1. විභඞ්ගවාරො

හෙතුපච්චයො

434. උපාදින්නං ධම්මං පච්චයා උපාදින්නො ධම්මො උප්පජ්ජති හෙතුපච්චයා – උපාදින්නං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ උපාදින්නං එකං ඛන්ධං පච්චයා තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා, එකං මහාභූතං…පෙ… මහාභූතෙ පච්චයා කටත්තාරූපං උපාදාරූපං, වත්ථුං පච්චයා උපාදින්නා ඛන්ධා. (1)

උපාදින්නං ධම්මං පච්චයා අනුපාදින්නො ධම්මො උප්පජ්ජති හෙතුපච්චයා – උපාදින්නෙ ඛන්ධෙ පච්චයා චිත්තසමුට්ඨානං රූපං, වත්ථුං පච්චයා අනුපාදින්නා ඛන්ධා. (2)

උපාදින්නං ධම්මං පච්චයා උපාදින්නො ච අනුපාදින්නො ච ධම්මා උප්පජ්ජන්ති හෙතුපච්චයා – උපාදින්නං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

අනුපාදින්නං ධම්මං පච්චයා අනුපාදින්නො ධම්මො උප්පජ්ජති හෙතුපච්චයා – අනුපාදින්නං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… එකං මහාභූතං…පෙ… මහාභූතෙ පච්චයා චිත්තසමුට්ඨානං රූපං උපාදාරූපං. (1)

උපාදින්නඤ්ච අනුපාදින්නඤ්ච ධම්මං පච්චයා අනුපාදින්නො ධම්මො උප්පජ්ජති හෙතුපච්චයා – උපාදින්නෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, අනුපාදින්නං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1)

ආරම්මණපච්චයො

435. උපාදින්නං ධම්මං පච්චයා උපාදින්නො ධම්මො උප්පජ්ජති ආරම්මණපච්චයා – උපාදින්නං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පච්චයා ඛන්ධා, චක්ඛායතනං පච්චයා චක්ඛුවිඤ්ඤාණං…පෙ… කායායතනං…පෙ… වත්ථුං පච්චයා උපාදින්නා ඛන්ධා. (1)

උපාදින්නං ධම්මං පච්චයා අනුපාදින්නො ධම්මො උප්පජ්ජති ආරම්මණපච්චයා – වත්ථුං පච්චයා අනුපාදින්නා ඛන්ධා. (2)

අනුපාදින්නං ධම්මං පච්චයා අනුපාදින්නො ධම්මො උප්පජ්ජති ආරම්මණපච්චයා – අනුපාදින්නං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ…. (1)

උපාදින්නඤ්ච අනුපාදින්නඤ්ච ධම්මං පච්චයා අනුපාදින්නො ධම්මො උප්පජ්ජති ආරම්මණපච්චයා – අනුපාදින්නං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1)

අධිපතිපච්චයො

436. උපාදින්නං ධම්මං පච්චයා අනුපාදින්නො ධම්මො උප්පජ්ජති අධිපතිපච්චයා – වත්ථුං පච්චයා අනුපාදින්නා ඛන්ධා. (1)

අනුපාදින්නං ධම්මං පච්චයා අනුපාදින්නො ධම්මො උප්පජ්ජති අධිපතිපච්චයා – අනුපාදින්නං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… එකං මහාභූතං…පෙ… මහාභූතෙ පච්චයා චිත්තසමුට්ඨානං රූපං උපාදාරූපං. (1)

උපාදින්නඤ්ච අනුපාදින්නඤ්ච ධම්මං පච්චයා අනුපාදින්නො ධම්මො උප්පජ්ජති අධිපතිපච්චයා – අනුපාදින්නං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1) (සංඛිත්තං.)