2. සඞ්ඛ්‍යාවාරො
සුද්ධං
410. හෙතුයා තීණි, ආරම්මණෙ ද්වෙ, අධිපතියා චත්තාරි, අනන්තරෙ එකං, සමනන්තරෙ එකං, සහජාතෙ පඤ්ච, අඤ්ඤමඤ්ඤෙ පඤ්ච, නිස්සයෙ පඤ්ච, උපනිස්සයෙ ද්වෙ, පුරෙජාතෙ තීණි, පච්ඡාජාතෙ තීණි, ආසෙවනෙ එකං, කම්මෙ තීණි, විපාකෙ තීණි, ආහාරෙ ඡ, ඉන්ද්‍රියෙ සත්ත, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ චත්තාරි, අත්ථියා නව, නත්ථියා එකං, විගතෙ එකං, අවිගතෙ නව.
අනුලොමං.
පච්චනීයුද්ධාරො
411. උපාදා ධම්මො උපාදා ධම්මස්ස ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)
උපාදා ධම්මො නොඋපාදා ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (2)
උපාදා ධම්මො උපාදා ධම්මස්ස ච නොඋපාදා ධම්මස්ස ච ආහාරපච්චයෙන පච්චයො… ඉන්ද්‍රියපච්චයෙන පච්චයො. (3)
412. නොඋපාදා ධම්මො නොඋපාදා ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (1)
නොඋපාදා ධම්මො උපාදා ධම්මස්ස සහජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)
නොඋපාදා ධම්මො උපාදා ධම්මස්ස ච නොඋපාදා ධම්මස්ස ච සහජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (3)
උපාදා ච නොඋපාදා ච ධම්මා උපාදා ධම්මස්ස පච්ඡාජාතං, ආහාරං, ඉන්ද්‍රියං. (1)
උපාදා ච නොඋපාදා ච ධම්මා නොඋපාදා ධම්මස්ස සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. (2)
උපාදා ච නොඋපාදා ච ධම්මා උපාදා ධම්මස්ස ච නොඋපාදා ධම්මස්ස ච පච්ඡාජාතං, ආහාරං, ඉන්ද්‍රියං. (3)