1. විභඞ්ගවාරො
හෙතුපච්චයො
394. නොඋපාදා ධම්මො නොඋපාදා ධම්මස්ස හෙතුපච්චයෙන පච්චයො – නොඋපාදා හෙතූ සම්පයුත්තකානං ඛන්ධානං නොඋපාදා ච චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)
නොඋපාදා ධම්මො උපාදා ධම්මස්ස හෙතුපච්චයෙන පච්චයො – නොඋපාදා හෙතූ උපාදා චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (2)
නොඋපාදා ධම්මො උපාදා ච නොඋපාදා ච ධම්මස්ස හෙතුපච්චයෙන පච්චයො – නොඋපාදා හෙතූ සම්පයුත්තකානං ඛන්ධානං උපාදා ච නොඋපාදා ච චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (3)
ආරම්මණපච්චයො
395. උපාදා ධම්මො නොඋපාදා ධම්මස්ස ආරම්මණපච්චයෙන පච්චයො – චක්ඛුං…පෙ… කායං… රූපෙ…පෙ… රසෙ වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… රසායතනං ජිව්හාවිඤ්ඤාණස්ස ආරම්මණපච්චයෙන පච්චයො, උපාදා ඛන්ධා ඉද්ධිවිධඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)
නොඋපාදා ධම්මො නොඋපාදා ධම්මස්ස ආරම්මණපච්චයෙන පච්චයො – දානං…පෙ… සීලං …පෙ… උපොසථකම්මං කත්වා තං පච්චවෙක්ඛති, අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති; පුබ්බෙ…පෙ… ඣානා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං…පෙ… නිබ්බානං…පෙ… නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො. අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ…පෙ… පුබ්බෙ…පෙ… ඵොට්ඨබ්බෙ නොඋපාදා ඛන්ධෙ අනිච්චතො…පෙ… දොමනස්සං උප්පජ්ජති; චෙතොපරියඤාණෙන නොඋපාදාචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො; නොඋපාදා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)
අධිපතිපච්චයො
396. උපාදා ධම්මො නොඋපාදා ධම්මස්ස අධිපතිපච්චයෙන පච්චයො. ආරම්මණාධිපති – චක්ඛුං…පෙ… කායං… රූපෙ…පෙ… රසෙ වත්ථුං ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (1)
නොඋපාදා ධම්මො නොඋපාදා ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. පුබ්බෙ සුචිණ්ණානි…පෙ… ඣානා වුට්ඨහිත්වා ඣානං…පෙ… අරියා මග්ගා වුට්ඨහිත්වා මග්ගං ගරුං කත්වා…පෙ… ඵලං…පෙ… නිබ්බානං ගරුං කත්වා පච්චවෙක්ඛන්ති. නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; ඵොට්ඨබ්බෙ නොඋපාදා ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නොඋපාදාධිපති සම්පයුත්තකානං ඛන්ධානං නොඋපාදා ච චිත්තසමුට්ඨානානං රූපානං අධිපතිපච්චයෙන පච්චයො. (1)
නොඋපාදා ධම්මො උපාදා ධම්මස්ස අධිපතිපච්චයෙන පච්චයො. සහජාතාධිපති – නොඋපාදාධිපති උපාදා චිත්තසමුට්ඨානානං රූපානං අධිපතිපච්චයෙන පච්චයො. (2)
නොඋපාදා ධම්මො උපාදා ච නොඋපාදා ච ධම්මස්ස අධිපතිපච්චයෙන පච්චයො. සහජාතාධිපති – නොඋපාදාධිපති සම්පයුත්තකානං ඛන්ධානං උපාදා ච නොඋපාදා ච චිත්තසමුට්ඨානානං රූපානං අධිපතිපච්චයෙන පච්චයො. (3)
අනන්තරපච්චයාදි
397. නොඋපාදා ධම්මො නොඋපාදා ධම්මස්ස අනන්තරපච්චයෙන පච්චයො – පුරිමා පුරිමා නොඋපාදා ඛන්ධා පච්ඡිමානං පච්ඡිමානං නොඋපාදා ඛන්ධානං අනන්තරපච්චයෙන පච්චයො; අනුලොමං ගොත්‍රභුස්ස…පෙ… ඵලසමාපත්තියා අනන්තරපච්චයෙන පච්චයො. (1)
සමනන්තරපච්චයෙන පච්චයො… සහජාතපච්චයෙන පච්චයො (පටිච්චසදිසං)… අඤ්ඤමඤ්ඤපච්චයෙන පච්චයො (පටිච්චසදිසං)… නිස්සයපච්චයෙන පච්චයො (පච්චයවාරෙ නිස්සයසදිසං).
