2. සඞ්ඛ්‍යාවාරො

සුද්ධං

44. හෙතුයා තීණි, ආරම්මණෙ ද්වෙ, අධිපතියා චත්තාරි, අනන්තරෙ එකං, සමනන්තරෙ එකං, සහජාතෙ සත්ත, අඤ්ඤමඤ්ඤෙ ඡ, නිස්සයෙ සත්ත, උපනිස්සයෙ ද්වෙ, පුරෙජාතෙ එකං, පච්ඡාජාතෙ එකං, ආසෙවනෙ එකං, කම්මෙ තීණි, විපාකෙ තීණි, ආහාරෙ චත්තාරි, ඉන්ද්‍රියෙ ඡ, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ ද්වෙ, අත්ථියා සත්ත, නත්ථියා එකං, විගතෙ එකං, අවිගතෙ සත්ත.

පච්චනීයුද්ධාරො

45. සාරම්මණො ධම්මො සාරම්මණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

සාරම්මණො ධම්මො අනාරම්මණස්ස ධම්මස්ස සහජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

සාරම්මණො ධම්මො සාරම්මණස්ස ච අනාරම්මණස්ස ච ධම්මස්ස සහජාතපච්චයෙන පච්චයො… කම්මපච්චයෙන පච්චයො. (3)

46. අනාරම්මණො ධම්මො අනාරම්මණස්ස ධම්මස්ස සහජාතපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)

අනාරම්මණො ධම්මො සාරම්මණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

සාරම්මණො ච අනාරම්මණො ච ධම්මා සාරම්මණස්ස ධම්මස්ස සහජාතං, පුරෙජාතං. (1)

සාරම්මණො ච අනාරම්මණො ච ධම්මා අනාරම්මණස්ස ධම්මස්ස සහජාතං, පච්ඡාජාතං, ආහාරං, ඉන්ද්‍රියං. (2)