1. විභඞ්ගවාරො

නහෙතුපච්චයො

375. උපාදා ධම්මං පටිච්ච නොඋපාදා ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ වත්ථුං පටිච්ච නොඋපාදා ඛන්ධා. (1)

නොඋපාදා ධම්මං පටිච්ච නොඋපාදා ධම්මො උප්පජ්ජති නහෙතුපච්චයා – අහෙතුකං නොඋපාදා එකං ඛන්ධං පටිච්ච තයො ඛන්ධා නොඋපාදා ච චිත්තසමුට්ඨානං රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… එකං මහාභූතං…පෙ… අසඤ්ඤසත්තානං එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

නොඋපාදා ධම්මං පටිච්ච උපාදා ධම්මො උප්පජ්ජති නහෙතුපච්චයා – අහෙතුකෙ නොඋපාදා ඛන්ධෙ පටිච්ච උපාදා චිත්තසමුට්ඨානං රූපං; අහෙතුකපටිසන්ධික්ඛණෙ…පෙ… මහාභූතෙ පටිච්ච උපාදා චිත්තසමුට්ඨානං රූපං කටත්තාරූපං උපාදාරූපං…පෙ… (යාව අසඤ්ඤසත්තා). (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති නහෙතුපච්චයා – අහෙතුකං නොඋපාදා එකං ඛන්ධං පටිච්ච තයො ඛන්ධා උපාදා ච නොඋපාදා ච චිත්තසමුට්ඨානං රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ…. (3)

උපාදා ච නොඋපාදා ච ධම්මං පටිච්ච නොඋපාදා ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ නොඋපාදා එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1)

නආරම්මණපච්චයාදි

376. නොඋපාදා ධම්මං පටිච්ච නොඋපාදා ධම්මො උප්පජ්ජති නආරම්මණපච්චයා – නොඋපාදා ඛන්ධෙ පටිච්ච නොඋපාදා චිත්තසමුට්ඨානං රූපං; පටිසන්ධික්ඛණෙ…පෙ… එකං මහාභූතං…පෙ… (යාව අසඤ්ඤසත්තා) ද්වෙ මහාභූතෙ පටිච්ච ද්වෙ මහාභූතා. (1)

නොඋපාදා ධම්මං පටිච්ච උපාදා ධම්මො උප්පජ්ජති නආරම්මණපච්චයා – නොඋපාදා ඛන්ධෙ පටිච්ච උපාදා චිත්තසමුට්ඨානං රූපං; පටිසන්ධික්ඛණෙ…පෙ… මහාභූතෙ පටිච්ච උපාදා චිත්තසමුට්ඨානං රූපං කටත්තාරූපං උපාදාරූපං (යාව අසඤ්ඤසත්තා). (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති නආරම්මණපච්චයා – නොඋපාදා ඛන්ධෙ පටිච්ච උපාදා ච නොඋපාදා ච චිත්තසමුට්ඨානං රූපං; පටිසන්ධික්ඛණෙ…පෙ…. (3)

නඅධිපතිපච්චයා පඤ්ච, නඅනන්තරපච්චයා තීණි…පෙ… නඋපනිස්සයපච්චයා පඤ්ච, නපුරෙජාතපච්චයා පඤ්ච, නපච්ඡාජාතපච්චයා පඤ්ච, නආසෙවනපච්චයා පඤ්ච.

නකම්මපච්චයො

377. නොඋපාදා ධම්මං පටිච්ච නොඋපාදා ධම්මො උප්පජ්ජති නකම්මපච්චයා – නොඋපාදා ඛන්ධෙ පටිච්ච සම්පයුත්තකා චෙතනා; බාහිරං ආහාරසමුට්ඨානං උතුසමුට්ඨානං…පෙ… ද්වෙ මහාභූතෙ පටිච්ච ද්වෙ මහාභූතා. (1)

නොඋපාදා ධම්මං පටිච්ච උපාදා ධම්මො උප්පජ්ජති නකම්මපච්චයා – බාහිරෙ ආහාරසමුට්ඨානෙ උතුසමුට්ඨානෙ මහාභූතෙ පටිච්ච උපාදාරූපං. (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති නකම්මපච්චයා – බාහිරං ආහාරසමුට්ඨානං උතුසමුට්ඨානං එකං මහාභූතං පටිච්ච තයො මහාභූතා උපාදා ච රූපං…පෙ… ද්වෙ මහාභූතෙ…පෙ…. (3)

නවිපාකපච්චයො

378. නොඋපාදා ධම්මං පටිච්ච නොඋපාදා ධම්මො උප්පජ්ජති නවිපාකපච්චයා – නොඋපාදා එකං ඛන්ධං පටිච්ච තයො ඛන්ධා නොඋපාදා ච චිත්තසමුට්ඨානං රූපං…පෙ… ද්වෙ ඛන්ධෙ…පෙ… එකං මහාභූතං…පෙ… (යාව අසඤ්ඤසත්තා, එවං තීණි නොඋපාදාමූලකෙ).

