1. විභඞ්ගවාරො

හෙතුපච්චයො

445. උපාදින්නො ධම්මො උපාදින්නස්ස ධම්මස්ස හෙතුපච්චයෙන පච්චයො – උපාදින්නා හෙතූ සම්පයුත්තකානං ඛන්ධානං හෙතුපච්චයෙන පච්චයො; පටිසන්ධික්ඛණෙ උපාදින්නා හෙතූ සම්පයුත්තකානං ඛන්ධානං කටත්තා ච රූපානං හෙතුපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස හෙතුපච්චයෙන පච්චයො – උපාදින්නා හෙතූ චිත්තසමුට්ඨානානං රූපානං හෙතුපච්චයෙන පච්චයො. (2)

උපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස හෙතුපච්චයෙන පච්චයො – උපාදින්නා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

අනුපාදින්නො ධම්මො අනුපාදින්නස්ස ධම්මස්ස හෙතුපච්චයෙන පච්චයො – අනුපාදින්නා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (1)

ආරම්මණපච්චයො

446. උපාදින්නො ධම්මො උපාදින්නස්ස ධම්මස්ස ආරම්මණපච්චයෙන පච්චයො – චක්ඛුං…පෙ… කායං උපාදින්නෙ රූපෙ… ගන්ධෙ… රසෙ… ඵොට්ඨබ්බෙ… වත්ථුං උපාදින්නෙ ඛන්ධෙ අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ විපාකො තදාරම්මණතා උප්පජ්ජති, උපාදින්නං රූපායතනං චක්ඛුවිඤ්ඤාණස්ස…පෙ… උපාදින්නං ගන්ධායතනං ඝානවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස ආරම්මණපච්චයෙන පච්චයො – චක්ඛුං…පෙ… කායං උපාදින්නෙ රූපෙ… ගන්ධෙ… රසෙ… ඵොට්ඨබ්බෙ… වත්ථුං උපාදින්නෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා උපාදින්නං රූපං පස්සති. චෙතොපරියඤාණෙන උපාදින්නචිත්තසමඞ්ගිස්ස චිත්තං ජානාති, උපාදින්නා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

447. අනුපාදින්නො ධම්මො අනුපාදින්නස්ස ධම්මස්ස ආරම්මණපච්චයෙන පච්චයො – දානං …පෙ… සීලං…පෙ… උපොසථකම්මං කත්වා තං පච්චවෙක්ඛති අස්සාදෙති අභිනන්දති, තං ආරබ්භ රාගො…පෙ… දොමනස්සං උප්පජ්ජති; පුබ්බෙ සුචිණ්ණානි…පෙ… ඣානා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං…පෙ… නිබ්බානං…පෙ… නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො. අරියා පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ…පෙ… අනුපාදින්නෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ අනුපාදින්නෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා අනුපාදින්නං රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන අනුපාදින්නචිත්තසමඞ්ගිස්ස චිත්තං ජානාති, ආකාසානඤ්චායතනං…පෙ… ආකිඤ්චඤ්ඤායතනං…පෙ… අනුපාදින්නා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අනුපාදින්නො ධම්මො උපාදින්නස්ස ධම්මස්ස ආරම්මණපච්චයෙන පච්චයො – අනුපාදින්නෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ අනුපාදින්නෙ ඛන්ධෙ අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ විපාකො තදාරම්මණතා උප්පජ්ජති, ආකාසානඤ්චායතනකුසලං විඤ්ඤාණඤ්චායතනවිපාකස්ස…පෙ… ආකිඤ්චඤ්ඤායතනකුසලං…පෙ… අනුපාදින්නං රූපායතනං චක්ඛුවිඤ්ඤාණස්ස…පෙ… සද්දායතනං…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො. (2)

අධිපතිපච්චයො

448. උපාදින්නො ධම්මො අනුපාදින්නස්ස ධම්මස්ස අධිපතිපච්චයෙන පච්චයො. ආරම්මණාධිපති – චක්ඛුං…පෙ… කායං උපාදින්නෙ රූපෙ… ගන්ධෙ… රසෙ… ඵොට්ඨබ්බෙ… වත්ථුං උපාදින්නෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (1)

