1. විභඞ්ගවාරො

නහෙතුපච්චයො

420. උපාදින්නං ධම්මං පටිච්ච උපාදින්නො ධම්මො උප්පජ්ජති නහෙතුපච්චයා – අහෙතුකං උපාදින්නං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ උපාදින්නං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං, අසඤ්ඤසත්තානං එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං. (1)

උපාදින්නං ධම්මං පටිච්ච අනුපාදින්නො ධම්මො උප්පජ්ජති නහෙතුපච්චයා – අහෙතුකෙ උපාදින්නෙ ඛන්ධෙ පටිච්ච චිත්තසමුට්ඨානං රූපං. (2)

උපාදින්නං ධම්මං පටිච්ච උපාදින්නො ච අනුපාදින්නො ච ධම්මා උප්පජ්ජන්ති නහෙතුපච්චයා – අහෙතුකං උපාදින්නං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

421. අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නහෙතුපච්චයා – අහෙතුකං අනුපාදින්නං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. බාහිරං… ආහාරසමුට්ඨානං… උතුසමුට්ඨානං එකං මහාභූතං…පෙ… මහාභූතෙ පටිච්ච උපාදාරූපං. විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

උපාදින්නඤ්ච අනුපාදින්නඤ්ච ධම්මං පටිච්ච අනුපාදින්නො ධම්මො උප්පජ්ජති නහෙතුපච්චයා – අහෙතුකෙ උපාදින්නෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නආරම්මණපච්චයො

422. උපාදින්නං ධම්මං පටිච්ච උපාදින්නො ධම්මො උප්පජ්ජති නආරම්මණපච්චයා – පටිසන්ධික්ඛණෙ උපාදින්නෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු, එකං මහාභූතං…පෙ… මහාභූතෙ පටිච්ච කටත්තාරූපං උපාදාරූපං. අසඤ්ඤසත්තානං එකං මහාභූතං…පෙ… මහාභූතෙ පටිච්ච කටත්තාරූපං උපාදාරූපං. (1)

උපාදින්නං ධම්මං පටිච්ච අනුපාදින්නො ධම්මො උප්පජ්ජති නආරම්මණපච්චයා – උපාදින්නෙ ඛන්ධෙ පටිච්ච චිත්තසමුට්ඨානං රූපං. (2)

අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නආරම්මණපච්චයා – අනුපාදින්නෙ ඛන්ධෙ පටිච්ච චිත්තසමුට්ඨානං රූපං, එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං එකං මහාභූතං…පෙ… මහාභූතෙ පටිච්ච උපාදාරූපං. (1)

උපාදින්නඤ්ච අනුපාදින්නඤ්ච ධම්මං පටිච්ච අනුපාදින්නො ධම්මො උප්පජ්ජති නආරම්මණපච්චයා – උපාදින්නෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නඅධිපතිපච්චයාදි

423. උපාදින්නං ධම්මං පටිච්ච උපාදින්නො ධම්මො උප්පජ්ජති නඅධිපතිපච්චයා… නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා.

නපුරෙජාතපච්චයාදි

424. උපාදින්නං ධම්මං පටිච්ච උපාදින්නො ධම්මො උප්පජ්ජති නපුරෙජාතපච්චයා – අරූපෙ උපාදින්නං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ උපාදින්නං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… (යාව අසඤ්ඤසත්තා). (1)

උපාදින්නං ධම්මං පටිච්ච අනුපාදින්නො ධම්මො උප්පජ්ජති නපුරෙජාතපච්චයා – උපාදින්නෙ ඛන්ධෙ පටිච්ච චිත්තසමුට්ඨානං රූපං. (2)

අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නපුරෙජාතපච්චයා – අරූපෙ අනුපාදින්නං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අනුපාදින්නෙ ඛන්ධෙ පටිච්ච චිත්තසමුට්ඨානං රූපං, එකං මහාභූතං…පෙ… (යාව අසඤ්ඤසත්තා). (1)

උපාදින්නඤ්ච අනුපාදින්නඤ්ච ධම්මං පටිච්ච අනුපාදින්නො ධම්මො උප්පජ්ජති නපුරෙජාතපච්චයා – උපාදින්නෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං… නපච්ඡාජාතපච්චයා… නආසෙවනපච්චයා. (1)

නකම්මපච්චයො

425. අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නකම්මපච්චයා – අනුපාදින්නෙ ඛන්ධෙ පටිච්ච අනුපාදින්නා චෙතනා… බාහිරං… ආහාරසමුට්ඨානං… උතුසමුට්ඨානං…පෙ… මහාභූතෙ පටිච්ච උපාදාරූපං. (1)

නවිපාකපච්චයො

426. උපාදින්නං ධම්මං පටිච්ච උපාදින්නො ධම්මො උප්පජ්ජති නවිපාකපච්චයා – අසඤ්ඤසත්තානං එකං මහාභූතං…පෙ… මහාභූතෙ පටිච්ච කටත්තාරූපං උපාදාරූපං. (1)

අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නවිපාකපච්චයා – අනුපාදින්නං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… එකං මහාභූතං…පෙ… (යාව උතුසමුට්ඨානං).

නආහාරපච්චයො

427. උපාදින්නං ධම්මං පටිච්ච උපාදින්නො ධම්මො උප්පජ්ජති නආහාරපච්චයා – අසඤ්ඤසත්තානං එකං මහාභූතං…පෙ…. (1)

අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නආහාරපච්චයා – බාහිරං… උතුසමුට්ඨානං…පෙ…. (1)

නඉන්ද්‍රියපච්චයො

428. උපාදින්නං ධම්මං පටිච්ච උපාදින්නො ධම්මො උප්පජ්ජති නඉන්ද්‍රියපච්චයා – අසඤ්ඤසත්තානං මහාභූතෙ පටිච්ච රූපජීවිතින්ද්‍රියං. (1)

අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නඉන්ද්‍රියපච්චයා – බාහිරං… ආහාරසමුට්ඨානං… උතුසමුට්ඨානං…පෙ…. (1)

නඣානපච්චයාදි

429. උපාදින්නං ධම්මං පටිච්ච උපාදින්නො ධම්මො උප්පජ්ජති නඣානපච්චයා – පඤ්චවිඤ්ඤාණසහගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අසඤ්ඤසත්තානං…පෙ….

අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නඣානපච්චයා – බාහිරං… ආහාරසමුට්ඨානං… උතුසමුට්ඨානං…පෙ….

උපාදින්නං ධම්මං පටිච්ච උපාදින්නො ධම්මො උප්පජ්ජති නමග්ගපච්චයා (නහෙතුසදිසං, මොහො නත්ථි)… නසම්පයුත්තපච්චයා.

නවිප්පයුත්තපච්චයාදි

430. උපාදින්නං ධම්මං පටිච්ච උපාදින්නො ධම්මො උප්පජ්ජති නවිප්පයුත්තපච්චයා – අරූපෙ උපාදින්නං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අසඤ්ඤසත්තානං එකං මහාභූතං පටිච්ච…පෙ….

අනුපාදින්නං ධම්මං පටිච්ච අනුපාදින්නො ධම්මො උප්පජ්ජති නවිප්පයුත්තපච්චයා – අරූපෙ අනුපාදින්නං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… බාහිරං … ආහාරසමුට්ඨානං… උතුසමුට්ඨානං…පෙ… නොනත්ථිපච්චයා… නොවිගතපච්චයා.