස්ස ධම්මස්ස අනන්තරපච්චයෙන පච්චයො – පුරිමං පුරිමං චිත්තඤ්ච සම්පයුත්තකා ච ඛන්ධා පච්ඡිමස්ස පච්ඡිමස්ස චිත්තස්ස අනන්තරපච්චයෙන පච්චයො. (මූලං පුච්ඡිතබ්බං) පුරිමං පුරිමං චිත්තඤ්ච සම්පයුත්තකා ච ඛන්ධා පච්ඡිමානං පච්ඡිමානං නොචිත්තානං ඛන්ධානං අනන්තරපච්චයෙන පච්චයො – චිත්තඤ්ච සම්පයුත්තකා ච ඛන්ධා වුට්ඨානස්ස අනන්තරපච්චයෙන පච්චයො. (මූලං පුච්ඡිතබ්බං) පුරිමං පුරිමං චිත්තඤ්ච සම්පයුත්තකා ච ඛන්ධා පච්ඡිමස්ස පච්ඡිමස්ස චිත්තස්ස සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

සමනන්තරපච්චයෙන පච්චයො… සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො (පටිච්චවාරසදිසා)… නිස්සයපච්චයෙන පච්චයො… පඤ්ච (පච්චයවාරසදිසා).

උපනිස්සයපච්චයො

77. චිත්තො ධම්මො චිත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – චිත්තං චිත්තස්ස උපනිස්සයපච්චයෙන පච්චයො… තීණි.

නොචිත්තො ධම්මො නොචිත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය දානං දෙති …පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… මග්ගස්ස, ඵලසමාපත්තියා උපනිස්සයපච්චයෙන පච්චයො. (1)

නොචිත්තො ධම්මො චිත්තස්ස ධම්මස්ස උපනිස්සයපච්චයෙන පච්චයො (ඉමෙ ද්වෙපි පූරෙතුකාමෙන සබ්බත්ථ කාතබ්බා, පඨමගමනසදිසං නින්නානාකරණං).

චිත්තො ච නොචිත්තො ච ධම්මා චිත්තස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – චිත්තඤ්ච සම්පයුත්තකා ච ඛන්ධා චිත්තස්ස උපනිස්සයපච්චයෙන පච්චයො… තීණි.

පුරෙජාතපච්චයො

78. නොචිත්තො ධම්මො නොචිත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණසහගතානං ඛන්ධානං…පෙ… ඵොට්ඨබ්බායතනං කායවිඤ්ඤාණසහගතානං ඛන්ධානං පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණසහගතානං ඛන්ධානං…පෙ… කායායතනං…පෙ… වත්ථු නොචිත්තානං ඛන්ධානං පුරෙජාතපච්චයෙන පච්චයො. (1)

නොචිත්තො ධම්මො චිත්තස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස …පෙ… කායායතනං කායවිඤ්ඤාණස්ස…පෙ… වත්ථු චිත්තස්ස පුරෙජාතපච්චයෙන පච්චයො. (2)

නොචිත්තො ධම්මො චිත්තස්ස ච නොචිත්තස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස ච සම්පයුත්තකානඤ්ච ඛන්ධානං…පෙ… ඵොට්ඨබ්බායතනං…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස සම්පයුත්තකානඤ්ච ඛන්ධානං පුරෙජාතපච්චයෙන පච්චයො…පෙ… කායායතනං කායවිඤ්ඤාණස්ස සම්පයුත්තකානඤ්ච ඛන්ධානං…පෙ… වත්ථු චිත්තස්ස ච සම්පයුත්තකානඤ්ච ඛන්ධානං පුරෙජාතපච්චයෙන පච්චයො. (3)

පච්ඡාජාතාසෙවනපච්චයා

79. චිත්තො ධම්මො නොචිත්තස්ස ධම්මස්ස පච්ඡාජාතපච්චයෙන පච්චයො (සංඛිත්තං). (1)

නොචිත්තො ධම්මො නොචිත්තස්ස ධම්මස්ස පච්ඡාජාතපච්චයෙන පච්චයො (සංඛිත්තං). (1)

චිත්තො ච නොචිත්තො ච ධම්මා නොචිත්තස්ස ධම්මස්ස පච්ඡාජාතපච්චයෙන පච්චයො (සංඛිත්තං). (1)

චිත්තො ධම්මො චිත්තස්ස ධම්මස්ස ආසෙවනපච්චයෙන පච්චයො… නව.