අනුපාදින්නො ධම්මො අනුපාදින්නස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, පුබ්බෙ…පෙ… ඣානා…පෙ… අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, ඵලං…පෙ… නිබ්බානං ගරුං කත්වා පච්චවෙක්ඛන්ති. නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, අධිපතිපච්චයෙන පච්චයො; අනුපාදින්නෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ අනුපාදින්නෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – අනුපාදින්නාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

අනන්තරපච්චයො

449. උපාදින්නො ධම්මො උපාදින්නස්ස ධම්මස්ස අනන්තරපච්චයෙන පච්චයො – පුරිමා පුරිමා උපාදින්නා ඛන්ධා පච්ඡිමානං පච්ඡිමානං උපාදින්නානං ඛන්ධානං අනන්තරපච්චයෙන පච්චයො. පඤ්චවිඤ්ඤාණං විපාකමනොධාතුයා අනන්තරපච්චයෙන පච්චයො. විපාකමනොධාතු විපාකමනොවිඤ්ඤාණධාතුයා අනන්තරපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස අනන්තරපච්චයෙන පච්චයො – භවඞ්ගං ආවජ්ජනාය, විපාකමනොවිඤ්ඤාණධාතු කිරියමනොවිඤ්ඤාණධාතුයා අනන්තරපච්චයෙන පච්චයො. (2)

450. අනුපාදින්නො ධම්මො අනුපාදින්නස්ස ධම්මස්ස අනන්තරපච්චයෙන පච්චයො – පුරිමා පුරිමා අනුපාදින්නා ඛන්ධා පච්ඡිමානං පච්ඡිමානං අනුපාදින්නානං ඛන්ධානං අනන්තරපච්චයෙන පච්චයො, අනුලොමං ගොත්‍රභුස්ස…පෙ… ඵලසමාපත්තියා අනන්තරපච්චයෙන පච්චයො. (1)

අනුපාදින්නො ධම්මො උපාදින්නස්ස ධම්මස්ස අනන්තරපච්චයෙන පච්චයො – ආවජ්ජනා පඤ්චන්නං විඤ්ඤාණානං…පෙ… අනුපාදින්නා ඛන්ධා වුට්ඨානස්ස අනන්තරපච්චයෙන පච්චයො… සමනන්තරපච්චයෙන පච්චයො… සහජාතපච්චයෙන පච්චයො… පඤ්ච (පටිච්චසදිසා)… අඤ්ඤමඤ්ඤපච්චයෙන පච්චයො… ද්වෙ (පටිච්චසදිසා)… නිස්සයපච්චයෙන පච්චයො (පච්චයවාරෙ නිස්සයසදිසා) පඤ්ච.

උපනිස්සයපච්චයො

451. උපාදින්නො ධම්මො උපාදින්නස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං කායිකස්ස සුඛස්ස… කායිකස්ස දුක්ඛස්ස උපනිස්සයපච්චයෙන පච්චයො; කායිකං දුක්ඛං… උපාදින්නං උතු… භොජනං කායිකස්ස සුඛස්ස… කායිකස්ස දුක්ඛස්ස උපනිස්සයපච්චයෙන පච්චයො; කායිකං සුඛං… කායිකං දුක්ඛං… උතු… භොජනං… කායිකස්ස සුඛස්ස… කායිකස්ස දුක්ඛස්ස උපනිස්සයපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං උපනිස්සාය දානං දෙති…පෙ… සඞ්ඝං භින්දති; කායිකං දුක්ඛං… උපාදින්නං උතුං… භොජනං උපනිස්සාය දානං දෙති…පෙ… සමාපත්තිං උප්පාදෙති; පාණං හනති…පෙ… සඞ්ඝං භින්දති; කායිකං සුඛං… කායිකං දුක්ඛං… උතු… භොජනං සද්ධාය…පෙ… පත්ථනාය මග්ගස්ස, ඵලසමාපත්තියා උපනිස්සයපච්චයෙන පච්චයො. (2)

