2. සඞ්ඛ්‍යාවාරො
සුද්ධං
466. හෙතුයා චත්තාරි, ආරම්මණෙ චත්තාරි, අධිපතියා ද්වෙ, අනන්තරෙ චත්තාරි, සමනන්තරෙ චත්තාරි, සහජාතෙ පඤ්ච, අඤ්ඤමඤ්ඤෙ ද්වෙ, නිස්සයෙ පඤ්ච, උපනිස්සයෙ චත්තාරි, පුරෙජාතෙ ඡ, පච්ඡාජාතෙ ඡ, ආසෙවනෙ එකං, කම්මෙ පඤ්ච, විපාකෙ චත්තාරි, ආහාරෙ නව, ඉන්ද්‍රියෙ චත්තාරි, ඣානෙ චත්තාරි, මග්ගෙ චත්තාරි, සම්පයුත්තෙ ද්වෙ, විප්පයුත්තෙ ඡ, අත්ථියා නව, නත්ථියා චත්තාරි, විගතෙ චත්තාරි, අවිගතෙ නව.
පච්චනීයුද්ධාරො
467. උපාදින්නො ධම්මො උපාදින්නස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)
උපාදින්නො ධම්මො අනුපාදින්නස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො. (2)
උපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස සහජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො. (3)
468. අනුපාදින්නො ධම්මො අනුපාදින්නස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො. (1)
අනුපාදින්නො ධම්මො උපාදින්නස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො. (2)
අනුපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස පච්ඡාජාතපච්චයෙන පච්චයො… ආහාරපච්චයෙන පච්චයො. (3)
උපාදින්නො ච අනුපාදින්නො ච ධම්මා උපාදින්නස්ස ධම්මස්ස පුරෙජාතං, පච්ඡාජාතං, ආහාරං, ඉන්ද්‍රියං. (1)
උපාදින්නො ච අනුපාදින්නො ච ධම්මා අනුපාදින්නස්ස ධම්මස්ස සහජාතං, පුරෙජාතං, පච්ඡාජාතං, ආහාරං. (2)
උපාදින්නො ච අනුපාදින්නො ච ධම්මා උපාදින්නස්ස ච අනුපාදින්නස්ස ච ධම්මස්ස ආහාරපච්චයෙන පච්චයො. (3)