1-4. පච්චයානුලොමාදි

443. උපාදින්නං ධම්මං සංසට්ඨො උපාදින්නො ධම්මො උප්පජ්ජති හෙතුපච්චයා – උපාදින්නං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ….

අනුපාදින්නං ධම්මං සංසට්ඨො අනුපාදින්නො ධම්මො උප්පජ්ජති හෙතුපච්චයා – අනුපාදින්නං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

හෙතුයා ද්වෙ, ආරම්මණෙ ද්වෙ, අධිපතියා එකං, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ ද්වෙ, පුරෙජාතෙ ද්වෙ, ආසෙවනෙ එකං, කම්මෙ ද්වෙ, විපාකෙ ද්වෙ…පෙ… අවිගතෙ ද්වෙ.

අනුලොමං.

444. උපාදින්නං ධම්මං සංසට්ඨො උපාදින්නො ධම්මො උප්පජ්ජති නහෙතුපච්චයා – අහෙතුකං උපාදින්නං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ…. (1)

අනුපාදින්නං ධම්මං සංසට්ඨො අනුපාදින්නො ධම්මො උප්පජ්ජති නහෙතුපච්චයා – අහෙතුකං අනුපාදින්නං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (1)

නහෙතුයා ද්වෙ, නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ ද්වෙ, නකම්මෙ එකං, නවිපාකෙ එකං, නඣානෙ එකං, නමග්ගෙ ද්වෙ, නවිප්පයුත්තෙ ද්වෙ.

පච්චනීයං.