උපනිස්සයපච්චයො
398. උපාදා ධම්මො නොඋපාදා ධම්මස්ස උපනිස්සයපච්චයෙන පච්චයො – ආරම්මණූපනිස්සයො, පකතූපනිස්සයො…පෙ…. පකතූපනිස්සයො – චක්ඛුසම්පදං…පෙ… කායසම්පදං… වණ්ණසම්පදං… සද්දසම්පදං… ගන්ධසම්පදං… රසසම්පදං… භොජනං උපනිස්සාය දානං දෙති…පෙ… සඞ්ඝං භින්දති, චක්ඛුසම්පදා…පෙ… කායසම්පදා… වණ්ණසම්පදා… සද්දසම්පදා… ගන්ධසම්පදා… රසසම්පදා… භොජනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)
නොඋපාදා ධම්මො නොඋපාදා ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; සීලං…පෙ… පඤ්ඤං… රාගං …පෙ… පත්ථනං… කායිකං සුඛං… කායිකං දුක්ඛං… උතුං… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)
පුරෙජාතපච්චයො
399. උපාදා ධම්මො නොඋපාදා ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… රසායතනං ජිව්හාවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං…පෙ… වත්ථු නොඋපාදා ඛන්ධානං පුරෙජාතපච්චයෙන පච්චයො. (1)
නොඋපාදා ධම්මො නොඋපාදා ධම්මස්ස පුරෙජාතපච්චයෙන පච්චයො. ආරම්මණපුරෙජාතං – ඵොට්ඨබ්බෙ අනිච්චතො…පෙ… දොමනස්සං උප්පජ්ජති; ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. (1)
උපාදා ච නොඋපාදා ච ධම්මා නොඋපාදා ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ඵොට්ඨබ්බායතනඤ්ච කායායතනඤ්ච කායවිඤ්ඤාණස්ස පුරෙජාතපච්චයෙන පච්චයො; ඵොට්ඨබ්බායතනඤ්ච වත්ථු ච නොඋපාදා ඛන්ධානං පුරෙජාතපච්චයෙන පච්චයො. (1)
පච්ඡාජාතාසෙවනපච්චයා
400. නොඋපාදා ධම්මො නොඋපාදා ධම්මස්ස පච්ඡාජාතපච්චයෙන පච්චයො – පච්ඡාජාතා නොඋපාදා ඛන්ධා පුරෙජාතස්ස ඉමස්ස නොඋපාදා කායස්ස පච්ඡාජාතපච්චයෙන පච්චයො. (මූලං පුච්ඡිතබ්බං) පච්ඡාජාතා නොඋපාදා ඛන්ධා පුරෙජාතස්ස ඉමස්ස උපාදා කායස්ස පච්ඡාජාතපච්චයෙන පච්චයො. (මූලං පුච්ඡිතබ්බං) පච්ඡාජාතා නොඋපාදා ඛන්ධා පුරෙජාතස්ස ඉමස්ස උපාදා කායස්ස ච නොඋපාදා කායස්ස ච පච්ඡාජාතපච්චයෙන පච්චයො. (3)
ආසෙවනපච්චයෙන පච්චයො… එකං.