452. අනුපාදින්නො ධම්මො අනුපාදින්නස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති, මානං ජප්පෙති, දිට්ඨිං ගණ්හාති; සීලං…පෙ… පත්ථනං… උතුං… භොජනං… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… පත්ථනා… උතු… භොජනං… සෙනාසනං සද්ධාය…පෙ… පත්ථනාය මග්ගස්ස, ඵලසමාපත්තියා උපනිස්සයපච්චයෙන පච්චයො. (1)

අනුපාදින්නො ධම්මො උපාදින්නස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය අත්තානං ආතාපෙති පරිතාපෙති, පරියිට්ඨිමූලකං දුක්ඛං පච්චනුභොති; සීලං…පෙ… පත්ථනං… උතුං… භොජනං… සෙනාසනං උපනිස්සාය අත්තානං ආතාපෙති පරිතාපෙති, පරියිට්ඨිමූලකං දුක්ඛං පච්චනුභොති; සද්ධා…පෙ… සෙනාසනං කායිකස්ස සුඛස්ස… කායිකස්ස දුක්ඛස්ස උපනිස්සයපච්චයෙන පච්චයො. කුසලාකුසලං කම්මං විපාකස්ස උපනිස්සයපච්චයෙන පච්චයො. (2)

පුරෙජාතපච්චයො

453. උපාදින්නො ධම්මො උපාදින්නස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… කායං උපාදින්නෙ රූපෙ… ගන්ධෙ… රසෙ… ඵොට්ඨබ්බෙ… වත්ථුං අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ විපාකො තදාරම්මණතා උප්පජ්ජති, උපාදින්නං රූපායතනං චක්ඛුවිඤ්ඤාණස්ස…පෙ… ගන්ධායතනං…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු උපාදින්නානං ඛන්ධානං පුරෙජාතපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… කායං, උපාදින්නෙ රූපෙ… ගන්ධෙ… රසෙ… ඵොට්ඨබ්බෙ වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා උපාදින්නං රූපං පස්සති. වත්ථුපුරෙජාතං – වත්ථු අනුපාදින්නානං ඛන්ධානං පුරෙජාතපච්චයෙන පච්චයො. (2)

454. අනුපාදින්නො ධම්මො අනුපාදින්නස්ස ධම්මස්ස පුරෙජාතපච්චයෙන පච්චයො. ආරම්මණපුරෙජාතං – අනුපාදින්නෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා අනුපාදින්නං රූපං පස්සති, දිබ්බාය සොතධාතුයා සද්දං සුණාති. (1)

අනුපාදින්නො ධම්මො උපාදින්නස්ස ධම්මස්ස පුරෙජාතපච්චයෙන පච්චයො. ආරම්මණපුරෙජාතං – අනුපාදින්නෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ විපාකො තදාරම්මණතා උප්පජ්ජති, අනුපාදින්නං රූපායතනං චක්ඛුවිඤ්ඤාණස්ස…පෙ… සද්දායතනං…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. (2)

උපාදින්නො ච අනුපාදින්නො ච ධම්මා උපාදින්නස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. අනුපාදින්නං රූපායතනඤ්ච චක්ඛායතනඤ්ච චක්ඛුවිඤ්ඤාණස්ස…පෙ… සද්දායතනඤ්ච සොතායතනඤ්ච…පෙ… ඵොට්ඨබ්බායතනඤ්ච කායායතනඤ්ච කායවිඤ්ඤාණස්ස පුරෙජාතපච්චයෙන පච්චයො; අනුපාදින්නං රූපායතනඤ්ච වත්ථු ච…පෙ… ඵොට්ඨබ්බායතනඤ්ච වත්ථු ච උපාදින්නානං ඛන්ධානං පුරෙජාතපච්චයෙන පච්චයො. (1)

උපාදින්නො ච අනුපාදින්නො ච ධම්මා අනුපාදින්නස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. අනුපාදින්නං රූපායතනඤ්ච වත්ථු ච…පෙ… ඵොට්ඨබ්බායතනඤ්ච වත්ථු ච අනුපාදින්නානං ඛන්ධානං පුරෙජාතපච්චයෙන පච්චයො. (2)