නආහාරපච්චයො

379. නොඋපාදා ධම්මං පටිච්ච නොඋපාදා ධම්මො උප්පජ්ජති නආහාරපච්චයා – බාහිරං උතුසමුට්ඨානං අසඤ්ඤසත්තානං එකං මහාභූතං…පෙ… ද්වෙ මහාභූතෙ පටිච්ච ද්වෙ මහාභූතා. (1)

නොඋපාදා ධම්මං පටිච්ච උපාදා ධම්මො උප්පජ්ජති නආහාරපච්චයා – බාහිරං උතුසමුට්ඨානං අසඤ්ඤසත්තානං මහාභූතෙ පටිච්ච උපාදාරූපං. (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති නආහාරපච්චයා – බාහිරං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතා උපාදා ච රූපං…පෙ… ද්වෙ මහාභූතෙ…පෙ…. (3)

නඉන්ද්‍රියපච්චයො

380. නොඋපාදා ධම්මං පටිච්ච නොඋපාදා ධම්මො උප්පජ්ජති නඉන්ද්‍රියපච්චයා – බාහිරං ආහාරසමුට්ඨානං උතුසමුට්ඨානං එකං මහාභූතං…පෙ…. (1)

නොඋපාදා ධම්මං පටිච්ච උපාදා ධම්මො උප්පජ්ජති නඉන්ද්‍රියපච්චයා – බාහිරෙ ආහාරසමුට්ඨානෙ උතුසමුට්ඨානෙ අසඤ්ඤසත්තානං මහාභූතෙ පටිච්ච රූපජීවිතින්ද්‍රියං.

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති නඉන්ද්‍රියපච්චයා – බාහිරං ආහාරසමුට්ඨානං උතුසමුට්ඨානං එකං මහාභූතං…පෙ…. (3)

නඣානපච්චයාදි

381. නොඋපාදා ධම්මං පටිච්ච නොඋපාදා ධම්මො උප්පජ්ජති නඣානපච්චයා – පඤ්චවිඤ්ඤාණසහගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… බාහිරං ආහාරසමුට්ඨානං උතුසමුට්ඨානං අසඤ්ඤසත්තානං…පෙ… ද්වෙ මහාභූතෙ පටිච්ච ද්වෙ මහාභූතා. (1)

නොඋපාදා ධම්මං පටිච්ච උපාදා ධම්මො උප්පජ්ජති නඣානපච්චයා – බාහිරෙ ආහාරසමුට්ඨානෙ උතුසමුට්ඨානෙ අසඤ්ඤසත්තානං මහාභූතෙ පටිච්ච උපාදා කටත්තාරූපං. (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති නඣානපච්චයා – බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතා…පෙ… ද්වෙ මහාභූතෙ…පෙ… මහාභූතෙ පටිච්ච උපාදා කටත්තාරූපං උපාදාරූපං. (3)

උපාදා ධම්මං පටිච්ච නොඋපාදා ධම්මො උප්පජ්ජති නමග්ගපච්චයා පඤ්ච… නසම්පයුත්තපච්චයා… තීණි.

නවිප්පයුත්තපච්චයාදි

382. නොඋපාදා ධම්මං පටිච්ච නොඋපාදා ධම්මො උප්පජ්ජති නවිප්පයුත්තපච්චයා – අරූපෙ නොඋපාදා එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං…පෙ…. (1)

නොඋපාදා ධම්මං පටිච්ච උපාදා ධම්මො උප්පජ්ජති නවිප්පයුත්තපච්චයා – බාහිරෙ ආහාරසමුට්ඨානෙ උතුසමුට්ඨානෙ අසඤ්ඤසත්තානං මහාභූතෙ පටිච්ච උපාදා කටත්තාරූපං, උපාදාරූපං. (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති නවිප්පයුත්තපච්චයා – බාහිරං ආහාරසමුට්ඨානං උතුසමුට්ඨානං එකං මහාභූතං පටිච්ච තයො මහාභූතා උපාදා ච රූපං…පෙ… ද්වෙ මහාභූතෙ පටිච්ච ද්වෙ මහාභූතා උපාදා ච රූපං, අසඤ්ඤසත්තානං එකං මහාභූතං පටිච්ච තයො මහාභූතා කටත්තා ච රූපං උපාදාරූපං…පෙ… ද්වෙ මහාභූතෙ පටිච්ච ද්වෙ මහාභූතා කටත්තා ච රූපං උපාදාරූපං… නොනත්ථිපච්චයා… නොවිගතපච්චයා. (3)