කම්මපච්චයො
401. නොඋපාදා ධම්මො නොඋපාදා ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොඋපාදා චෙතනා සම්පයුත්තකානං ඛන්ධානං නොඋපාදා ච චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොඋපාදා චෙතනා විපාකානං ඛන්ධානං නොඋපාදා ච කටත්තාරූපානං කම්මපච්චයෙන පච්චයො. (1)
නොඋපාදා ධම්මො උපාදා ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොඋපාදා චෙතනා උපාදා චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොඋපාදා චෙතනා උපාදා කටත්තාරූපානං කම්මපච්චයෙන පච්චයො. (2)
නොඋපාදා ධම්මො උපාදා ච නොඋපාදා ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නොඋපාදා චෙතනා සම්පයුත්තකානං ඛන්ධානං උපාදා ච නොඋපාදා ච චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නොඋපාදා චෙතනා විපාකානං ඛන්ධානං උපාදා ච නොඋපාදා ච කටත්තාරූපානං කම්මපච්චයෙන පච්චයො. (3)
විපාකපච්චයො
402. නොඋපාදා ධම්මො නොඋපාදා ධම්මස්ස විපාකපච්චයෙන පච්චයො – විපාකො නොඋපාදා එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… තීණි.
ආහාරපච්චයො
403. උපාදා ධම්මො උපාදා ධම්මස්ස ආහාරපච්චයෙන පච්චයො – කබළීකාරො ආහාරො ඉමස්ස උපාදා කායස්ස ආහාරපච්චයෙන පච්චයො. (මූලං පුච්ඡිතබ්බං) කබළීකාරො ආහාරො ඉමස්ස නොඋපාදා කායස්ස ආහාරපච්චයෙන පච්චයො. (මූලං පුච්ඡිතබ්බං) කබළීකාරො ආහාරො ඉමස්ස උපාදා කායස්ස ච නොඋපාදා කායස්ස ච ආහාරපච්චයෙන පච්චයො. (3)
නොඋපාදා ධම්මො නොඋපාදා ධම්මස්ස ආහාරපච්චයෙන පච්චයො – නොඋපාදා ආහාරා සම්පයුත්තකානං ඛන්ධානං නොඋපාදා ච චිත්තසමුට්ඨානානං රූපානං ආහාරපච්චයෙන පච්චයො; පටිසන්ධික්ඛණෙ…පෙ… (නොඋපාදාමූලකෙ තීණි, පටිසන්ධික්ඛණෙ තීණිපි කාතබ්බා). (3)
ඉන්ද්‍රියපච්චයො
404. උපාදා ධම්මො උපාදා ධම්මස්ස ඉන්ද්‍රියපච්චයෙන පච්චයො – රූපජීවිතින්ද්‍රියං උපාදා කටත්තාරූපානං ඉන්ද්‍රියපච්චයෙන පච්චයො. (මූලං කාතබ්බං) චක්ඛුන්ද්‍රියං චක්ඛුවිඤ්ඤාණස්ස…පෙ… කායින්ද්‍රියං කායවිඤ්ඤාණස්ස රූපජීවිතින්ද්‍රියං නොඋපාදා කටත්තාරූපානං ඉන්ද්‍රියපච්චයෙන පච්චයො. (මූලං කාතබ්බං) රූපජීවිතින්ද්‍රියං උපාදා ච නොඋපාදා ච කටත්තාරූපානං ඉන්ද්‍රියපච්චයෙන පච්චයො. (3)
නොඋපාදා ධම්මො නොඋපාදා ධම්මස්ස ඉන්ද්‍රියපච්චයෙන පච්චයො… තීණි; පටිසන්ධික්ඛණෙ…පෙ….
උපාදා ච නොඋපාදා ච ධම්මා නොඋපාදා ධම්මස්ස ඉන්ද්‍රියපච්චයෙන පච්චයො – චක්ඛුන්ද්‍රියඤ්ච චක්ඛුවිඤ්ඤාණඤ්ච චක්ඛුවිඤ්ඤාණසහගතානං ඛන්ධානං ඉන්ද්‍රියපච්චයෙන පච්චයො…පෙ… කායින්ද්‍රියඤ්ච…පෙ….
ඣානපච්චයාදි
405. නො උපාදා ධම්මො නොඋපාදා ධම්මස්ස ඣානපච්චයෙන පච්චයො… තීණි, මග්ගපච්චයෙන පච්චයො… තීණි; පටිසන්ධික්ඛණෙ…පෙ… සම්පයුත්තපච්චයෙන පච්චයො… එකං.