පච්ඡාජාතාසෙවනපච්චයා

455. උපාදින්නො ධම්මො උපාදින්නස්ස ධම්මස්ස පච්ඡාජාතපච්චයෙන පච්චයො – පච්ඡාජාතා උපාදින්නා ඛන්ධා පුරෙජාතස්ස ඉමස්ස උපාදින්නස්ස කායස්ස පච්ඡාජාතපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස පච්ඡාජාතපච්චයෙන පච්චයො – පච්ඡාජාතා උපාදින්නා ඛන්ධා පුරෙජාතස්ස ඉමස්ස අනුපාදින්නස්ස කායස්ස පච්ඡාජාතපච්චයෙන පච්චයො. (2)

උපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස පච්ඡාජාතපච්චයෙන පච්චයො (සංඛිත්තං). (3)

අනුපාදින්නො ධම්මො අනුපාදින්නස්ස ධම්මස්ස පච්ඡාජාතපච්චයෙන පච්චයො (සංඛිත්තං). (1)

අනුපාදින්නො ධම්මො උපාදින්නස්ස ධම්මස්ස පච්ඡාජාතපච්චයෙන පච්චයො (සංඛිත්තං). (2)

අනුපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස පච්ඡාජාතපච්චයෙන පච්චයො (සංඛිත්තං). (3)

456. අනුපාදින්නො ධම්මො අනුපාදින්නස්ස ධම්මස්ස ආසෙවනපච්චයෙන පච්චයො… එකං (සංඛිත්තං).

කම්මපච්චයො

457. උපාදින්නො ධම්මො උපාදින්නස්ස ධම්මස්ස කම්මපච්චයෙන පච්චයො – උපාදින්නා චෙතනා සම්පයුත්තකානං ඛන්ධානං කම්මපච්චයෙන පච්චයො; පටිසන්ධික්ඛණෙ උපාදින්නා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස කම්මපච්චයෙන පච්චයො – උපාදින්නා චෙතනා චිත්තසමුට්ඨානානං රූපානං කම්මපච්චයෙන පච්චයො. (2)

උපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස කම්මපච්චයෙන පච්චයො – උපාදින්නා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

අනුපාදින්නො ධම්මො අනුපාදින්නස්ස ධම්මස්ස කම්මපච්චයෙන පච්චයො – අනුපාදින්නා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (1)

අනුපාදින්නො ධම්මො උපාදින්නස්ස ධම්මස්ස කම්මපච්චයෙන පච්චයො. නානාක්ඛණිකා – අනුපාදින්නා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (2)

විපාකපච්චයො

458. උපාදින්නො ධම්මො උපාදින්නස්ස ධම්මස්ස විපාකපච්චයෙන පච්චයො – උපාදින්නො එකො ඛන්ධො (සංඛිත්තං. උපාදින්නමූලකෙ තීණි. ).

අනුපාදින්නො ධම්මො අනුපාදින්නස්ස ධම්මස්ස විපාකපච්චයෙන පච්චයො – විපාකො අනුපාදින්නො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො…පෙ… ද්වෙ ඛන්ධා…පෙ…. (1)

ආහාරපච්චයො

459. උපාදින්නො ධම්මො උපාදින්නස්ස ධම්මස්ස ආහාරපච්චයෙන පච්චයො – උපාදින්නා ආහාරා සම්පයුත්තකානං ඛන්ධානං ආහාරපච්චයෙන පච්චයො; පටිසන්ධික්ඛණෙ…පෙ… උපාදින්නො කබළීකාරො ආහාරො ඉමස්ස උපාදින්නස්ස කායස්ස ආහාරපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස ආහාරපච්චයෙන පච්චයො – උපාදින්නා ආහාරා චිත්තසමුට්ඨානානං රූපානං ආහාරපච්චයෙන පච්චයො; උපාදින්නො කබළීකාරො ආහාරො ඉමස්ස අනුපාදින්නස්ස කායස්ස ආහාරපච්චයෙන පච්චයො. (2)

උපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස ආහාරපච්චයෙන පච්චයො – උපාදින්නා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; උපාදින්නො කබළීකාරො ආහාරො ඉමස්ස උපාදින්නස්ස ච අනුපාදින්නස්ස ච කායස්ස ආහාරපච්චයෙන පච්චයො. (3)

460. අනුපාදින්නො ධම්මො අනුපාදින්නස්ස ධම්මස්ස ආහාරපච්චයෙන පච්චයො – අනුපාදින්නා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; අනුපාදින්නො කබළීකාරො ආහාරො ඉමස්ස අනුපාදින්නස්ස කායස්ස ආහාරපච්චයෙන පච්චයො. (1)

අනුපාදින්නො ධම්මො උපාදින්නස්ස ධම්මස්ස ආහාරපච්චයෙන පච්චයො – අනුපාදින්නො කබළීකාරො ආහාරො ඉමස්ස උපාදින්නස්ස කායස්ස ආහාරපච්චයෙන පච්චයො. (2)

අනුපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස ආහාරපච්චයෙන පච්චයො – අනුපාදින්නො කබළීකාරො ආහාරො ඉමස්ස උපාදින්නස්ස ච අනුපාදින්නස්ස ච කායස්ස ආහාරපච්චයෙන පච්චයො. (3)

උපාදින්නො ච අනුපාදින්නො ච ධම්මා උපාදින්නස්ස ධම්මස්ස ආහාරපච්චයෙන පච්චයො – උපාදින්නො ච අනුපාදින්නො ච කබළීකාරො ආහාරො ඉමස්ස උපාදින්නස්ස කායස්ස ආහාරපච්චයෙන පච්චයො. (1)

උපාදින්නො ච අනුපාදින්නො ච ධම්මා අනුපාදින්නස්ස ධම්මස්ස ආහාරපච්චයෙන පච්චයො – උපාදින්නො ච අනුපාදින්නො ච කබළීකාරො ආහාරො ඉමස්ස අනුපාදින්නස්ස කායස්ස ආහාරපච්චයෙන පච්චයො. (2)

උපාදින්නො ච අනුපාදින්නො ච ධම්මා උපාදින්නස්ස ච අනුපාදින්නස්ස ච ධම්මස්ස ආහාරපච්චයෙන පච්චයො – උපාදින්නො ච අනුපාදින්නො ච කබළීකාරො ආහාරො ඉමස්ස උපාදින්නස්ස ච අනුපාදින්නස්ස ච කායස්ස ආහාරපච්චයෙන පච්චයො. (3)

ඉන්ද්‍රියපච්චයාදි

461. උපාදින්නො ධම්මො උපාදින්නස්ස ධම්මස්ස ඉන්ද්‍රියපච්චයෙන පච්චයො – උපාදින්නා ඉන්ද්‍රියා සම්පයුත්තකානං ඛන්ධානං ඉන්ද්‍රියපච්චයෙන පච්චයො. (1)

පටිසන්ධික්ඛණෙ උපාදින්නා ඉන්ද්‍රියා සම්පයුත්තකානං ඛන්ධානං කටත්තා ච රූපානං ඉන්ද්‍රියපච්චයෙන පච්චයො; චක්ඛුන්ද්‍රියං චක්ඛුවිඤ්ඤාණස්ස…පෙ… කායින්ද්‍රියං කායවිඤ්ඤාණස්ස…පෙ… රූපජීවිතින්ද්‍රියං කටත්තාරූපානං ඉන්ද්‍රියපච්චයෙන පච්චයො. (2)

උපාදින්නො ධම්මො අනුපාදින්නස්ස ධම්මස්ස…පෙ… (උපාදින්නමූලකෙ තීණි, පඨමස්සෙව රූපජීවිතින්ද්‍රියං, ඉතරෙසු නත්ථි). (3)

අනුපාදින්නො ධම්මො අනුපාදින්නස්ස ධම්මස්ස ඉන්ද්‍රියපච්චයෙන පච්චයො – අනුපාදින්නා ඉන්ද්‍රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්‍රියපච්චයෙන පච්චයො. (1)

උපාදින්නො ධම්මො උපාදින්නස්ස ධම්මස්ස ඣානපච්චයෙන පච්චයො… චත්තාරි, මග්ගපච්චයෙන පච්චයො… චත්තාරි, සම්පයුත්තපච්චයෙන පච්චයො… ද්වෙ.