කම්මපච්චයො

80. නොචිත්තො ධම්මො නොචිත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොචිත්තා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොචිත්තා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (1)

නොචිත්තො ධම්මො චිත්තස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොචිත්තා චෙතනා චිත්තස්ස කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොචිත්තා චෙතනා විපාකස්ස චිත්තස්ස කම්මපච්චයෙන පච්චයො. (2)

නොචිත්තො ධම්මො චිත්තස්ස ච නොචිත්තස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොචිත්තා චෙතනා සම්පයුත්තකානං ඛන්ධානං චිත්තස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොචිත්තා චෙතනා විපාකානං ඛන්ධානං චිත්තස්ස ච කටත්තා ච රූපානං කම්මපච්චයෙන පච්චයො. (3)

විපාකපච්චයාදි

81. චිත්තො ධම්මො නොචිත්තස්ස ධම්මස්ස විපාකපච්චයෙන පච්චයො… පඤ්ච… ආහාරපච්චයෙන පච්චයො… පඤ්ච… ඉන්ද්‍රියපච්චයෙන පච්චයො… පඤ්ච. නොචිත්තො ධම්මො නොචිත්තස්ස ධම්මස්ස ඣානපච්චයෙන පච්චයො… තීණි… මග්ගපච්චයෙන පච්චයො… තීණි… සම්පයුත්තපච්චයෙන පච්චයො… පඤ්ච.

විප්පයුත්තපච්චයො

82. චිත්තො ධම්මො නොචිත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (1)

නොචිත්තො ධම්මො නොචිත්තස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – නොචිත්තා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ නොචිත්තා ඛන්ධා කටත්තාරූපානං…පෙ… නොචිත්තා ඛන්ධා වත්ථුස්ස විප්පයුත්තපච්චයෙන පච්චයො; වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණසහගතානං ඛන්ධානං…පෙ… කායායතනං කායවිඤ්ඤාණසහගතානං ඛන්ධානං…පෙ… වත්ථු නොචිත්තානං ඛන්ධානං විප්පයුත්තපච්චයෙන පච්චයො. පච්ඡාජාතා – නොචිත්තා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

නොචිත්තො ධම්මො චිත්තස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු චිත්තස්ස විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු චිත්තස්ස විප්පයුත්තපච්චයෙන පච්චයො. (2)

නොචිත්තො ධම්මො චිත්තස්ස ච නොචිත්තස්ස ච ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු චිත්තස්ස සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස සම්පයුත්තකානඤ්ච ඛන්ධානං විප්පයුත්තපච්චයෙන පච්චයො…පෙ… කායායතනං කායවිඤ්ඤාණස්ස සම්පයුත්තකානඤ්ච ඛන්ධානං…පෙ… වත්ථු චිත්තස්ස ච සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. (3)

චිත්තො ච නොචිත්තො ච ධම්මා නොචිත්තස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (1)

අත්ථිපච්චයො

83. චිත්තො ධම්මො නොචිත්තස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං (සංඛිත්තං). (1)

නොචිත්තො ධම්මො නොචිත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං). (1)

නොචිත්තො ධම්මො චිත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතා – නොචිත්තා ඛන්ධා චිත්තස්ස අත්ථිපච්චයෙන පච්චයො; පටිසන්ධික්ඛණෙ…පෙ… පටිසන්ධික්ඛණෙ වත්ථු චිත්තස්ස අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අනිච්චතො…පෙ… (පුරෙජාතසදිසං, සංඛිත්තං). (2)

නොචිත්තො ධම්මො චිත්තස්ස ච නොචිත්තස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නොචිත්තො එකො ඛන්ධො ද්වින්නං ඛන්ධානං චිත්තස්ස ච චිත්තසමුට්ඨානානඤ්ච රූපානං අත්ථිපච්චයෙන පච්චයො; පටිසන්ධික්ඛණෙ නොචිත්තො එකො ඛන්ධො…පෙ… පටිසන්ධික්ඛණෙ වත්ථු චිත්තස්ස සම්පයුත්තකානඤ්ච ඛන්ධානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං…පෙ… (පුරෙජාතසදිසං, සංඛිත්තං). (3)

84. චිත්තො ච නොචිත්තො ච ධම්මා නොචිත්තස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතො – නොචිත්තො එකො ඛන්ධො ච චිත්තඤ්ච ද්වින්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො; ද්වෙ ඛන්ධා ච…පෙ…. සහජාතං – චිත්තඤ්ච වත්ථුඤ්ච නොචිත්තානං ඛන්ධානං අත්ථිපච්චයෙන පච්චයො (පටිසන්ධික්ඛණෙපි ද්වෙ). සහජාතං – චිත්තඤ්ච සම්පයුත්තකා ච ඛන්ධා චිත්තසමුට්ඨානානං රූපානං අත්ථිපච්චයෙන පච්චයො. සහජාතං – චිත්තඤ්ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො (පටිසන්ධික්ඛණෙපි ද්වෙ). පච්ඡාජාතං – චිත්තඤ්ච සම්පයුත්තකා ච ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතං – චිත්තඤ්ච සම්පයුත්තකා ච ඛන්ධා කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතං – චිත්තඤ්ච සම්පයුත්තකා ච ඛන්ධා රූපජීවිතින්ද්‍රියඤ්ච කටත්තාරූපානං අත්ථිපච්චයෙන පච්චයො. (1)