විප්පයුත්තපච්චයො
406. උපාදා ධම්මො නොඋපාදා ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු නොඋපාදා ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං…පෙ… වත්ථු නොඋපාදා ඛන්ධානං විප්පයුත්තපච්චයෙන පච්චයො. (1)
නොඋපාදා ධම්මො නොඋපාදා ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – නොඋපාදා ඛන්ධා නොඋපාදා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ නොඋපාදා ඛන්ධා නොඋපාදා කටත්තාරූපානං විප්පයුත්තපච්චයෙන පච්චයො. පච්ඡාජාතා – නොඋපාදා ඛන්ධා පුරෙජාතස්ස ඉමස්ස නොඋපාදා කායස්ස විප්පයුත්තපච්චයෙන පච්චයො. (1)
නොඋපාදා ධම්මො උපාදා ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – නොඋපාදා ඛන්ධා උපාදා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – නොඋපාදා ඛන්ධා පුරෙජාතස්ස ඉමස්ස උපාදා කායස්ස විප්පයුත්තපච්චයෙන පච්චයො. (2)
නොඋපාදා ධම්මො උපාදා ධම්මස්ස ච නොඋපාදා ධම්මස්ස ච විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – නොඋපාදා ඛන්ධා උපාදා ච නොඋපාදා ච චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – නොඋපාදා ඛන්ධා පුරෙජාතස්ස ඉමස්ස උපාදා කායස්ස ච නොඋපාදා කායස්ස ච විප්පයුත්තපච්චයෙන පච්චයො. (3)
අත්ථිපච්චයො
407. උපාදා ධම්මො උපාදා ධම්මස්ස අත්ථිපච්චයෙන පච්චයො – ආහාරං, ඉන්ද්‍රියං. කබළීකාරො ආහාරො ඉමස්ස උපාදා කායස්ස අත්ථිපච්චයෙන පච්චයො; රූපජීවිතින්ද්‍රියං උපාදා කටත්තාරූපානං අත්ථිපච්චයෙන පච්චයො. (1)
උපාදා ධම්මො නොඋපාදා ධම්මස්ස අත්ථිපච්චයෙන පච්චයො – සහජාතං, පුරෙජාතං, ආහාරං, ඉන්ද්‍රියං. සහජාතං – පටිසන්ධික්ඛණෙ වත්ථු නොඋපාදා ඛන්ධානං අත්ථිපච්චයෙන පච්චයො. පුරෙජාතං – චක්ඛුං අනිච්චතො…පෙ… (සංඛිත්තං. පුරෙජාතසදිසං නින්නානාකරණං). කබළීකාරො ආහාරො ඉමස්ස නොඋපාදා කායස්ස අත්ථිපච්චයෙන පච්චයො; රූපජීවිතින්ද්‍රියං නොඋපාදා කටත්තාරූපානං අත්ථිපච්චයෙන පච්චයො. (2)
උපාදා ධම්මො උපාදා ධම්මස්ස ච නොඋපාදා ධම්මස්ස ච අත්ථිපච්චයෙන පච්චයො – ආහාරං, ඉන්ද්‍රියං. කබළීකාරො ආහාරො ඉමස්ස උපාදා කායස්ස ච නොඋපාදා කායස්ස ච අත්ථිපච්චයෙන පච්චයො; රූපජීවිතින්ද්‍රියං උපාදා ච නොඋපාදා ච කටත්තාරූපානං අත්ථිපච්චයෙන පච්චයො. (3)