විප්පයුත්තපච්චයො

462. උපාදින්නො ධම්මො උපාදින්නස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතං – පටිසන්ධික්ඛණෙ උපාදින්නා ඛන්ධා කටත්තාරූපානං විප්පයුත්තපච්චයෙන පච්චයො, ඛන්ධා වත්ථුස්ස විප්පයුත්තපච්චයෙන පච්චයො, වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු උපාදින්නානං ඛන්ධානං විප්පයුත්තපච්චයෙන පච්චයො. පච්ඡාජාතා – උපාදින්නා ඛන්ධා පුරෙජාතස්ස ඉමස්ස උපාදින්නස්ස කායස්ස විප්පයුත්තපච්චයෙන පච්චයො. (1)

උපාදින්නො ධම්මො අනුපාදින්නස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – උපාදින්නා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පුරෙජාතං – වත්ථු අනුපාදින්නානං ඛන්ධානං විප්පයුත්තපච්චයෙන පච්චයො. පච්ඡාජාතා – උපාදින්නා ඛන්ධා පුරෙජාතස්ස ඉමස්ස අනුපාදින්නස්ස කායස්ස විප්පයුත්තපච්චයෙන පච්චයො. (2)

උපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස විප්පයුත්තපච්චයෙන පච්චයො. පච්ඡාජාතා – උපාදින්නා ඛන්ධා පුරෙජාතස්ස ඉමස්ස උපාදින්නස්ස ච අනුපාදින්නස්ස ච කායස්ස විප්පයුත්තපච්චයෙන පච්චයො. (3)

463. අනුපාදින්නො ධම්මො අනුපාදින්නස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අනුපාදින්නා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – අනුපාදින්නා ඛන්ධා පුරෙජාතස්ස ඉමස්ස අනුපාදින්නස්ස කායස්ස විප්පයුත්තපච්චයෙන පච්චයො. (1)

අනුපාදින්නො ධම්මො උපාදින්නස්ස ධම්මස්ස විප්පයුත්තපච්චයෙන පච්චයො. පච්ඡාජාතා – අනුපාදින්නා ඛන්ධා පුරෙජාතස්ස ඉමස්ස උපාදින්නස්ස කායස්ස විප්පයුත්තපච්චයෙන පච්චයො. (2)

අනුපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස විප්පයුත්තපච්චයෙන පච්චයො. පච්ඡාජාතා – අනුපාදින්නා ඛන්ධා පුරෙජාතස්ස ඉමස්ස උපාදින්නස්ස ච අනුපාදින්නස්ස ච කායස්ස විප්පයුත්තපච්චයෙන පච්චයො. (3)

අත්ථිපච්චයාදි

464. උපාදින්නො ධම්මො උපාදින්නස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං. යථා නික්ඛිත්තපදානි විභජිතබ්බානි පරිපුණ්ණානි). (1)

උපාදින්නො ධම්මො අනුපාදින්නස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං (සංඛිත්තං, යථා නික්ඛිත්තපදානි විත්ථාරෙතබ්බානි. (2)

උපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං (සංඛිත්තං, යථා නික්ඛිත්තපදානි විත්ථාරෙතබ්බානි). (3)

අනුපාදින්නො ධම්මො අනුපාදින්නස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං (සංඛිත්තං, යථා නික්ඛිත්තපදානි විභජිතබ්බානි). (1)

