1. විභඞ්ගවාරො

හෙතුපච්චයො

370. උපාදා ධම්මං පටිච්ච නොඋපාදා ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච නොඋපාදා ඛන්ධා. (1)

නොඋපාදා ධම්මං පටිච්ච නොඋපාදා ධම්මො උප්පජ්ජති හෙතුපච්චයා – නොඋපාදා එකං ඛන්ධං පටිච්ච තයො ඛන්ධා නොඋපාදා ච චිත්තසමුට්ඨානං රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ නොඋපාදා එකං ඛන්ධං පටිච්ච තයො ඛන්ධා නොඋපාදා ච කටත්තාරූපං…පෙ… ද්වෙ ඛන්ධෙ…පෙ… එකං මහාභූතං…පෙ… ද්වෙ මහාභූතෙ පටිච්ච ද්වෙ මහාභූතා. (1)

නොඋපාදා ධම්මං පටිච්ච උපාදා ධම්මො උප්පජ්ජති හෙතුපච්චයා – නොඋපාදා ඛන්ධෙ පටිච්ච උපාදා චිත්තසමුට්ඨානං රූපං; පටිසන්ධික්ඛණෙ…පෙ… මහාභූතෙ පටිච්ච උපාදා චිත්තසමුට්ඨානං රූපං කටත්තාරූපං උපාදාරූපං. (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති හෙතුපච්චයා – නොඋපාදා එකං ඛන්ධං පටිච්ච තයො ඛන්ධා උපාදා ච නොඋපාදා ච චිත්තසමුට්ඨානං රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

උපාදා ච නොඋපාදා ච ධම්මං පටිච්ච නොඋපාදා ධම්මො උප්පජ්ජති හෙතුපච්චයා – පටිසන්ධික්ඛණෙ නොඋපාදා එකං ඛන්ධඤ්ච වත්ථුඤ්ච පටිච්ච තයො ඛන්ධා, ද්වෙ ඛන්ධෙ ච…පෙ…. (1)

ආරම්මණපච්චයො

371. උපාදා ධම්මං පටිච්ච නොඋපාදා ධම්මො උප්පජ්ජති ආරම්මණපච්චයා – පටිසන්ධික්ඛණෙ වත්ථුං පටිච්ච නොඋපාදා ඛන්ධා. (1)

නොඋපාදා ධම්මං පටිච්ච නොඋපාදා ධම්මො උප්පජ්ජති ආරම්මණපච්චයා – නොඋපාදා එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

උපාදා ච නොඋපාදා ච ධම්මං පටිච්ච නොඋපාදා ධම්මො උප්පජ්ජති ආරම්මණපච්චයා – පටිසන්ධික්ඛණෙ නොඋපාදා එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1)

අධිපතිපච්චයාදි

372. නොඋපාදා ධම්මං පටිච්ච නොඋපාදා ධම්මො උප්පජ්ජති අධිපතිපච්චයා – නොඋපාදා එකං ඛන්ධං පටිච්ච තයො ඛන්ධා නොඋපාදා ච චිත්තසමුට්ඨානං රූපං…පෙ… ද්වෙ ඛන්ධෙ…පෙ…. (1)

නොඋපාදා ධම්මං පටිච්ච උපාදා ධම්මො උප්පජ්ජති අධිපතිපච්චයා – නොඋපාදා ඛන්ධෙ පටිච්ච උපාදා චිත්තසමුට්ඨානං රූපං, මහාභූතෙ පටිච්ච උපාදා චිත්තසමුට්ඨානං රූපං. (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති අධිපතිපච්චයා – නොඋපාදා එකං ඛන්ධං පටිච්ච තයො ඛන්ධා උපාදා ච නොඋපාදා ච චිත්තසමුට්ඨානං රූපං…පෙ… ද්වෙ ඛන්ධෙ…පෙ…. (3)

අනන්තරපච්චයා තීණි, සමනන්තරපච්චයා තීණි, සහජාතපච්චයා පඤ්ච.

අඤ්ඤමඤ්ඤපච්චයො

373. උපාදා ධම්මං පටිච්ච නොඋපාදා ධම්මො උප්පජ්ජති අඤ්ඤමඤ්ඤපච්චයා – පටිසන්ධික්ඛණෙ වත්ථුං පටිච්ච නොඋපාදා ඛන්ධා. (1)

නොඋපාදා ධම්මං පටිච්ච නොඋපාදා ධම්මො උප්පජ්ජති අඤ්ඤමඤ්ඤපච්චයා – නොඋපාදා එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… එකං මහාභූතං…පෙ… අසඤ්ඤසත්තානං එකං මහාභූතං පටිච්ච…පෙ… ද්වෙ මහාභූතෙ පටිච්ච ද්වෙ මහාභූතා. (1)

නොඋපාදා ධම්මං පටිච්ච උපාදා ධම්මො උප්පජ්ජති අඤ්ඤමඤ්ඤපච්චයා – පටිසන්ධික්ඛණෙ නොඋපාදා ඛන්ධෙ පටිච්ච වත්ථු. (2)

නොඋපාදා ධම්මං පටිච්ච උපාදා ච නොඋපාදා ච ධම්මා උප්පජ්ජන්ති අඤ්ඤමඤ්ඤපච්චයා – පටිසන්ධික්ඛණෙ නොඋපාදා එකං ඛන්ධං පටිච්ච තයො ඛන්ධා වත්ථු ච…පෙ… ද්වෙ ඛන්ධෙ…පෙ…. (3)

උපාදා ච නොඋපාදා ච ධම්මං පටිච්ච නොඋපාදා ධම්මො උප්පජ්ජති අඤ්ඤමඤ්ඤපච්චයා – පටිසන්ධික්ඛණෙ නොඋපාදා එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ… (සංඛිත්තං). (1)