408. නොඋපාදා ධම්මො නොඋපාදා ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං. සහජාතො – නොඋපාදා එකො ඛන්ධො තිණ්ණන්නං ඛන්ධානං නොඋපාදා ච චිත්තසමුට්ඨානානං රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… එකං මහාභූතං තිණ්ණන්නං මහාභූතානං අත්ථිපච්චයෙන පච්චයො …පෙ… ද්වෙ මහාභූතා ද්වින්නං මහාභූතානං අත්ථිපච්චයෙන පච්චයො (යාව අසඤ්ඤසත්තා). පුරෙජාතං – ඵොට්ඨබ්බෙ අනිච්චතො…පෙ… දොමනස්සං උප්පජ්ජති. ඵොට්ඨබ්බායතනං කායවිඤ්ඤාණස්ස අත්ථිපච්චයෙන පච්චයො. පච්ඡාජාතා – නොඋපාදා ඛන්ධා පුරෙජාතස්ස ඉමස්ස නොඋපාදා කායස්ස අත්ථිපච්චයෙන පච්චයො. (1)
නොඋපාදා ධම්මො උපාදා ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – නොඋපාදා ඛන්ධා උපාදා චිත්තසමුට්ඨානානං රූපානං අත්ථිපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – නොඋපාදා ඛන්ධා පුරෙජාතස්ස ඉමස්ස උපාදා කායස්ස අත්ථිපච්චයෙන පච්චයො. (2)
නොඋපාදා ධම්මො උපාදා ච නොඋපාදා ච ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතො – නොඋපාදා එකො ඛන්ධො තිණ්ණන්නං ඛන්ධානං උපාදා ච නොඋපාදා ච චිත්තසමුට්ඨානානං රූපානං අත්ථිපච්චයෙන පච්චයො; ද්වෙ ඛන්ධා…පෙ… පටිසන්ධික්ඛණෙ…පෙ…. පච්ඡාජාතා – නොඋපාදා ඛන්ධා පුරෙජාතස්ස ඉමස්ස උපාදා කායස්ස ච නොඋපාදා කායස්ස ච අත්ථිපච්චයෙන පච්චයො. (3)
409. උපාදා ච නොඋපාදා ච ධම්මා උපාදා ධම්මස්ස අත්ථිපච්චයෙන පච්චයො – පච්ඡාජාතං, ආහාරං, ඉන්ද්‍රියං. පච්ඡාජාතා – නොඋපාදා ඛන්ධා ච කබළීකාරො ආහාරො ච ඉමස්ස උපාදා කායස්ස අත්ථිපච්චයෙන පච්චයො. පච්ඡාජාතා – නොඋපාදා ඛන්ධා ච රූපජීවිතින්ද්‍රියඤ්ච උපාදා කටත්තාරූපානං අත්ථිපච්චයෙන පච්චයො. (1)
උපාදා ච නොඋපාදා ච ධම්මා නොඋපාදා ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතො – චක්ඛුවිඤ්ඤාණසහගතො එකො ඛන්ධො ච චක්ඛායතනඤ්ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… නොඋපාදා එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… පටිසන්ධික්ඛණෙ නොඋපාදා එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. පුරෙජාතං – ඵොට්ඨබ්බායතනඤ්ච කායායතනඤ්ච කායවිඤ්ඤාණස්ස අත්ථිපච්චයෙන පච්චයො. ඵොට්ඨබ්බායතනඤ්ච වත්ථු ච නොඋපාදා ඛන්ධානං අත්ථිපච්චයෙන පච්චයො. පච්ඡාජාතා – නොඋපාදා ඛන්ධා ච කබළීකාරො ආහාරො ච ඉමස්ස නොඋපාදා කායස්ස අත්ථිපච්චයෙන පච්චයො. පච්ඡාජාතා – නොඋපාදා ඛන්ධා ච රූපජීවිතින්ද්‍රියඤ්ච නොඋපාදා කටත්තාරූපානං අත්ථිපච්චයෙන පච්චයො. (2)
උපාදා ච නොඋපාදා ච ධම්මා උපාදා ධම්මස්ස ච නොඋපාදා ධම්මස්ස ච අත්ථිපච්චයෙන පච්චයො – පච්ඡාජාතං, ආහාරං, ඉන්ද්‍රියං. පච්ඡාජාතා – නොඋපාදා ඛන්ධා ච කබළීකාරො ආහාරො ච ඉමස්ස උපාදා කායස්ස ච නොඋපාදා කායස්ස ච අත්ථිපච්චයෙන පච්චයො. පච්ඡාජාතා – නොඋපාදා ඛන්ධා ච රූපජීවිතින්ද්‍රියඤ්ච උපාදා ච නොඋපාදා ච කටත්තාරූපානං අත්ථිපච්චයෙන පච්චයො. (3)