අනුපාදින්නො ධම්මො උපාදින්නස්ස ධම්මස්ස අත්ථිපච්චයෙන පච්චයො – පුරෙජාතං, පච්ඡාජාතං, ආහාරං. පුරෙජාතං – අනුපාදින්නෙ රූපෙ… සද්දෙ… ගන්ධෙ… රසෙ… ඵොට්ඨබ්බෙ අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ විපාකො තදාරම්මණතා උප්පජ්ජති, අනුපාදින්නං රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ…. පච්ඡාජාතා – අනුපාදින්නා ඛන්ධා පුරෙජාතස්ස ඉමස්ස උපාදින්නස්ස කායස්ස අත්ථිපච්චයෙන පච්චයො; අනුපාදින්නො කබළීකාරො ආහාරො ඉමස්ස උපාදින්නස්ස කායස්ස අත්ථිපච්චයෙන පච්චයො. (2)

අනුපාදින්නො ධම්මො උපාදින්නස්ස ච අනුපාදින්නස්ස ච ධම්මස්ස අත්ථිපච්චයෙන පච්චයො – පච්ඡාජාතං, ආහාරං. පච්ඡාජාතා – අනුපාදින්නා ඛන්ධා පුරෙජාතස්ස ඉමස්ස උපාදින්නස්ස ච අනුපාදින්නස්ස ච කායස්ස අත්ථිපච්චයෙන පච්චයො; අනුපාදින්නො කබළීකාරො ආහාරො ඉමස්ස උපාදින්නස්ස ච අනුපාදින්නස්ස ච කායස්ස අත්ථිපච්චයෙන පච්චයො. (3)

465. උපාදින්නො ච අනුපාදින්නො ච ධම්මා උපාදින්නස්ස ධම්මස්ස අත්ථිපච්චයෙන පච්චයො – පුරෙජාතං, පච්ඡාජාතං, ආහාරං, ඉන්ද්‍රියං. පුරෙජාතං – අනුපාදින්නං රූපායතනඤ්ච චක්ඛායතනඤ්ච චක්ඛුවිඤ්ඤාණස්ස…පෙ… අනුපාදින්නං ඵොට්ඨබ්බායතනඤ්ච කායායතනඤ්ච කායවිඤ්ඤාණස්ස අත්ථිපච්චයෙන පච්චයො; අනුපාදින්නං රූපායතනඤ්ච වත්ථු ච…පෙ… ඵොට්ඨබ්බායතනඤ්ච වත්ථු ච උපාදින්නානං ඛන්ධානං අත්ථිපච්චයෙන පච්චයො. පච්ඡාජාතා – උපාදින්නා ඛන්ධා ච අනුපාදින්නො කබළීකාරො ආහාරො ච ඉමස්ස උපාදින්නස්ස කායස්ස අත්ථිපච්චයෙන පච්චයො. පච්ඡාජාතා – අනුපාදින්නා ඛන්ධා ච රූපජීවිතින්ද්‍රියඤ්ච කටත්තාරූපානං අත්ථිපච්චයෙන පච්චයො. (1)

උපාදින්නො ච අනුපාදින්නො ච ධම්මා අනුපාදින්නස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං. සහජාතා – උපාදින්නා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. සහජාතො – අනුපාදින්නො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. පුරෙජාතං – අනුපාදින්නං රූපායතනඤ්ච වත්ථු ච අනුපාදින්නානං ඛන්ධානං අත්ථිපච්චයෙන පච්චයො…පෙ… ඵොට්ඨබ්බායතනඤ්ච වත්ථු ච අනුපාදින්නානං ඛන්ධානං අත්ථිපච්චයෙන පච්චයො. පච්ඡාජාතා – උපාදින්නා ඛන්ධා ච අනුපාදින්නො කබළීකාරො ආහාරො ච ඉමස්ස අනුපාදින්නස්ස කායස්ස අත්ථිපච්චයෙන පච්චයො. (2)

උපාදින්නො ච අනුපාදින්නො ච ධම්මා උපාදින්නස්ස ච අනුපාදින්නස්ස ච ධම්මස්ස අත්ථිපච්චයෙන පච්චයො. ආහාරං – උපාදින්නො ච අනුපාදින්නො ච කබළීකාරො ආහාරො ඉමස්ස උපාදින්නස්ස ච අනුපාදින්නස්ස ච කායස්ස අත්ථිපච්චයෙන පච්චයො. (3)

නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො.