1. විභඞ්ගවාරො

හෙතුපච්චයො

340. බාහිරො ධම්මො බාහිරස්ස ධම්මස්ස හෙතුපච්චයෙන පච්චයො – බාහිරා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො – පටිසන්ධික්ඛණෙ බාහිරා හෙතූ සම්පයුත්තකානං ඛන්ධානං බාහිරානඤ්ච කටත්තාරූපානං හෙතුපච්චයෙන පච්චයො. (1)

බාහිරො ධම්මො අජ්ඣත්තිකස්ස ධම්මස්ස හෙතුපච්චයෙන පච්චයො – බාහිරා හෙතූ චිත්තස්ස හෙතුපච්චයෙන පච්චයො; පටිසන්ධික්ඛණෙ බාහිරා හෙතූ චිත්තස්ස අජ්ඣත්තිකානඤ්ච කටත්තාරූපානං හෙතුපච්චයෙන පච්චයො. (2)

බාහිරො ධම්මො අජ්ඣත්තිකස්ස ච බාහිරස්ස ච ධම්මස්ස හෙතුපච්චයෙන පච්චයො – බාහිරා හෙතූ සම්පයුත්තකානං ඛන්ධානං චිත්තස්ස ච චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ බාහිරා හෙතූ සම්පයුත්තකානං ඛන්ධානං චිත්තස්ස ච අජ්ඣත්තිකානඤ්ච බාහිරානඤ්ච කටත්තාරූපානං හෙතුපච්චයෙන පච්චයො. (3)

ආරම්මණපච්චයො

341. අජ්ඣත්තිකො ධම්මො අජ්ඣත්තිකස්ස ධම්මස්ස ආරම්මණපච්චයෙන පච්චයො – චිත්තං ආරබ්භ චිත්තං උප්පජ්ජති. (මූලං පුච්ඡිතබ්බං) චිත්තං ආරබ්භ බාහිරා ඛන්ධා උප්පජ්ජන්ති. (මූලං පුච්ඡිතබ්බං) චිත්තං ආරබ්භ චිත්තඤ්ච සම්පයුත්තකා ච ඛන්ධා උප්පජ්ජන්ති. (3)

බාහිරො ධම්මො බාහිරස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති අස්සාදෙති අභිනන්දති, තං ආරබ්භ රාගො…පෙ… දොමනස්සං උප්පජ්ජති; පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා ඣානං…පෙ… අරියා මග්ගා වුට්ඨහිත්වා මග්ගං…පෙ… ඵලං…පෙ… නිබ්බානං පච්චවෙක්ඛන්ති… නිබ්බානං ගොත්‍රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො. අරියා බාහිරෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ…පෙ… පුබ්බෙ සමුදාචිණ්ණෙ කිලෙසෙ ජානන්ති, රූපෙ…පෙ… වත්ථුං බාහිරෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන බාහිරචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණසහගතානං ඛන්ධානං ආරම්මණපච්චයෙන පච්චයො…පෙ… ඵොට්ඨබ්බායතනං…පෙ… බාහිරා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

බාහිරො ධම්මො අජ්ඣත්තිකස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති අස්සාදෙති අභිනන්දති, තං ආරබ්භ චිත්තං උප්පජ්ජති. පුබ්බෙ සුචිණ්ණානි…පෙ… ඣානං…පෙ… (සංඛිත්තං, සබ්බං කාතබ්බං) පුබ්බෙ සමුදාචිණ්ණෙ…පෙ… රූපෙ…පෙ… වත්ථුං බාහිරෙ ඛන්ධෙ අනිච්චතො…පෙ… විපස්සති, අස්සාදෙති අභිනන්දති, තං ආරබ්භ චිත්තං උප්පජ්ජති. දිබ්බෙන චක්ඛුනා රූපං පස්සති…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං…පෙ… බාහිරා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (3)

බාහිරො ධම්මො අජ්ඣත්තිකස්ස ච බාහිරස්ස ච ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති අස්සාදෙති අභිනන්දති, තං ආරබ්භ චිත්තඤ්ච සම්පයුත්තකා ච ඛන්ධා උප්පජ්ජන්ති (සංඛිත්තං, සබ්බං කාතබ්බං). බාහිරෙ ඛන්ධෙ අනිච්චතො…පෙ… විපස්සති, අස්සාදෙති අභිනන්දති, තං ආරබ්භ චිත්තඤ්ච සම්පයුත්තකා ච ඛන්ධා උප්පජ්ජන්ති. දිබ්බෙන චක්ඛුනා රූපං පස්සති…පෙ… රූපායතනං චක්ඛුවිඤ්ඤාණස්ස ච සම්පයුත්තකානඤ්ච ඛන්ධානං…පෙ… ඵොට්ඨබ්බායතනං…පෙ… බාහිරා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (3)

අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස ආරම්මණපච්චයෙන පච්චයො… තීණි.

අධිපතිපච්චයො

342. අජ්ඣත්තිකො ධම්මො අජ්ඣත්තිකස්ස ධම්මස්ස අධිපතිපච්චයෙන පච්චයො. ආරම්මණාධිපති – චිත්තං ගරුං කත්වා චිත්තං උප්පජ්ජති. (1)

අජ්ඣත්තිකො ධම්මො බාහිරස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – චිත්තං ගරුං කත්වා බාහිරා ඛන්ධා උප්පජ්ජන්ති. සහජාතාධිපති – චිත්තාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (මූලං) ආරම්මණාධිපති – අජ්ඣත්තිකං චිත්තං ගරුං කත්වා චිත්තඤ්ච සම්පයුත්තකා ච ඛන්ධා උප්පජ්ජන්ති. (3)

බාහිරො ධම්මො බාහිරස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා…පෙ… තීණි (ද්වෙ අධිපතී තිණ්ණම්පි කාතබ්බා). (3)

අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස අධිපතිපච්චයෙන පච්චයො… තීණි (තිණ්ණම්පි එකායෙව අධිපති).

අනන්තරපච්චයාදි

343. අජ්ඣත්තිකො ධම්මො අජ්ඣත්තිකස්ස ධම්මස්ස අනන්තරපච්චයෙන පච්චයො – පුරිමං පුරිමං චිත්තං පච්ඡිමස්ස පච්ඡිමස්ස චිත්තස්ස අනන්තරපච්චයෙන පච්චයො… තීණි.

බාහිරො ධම්මො බාහිරස්ස ධම්මස්ස අනන්තරපච්චයෙන පච්චයො – පුරිමා පුරිමා බාහිරා ඛන්ධා පච්ඡිමානං පච්ඡිමානං ඛන්ධානං අනන්තරපච්චයෙන පච්චයො; අනුලොමං ගොත්‍රභුස්ස…පෙ… තීණි (තිණ්ණම්පි එකසදිසා).

අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස අනන්තරපච්චයෙන පච්චයො… තීණි, සමනන්තරපච්චයෙන පච්චයො… නව, සහජාතපච්චයෙන පච්චයො… නව (පටිච්චසදිසා), අඤ්ඤමඤ්ඤපච්චයෙන පච්චයො… පඤ්ච (පටිච්චසදිසා), නිස්සයපච්චයෙන පච්චයො… නව, (පච්චයවාරසදිසා).

උපනිස්සයපච්චයො

344. අජ්ඣත්තිකො ධම්මො අජ්ඣත්තිකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – චිත්තං චිත්තස්ස උපනිස්සයපච්චයෙන පච්චයො… තීණි.

බාහිරො ධම්මො බාහිරස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො, (තීණිපි පූරෙත්වා කාතබ්බා, චිත්තස්සාති කාතබ්බා, සම්පයුත්තකානඤ්චාති කාතබ්බා).

අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස උපනිස්සයපච්චයෙන පච්චයො… තීණි.

පුරෙජාතපච්චයො

345. අජ්ඣත්තිකො ධම්මො අජ්ඣත්තිකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං …පෙ… කායං අනිච්චතො…පෙ… විපස්සති, අස්සාදෙති අභිනන්දති, තං ආරබ්භ චිත්තං උප්පජ්ජති. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස පුරෙජාතපච්චයෙන පච්චයො. (1)

අජ්ඣත්තිකො ධම්මො බාහිරස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… කායං අනිච්චතො…පෙ… විපස්සති, අස්සාදෙති…පෙ… දොමනස්සං උප්පජ්ජති. වත්ථුපුරෙජාතං – චක්ඛායතනං චක්ඛුවිඤ්ඤාණසහගතානං ඛන්ධානං…පෙ… කායායතනං කායවිඤ්ඤාණසහගතානං ඛන්ධානං පුරෙජාතපච්චයෙන පච්චයො. (2)

අජ්ඣත්තිකො ධම්මො අජ්ඣත්තිකස්ස ච බාහිරස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… කායං අනිච්චතො…පෙ… විපස්සති, තං ආරබ්භ චිත්තඤ්ච සම්පයුත්තකා ඛන්ධා ච උප්පජ්ජන්ති. වත්ථුපුරෙජාතං – චක්ඛායතනං චක්ඛුවිඤ්ඤාණස්ස සම්පයුත්තකානඤ්ච ඛන්ධානං…පෙ… කායායතනං කායවිඤ්ඤාණස්ස සම්පයුත්තකානඤ්ච ඛන්ධානං පුරෙජාතපච්චයෙන පච්චයො. (3)

346. බාහිරො ධම්මො බාහිරස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – රූපෙ…පෙ… ඵොට්ඨබ්බෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු බාහිරානං ඛන්ධානං පුරෙජාතපච්චයෙන පච්චයො. (1)

බාහිරො ධම්මො අජ්ඣත්තිකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – රූපෙ…පෙ… ඵොට්ඨබ්බෙ… වත්ථුං අනිච්චතො…පෙ… තං ආරබ්භ චිත්තං උප්පජ්ජති. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු චිත්තස්ස පුරෙජාතපච්චයෙන පච්චයො. (2)

බාහිරො ධම්මො අජ්ඣත්තිකස්ස ච බාහිරස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – රූපෙ…පෙ… ඵොට්ඨබ්බෙ… වත්ථුං අනිච්චතො…පෙ… තං ආරබ්භ චිත්තඤ්ච සම්පයුත්තකා ඛන්ධා ච උප්පජ්ජන්ති. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු චිත්තස්ස සම්පයුත්තකානඤ්ච ඛන්ධානං පුරෙජාතපච්චයෙන පච්චයො. (3)

347. අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. චක්ඛායතනඤ්ච වත්ථු ච චිත්තස්ස…පෙ… කායායතනඤ්ච වත්ථු ච චිත්තස්ස පුරෙජාතපච්චයෙන පච්චයො; රූපායතනඤ්ච චක්ඛායතනඤ්ච චක්ඛුවිඤ්ඤාණස්ස…පෙ… ඵොට්ඨබ්බායතනඤ්ච කායායතනඤ්ච කායවිඤ්ඤාණස්ස පුරෙජාතපච්චයෙන පච්චයො. (1)

අජ්ඣත්තිකො ච බාහිරො ච ධම්මා බාහිරස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. චක්ඛායතනඤ්ච වත්ථු ච බාහිරානං ඛන්ධානං පුරෙජාතපච්චයෙන පච්චයො…පෙ… කායායතනඤ්ච වත්ථු ච බාහිරානං ඛන්ධානං පුරෙජාතපච්චයෙන පච්චයො; රූපායතනඤ්ච චක්ඛායතනඤ්ච චක්ඛුවිඤ්ඤාණසහගතානං ඛන්ධානං පුරෙජාතපච්චයෙන පච්චයො…පෙ… ඵොට්ඨබ්බායතනඤ්ච කායායතනඤ්ච කායවිඤ්ඤාණසහගතානං ඛන්ධානං පුරෙජාතපච්චයෙන පච්චයො. (2)

අජ්ඣත්තිකො ච බාහිරො ච ධම්මා අජ්ඣත්තිකස්ස ච බාහිරස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. චක්ඛායතනඤ්ච වත්ථු ච චිත්තස්ස සම්පයුත්තකානඤ්ච ඛන්ධානං පුරෙජාතපච්චයෙන පච්චයො…පෙ… කායායතනඤ්ච වත්ථු ච…පෙ… රූපායතනඤ්ච චක්ඛායතනඤ්ච චක්ඛුවිඤ්ඤාණස්ස සම්පයුත්තකානඤ්ච ඛන්ධානං පුරෙජාතපච්චයෙන පච්චයො…පෙ… ඵොට්ඨබ්බායතනඤ්ච…පෙ…. (3)

පච්ඡාජාතාසෙවනපච්චයා

348. අජ්ඣත්තිකො ධම්මො අජ්ඣත්තිකස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අජ්ඣත්තිකා ඛන්ධා පුරෙජාතස්ස ඉමස්ස අජ්ඣත්තිකස්ස කායස්ස පච්ඡාජාතපච්චයෙන පච්චයො. (මූලං කාතබ්බං) පච්ඡාජාතා අජ්ඣත්තිකා ඛන්ධා පුරෙජාතස්ස ඉමස්ස බාහිරස්ස කායස්ස පච්ඡාජාතපච්චයෙන පච්චයො. (මූලං කාතබ්බං) පච්ඡාජාතා අජ්ඣත්තිකා ඛන්ධා පුරෙජාතස්ස ඉමස්ස අජ්ඣත්තිකස්ස ච බාහිරස්ස ච කායස්ස පච්ඡාජාතපච්චයෙන පච්චයො (එවං නවපි පඤ්හා කාතබ්බා), ආසෙවනපච්චයෙන පච්චයො (නව පඤ්හා කාතබ්බා).

කම්ම-විපාකපච්චයා

349. බාහිරො ධම්මො බාහිරස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – බාහිරා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – බාහිරා චෙතනා විපාකානං බාහිරානං ඛන්ධානං කටත්තා ච රූපානං කම්මපච්චයෙන පච්චයො. (1)

බාහිරො ධම්මො අජ්ඣත්තිකස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – බාහිරා චෙතනා චිත්තස්ස කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – බාහිරා චෙතනා විපාකස්ස චිත්තස්ස අජ්ඣත්තිකානඤ්ච කටත්තාරූපානං කම්මපච්චයෙන පච්චයො. (2)

බාහිරො ධම්මො අජ්ඣත්තිකස්ස ච බාහිරස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – බාහිරා චෙතනා සම්පයුත්තකානං ඛන්ධානං චිත්තස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – බාහිරා චෙතනා විපාකානං ඛන්ධානං චිත්තස්ස ච අජ්ඣත්තිකානඤ්ච බාහිරානඤ්ච කටත්තාරූපානං කම්මපච්චයෙන පච්චයො. (3) විපාකපච්චයෙන පච්චයො… නව.

ආහාරපච්චයො

350. අජ්ඣත්තිකො ධම්මො අජ්ඣත්තිකස්ස ධම්මස්ස ආහාරපච්චයෙන පච්චයො – පටිසන්ධික්ඛණෙ අජ්ඣත්තිකා ආහාරා අජ්ඣත්තිකානං කටත්තාරූපානං ආහාරපච්චයෙන පච්චයො. (1)

අජ්ඣත්තිකො ධම්මො බාහිරස්ස ධම්මස්ස ආහාරපච්චයෙන පච්චයො – අජ්ඣත්තිකා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ අජ්ඣත්තිකා ආහාරා සම්පයුත්තකානං ඛන්ධානං බාහිරානඤ්ච කටත්තාරූපානං ආහාරපච්චයෙන පච්චයො. (මූලං කාතබ්බං) පටිසන්ධික්ඛණෙ අජ්ඣත්තිකා ආහාරා සම්පයුත්තකානං ඛන්ධානං අජ්ඣත්තිකානඤ්ච බාහිරානඤ්ච කටත්තාරූපානං ආහාරපච්චයෙන පච්චයො. (3)

351. බාහිරො ධම්මො බාහිරස්ස ධම්මස්ස ආහාරපච්චයෙන පච්චයො – බාහිරා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ…පෙ… බාහිරො කබළීකාරො ආහාරො බාහිරස්ස කායස්ස ආහාරපච්චයෙන පච්චයො. (1)

බාහිරො ධම්මො අජ්ඣත්තිකස්ස ධම්මස්ස ආහාරපච්චයෙන පච්චයො – බාහිරා ආහාරා චිත්තස්ස ආහාරපච්චයෙන පච්චයො; පටිසන්ධික්ඛණෙ බාහිරා ආහාරා චිත්තස්ස අජ්ඣත්තිකානඤ්ච කටත්තාරූපානං ආහාරපච්චයෙන පච්චයො; බාහිරො කබළීකාරො ආහාරො අජ්ඣත්තිකස්ස කායස්ස ආහාරපච්චයෙන පච්චයො. (2)

බාහිරො ධම්මො අජ්ඣත්තිකස්ස ච බාහිරස්ස ච ධම්මස්ස ආහාරපච්චයෙන පච්චයො – බාහිරා ආහාරා සම්පයුත්තකානං ඛන්ධානං චිත්තස්ස ච චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ බාහිරා ආහාරා සම්පයුත්තකානං ඛන්ධානං චිත්තස්ස ච අජ්ඣත්තිකානඤ්ච බාහිරානඤ්ච කටත්තාරූපානං ආහාරපච්චයෙන පච්චයො; බාහිරො කබළීකාරො ආහාරො අජ්ඣත්තිකස්ස ච බාහිරස්ස ච කායස්ස ආහාරපච්චයෙන පච්චයො. (3)

352. අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස ආහාරපච්චයෙන පච්චයො – පටිසන්ධික්ඛණෙ අජ්ඣත්තිකා ච බාහිරා ච ආහාරා අජ්ඣත්තිකානං කටත්තාරූපානං ආහාරපච්චයෙන පච්චයො. (1)

අජ්ඣත්තිකො ච බාහිරො ච ධම්මා බාහිරස්ස ධම්මස්ස ආහාරපච්චයෙන පච්චයො – අජ්ඣත්තිකා ච බාහිරා ච ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ අජ්ඣත්තිකා ච බාහිරා ච ආහාරා සම්පයුත්තකානං ඛන්ධානං බාහිරානඤ්ච කටත්තාරූපානං ආහාරපච්චයෙන පච්චයො. (2)

අජ්ඣත්තිකො ච බාහිරො ච ධම්මා අජ්ඣත්තිකස්ස ච බාහිරස්ස ච ධම්මස්ස ආහාරපච්චයෙන පච්චයො – පටිසන්ධික්ඛණෙ අජ්ඣත්තිකා ච බාහිරා ච ආහාරා සම්පයුත්තකානං ඛන්ධානං අජ්ඣත්තිකානඤ්ච බාහිරානඤ්ච කටත්තාරූපානං ආහාරපච්චයෙන පච්චයො. (3)

ඉන්ද්‍රියපච්චයො

353. අජ්ඣත්තිකො ධම්මො අජ්ඣත්තිකස්ස ධම්මස්ස ඉන්ද්‍රියපච්චයෙන පච්චයො – පටිසන්ධික්ඛණෙ අජ්ඣත්තිකා ඉන්ද්‍රියා අජ්ඣත්තිකානං කටත්තාරූපානං ඉන්ද්‍රියපච්චයෙන පච්චයො, චක්ඛුන්ද්‍රියං චක්ඛුවිඤ්ඤාණස්ස…පෙ… කායින්ද්‍රියං කායවිඤ්ඤාණස්ස ඉන්ද්‍රියපච්චයෙන පච්චයො. (1)

අජ්ඣත්තිකො ධම්මො බාහිරස්ස ධම්මස්ස ඉන්ද්‍රියපච්චයෙන පච්චයො – අජ්ඣත්තිකා ඉන්ද්‍රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්‍රියපච්චයෙන පච්චයො; පටිසන්ධික්ඛණෙ අජ්ඣත්තිකා ඉන්ද්‍රියා සම්පයුත්තකානං ඛන්ධානං බාහිරානඤ්ච කටත්තාරූපානං ඉන්ද්‍රියපච්චයෙන පච්චයො, චක්ඛුන්ද්‍රියං චක්ඛුවිඤ්ඤාණසහගතානං ඛන්ධානං…පෙ… කායින්ද්‍රියං කායවිඤ්ඤාණසහගතානං ඛන්ධානං ඉන්ද්‍රියපච්චයෙන පච්චයො. (2)

අජ්ඣත්තිකො ධම්මො අජ්ඣත්තිකස්ස ච බාහිරස්ස ච ධම්මස්ස ඉන්ද්‍රියපච්චයෙන පච්චයො – පටිසන්ධික්ඛණෙ අජ්ඣත්තිකා ඉන්ද්‍රියා සම්පයුත්තකානං ඛන්ධානං අජ්ඣත්තිකානඤ්ච බාහිරානඤ්ච කටත්තාරූපානං ඉන්ද්‍රියපච්චයෙන පච්චයො, චක්ඛුන්ද්‍රියං චක්ඛුවිඤ්ඤාණස්ස සම්පයුත්තකානඤ්ච ඛන්ධානං…පෙ… කායින්ද්‍රියං කායවිඤ්ඤාණස්ස සම්පයුත්තකානඤ්ච ඛන්ධානං ඉන්ද්‍රියපච්චයෙන පච්චයො. (3)

354. බාහිරො ධම්මො බාහිරස්ස ධම්මස්ස ඉන්ද්‍රියපච්චයෙන පච්චයො – බාහිරා ඉන්ද්‍රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්‍රියපච්චයෙන පච්චයො; පටිසන්ධික්ඛණෙ බාහිරා ඉන්ද්‍රියා සම්පයුත්තකානං ඛන්ධානං බාහිරානඤ්ච කටත්තාරූපානං ඉන්ද්‍රියපච්චයෙන පච්චයො, රූපජීවිතින්ද්‍රියං බාහිරානං කටත්තාරූපානං ඉන්ද්‍රියපච්චයෙන පච්චයො. (1)

බාහිරො ධම්මො අජ්ඣත්තිකස්ස ධම්මස්ස ඉන්ද්‍රියපච්චයෙන පච්චයො – බාහිරා ඉන්ද්‍රියා චිත්තස්ස ඉන්ද්‍රියපච්චයෙන පච්චයො; පටිසන්ධික්ඛණෙ බාහිරා ඉන්ද්‍රියා චිත්තස්ස අජ්ඣත්තිකානඤ්ච කටත්තාරූපානං ඉන්ද්‍රියපච්චයෙන පච්චයො, රූපජීවිතින්ද්‍රියං අජ්ඣත්තිකානං කටත්තාරූපානං ඉන්ද්‍රියපච්චයෙන පච්චයො. (2)

බාහිරො ධම්මො අජ්ඣත්තිකස්ස ච බාහිරස්ස ච ධම්මස්ස ඉන්ද්‍රියපච්චයෙන පච්චයො – බාහිරා ඉන්ද්‍රියා සම්පයුත්තකානං ඛන්ධානං චිත්තස්ස ච චිත්තසමුට්ඨානානඤ්ච රූපානං ඉන්ද්‍රියපච්චයෙන පච්චයො; පටිසන්ධික්ඛණෙ බාහිරා ඉන්ද්‍රියා සම්පයුත්තකානං ඛන්ධානං චිත්තස්ස ච අජ්ඣත්තිකානඤ්ච බාහිරානඤ්ච කටත්තාරූපානං ඉන්ද්‍රියපච්චයෙන පච්චයො, රූපජීවිතින්ද්‍රියං අජ්ඣත්තිකානඤ්ච බාහිරානඤ්ච කටත්තාරූපානං ඉන්ද්‍රියපච්චයෙන පච්චයො. (3)

355. අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස ඉන්ද්‍රියපච්චයෙන පච්චයො – පටිසන්ධික්ඛණෙ අජ්ඣත්තිකා ච බාහිරා ච ඉන්ද්‍රියා අජ්ඣත්තිකානං කටත්තාරූපානං ඉන්ද්‍රියපච්චයෙන පච්චයො, චක්ඛුන්ද්‍රියඤ්ච උපෙක්ඛින්ද්‍රියඤ්ච චක්ඛුවිඤ්ඤාණස්ස ඉන්ද්‍රියපච්චයෙන පච්චයො…පෙ… කායින්ද්‍රියඤ්ච සුඛින්ද්‍රියං ච…පෙ… කායින්ද්‍රියඤ්ච දුක්ඛින්ද්‍රියඤ්ච කායවිඤ්ඤාණස්ස ඉන්ද්‍රියපච්චයෙන පච්චයො. (1)

අජ්ඣත්තිකො ච බාහිරො ච ධම්මා බාහිරස්ස ධම්මස්ස ඉන්ද්‍රියපච්චයෙන පච්චයො – අජ්ඣත්තිකා ච බාහිරා ච ඉන්ද්‍රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්‍රියපච්චයෙන පච්චයො; පටිසන්ධික්ඛණෙ අජ්ඣත්තිකා ච බාහිරා ච ඉන්ද්‍රියා සම්පයුත්තකානං ඛන්ධානං බාහිරානඤ්ච කටත්තාරූපානං ඉන්ද්‍රියපච්චයෙන පච්චයො, චක්ඛුන්ද්‍රියඤ්ච උපෙක්ඛින්ද්‍රියඤ්ච චක්ඛුවිඤ්ඤාණසහගතානං ඛන්ධානං ඉන්ද්‍රියපච්චයෙන පච්චයො…පෙ… කායින්ද්‍රියඤ්ච සුඛින්ද්‍රියඤ්ච…පෙ… කායින්ද්‍රියඤ්ච දුක්ඛින්ද්‍රියඤ්ච කායවිඤ්ඤාණසහගතානං ඛන්ධානං ඉන්ද්‍රියපච්චයෙන පච්චයො. (2)

අජ්ඣත්තිකො ච බාහිරො ච ධම්මා අජ්ඣත්තිකස්ස ච බාහිරස්ස ච ධම්මස්ස ඉන්ද්‍රියපච්චයෙන පච්චයො – පටිසන්ධික්ඛණෙ අජ්ඣත්තිකා ච බාහිරා ච ඉන්ද්‍රියා සම්පයුත්තකානං ඛන්ධානං අජ්ඣත්තිකානඤ්ච බාහිරානඤ්ච කටත්තාරූපානං ඉන්ද්‍රියපච්චයෙන පච්චයො, චක්ඛුන්ද්‍රියඤ්ච උපෙක්ඛින්ද්‍රියඤ්ච චක්ඛුවිඤ්ඤාණස්ස සම්පයුත්තකානඤ්ච ඛන්ධානං ඉන්ද්‍රියපච්චයෙන පච්චයො… කායින්ද්‍රියඤ්ච…පෙ…. (3)

ඣානපච්චයාදි

356. බාහිරො ධම්මො බාහිරස්ස ධම්මස්ස ඣානපච්චයෙන පච්චයො… තීණි… මග්ගපච්චයෙන පච්චයො… තීණි… සම්පයුත්තපච්චයෙන පච්චයො… පඤ්ච.

විප්පයුත්තපච්චයො

357. අජ්ඣත්තිකො ධම්මො අජ්ඣත්තිකස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතං – පටිසන්ධික්ඛණෙ චිත්තං අජ්ඣත්තිකානං කටත්තාරූපානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස විප්පයුත්තපච්චයෙන පච්චයො. පච්ඡාජාතා – අජ්ඣත්තිකා ඛන්ධා පුරෙජාතස්ස ඉමස්ස අජ්ඣත්තිකස්ස කායස්ස විප්පයුත්තපච්චයෙන පච්චයො. (1)

අජ්ඣත්තිකො ධම්මො බාහිරස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – අජ්ඣත්තිකා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ…. පුරෙජාතං – චක්ඛායතනං චක්ඛුවිඤ්ඤාණසහගතානං ඛන්ධානං…පෙ… කායායතනං කායවිඤ්ඤාණසහගතානං ඛන්ධානං විප්පයුත්තපච්චයෙන පච්චයො. පච්ඡාජාතා – අජ්ඣත්තිකා ඛන්ධා පුරෙජාතස්ස ඉමස්ස බාහිරස්ස කායස්ස විප්පයුත්තපච්චයෙන පච්චයො. (2)

අජ්ඣත්තිකො ධම්මො අජ්ඣත්තිකස්ස ච බාහිරස්ස ච ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – පටිසන්ධික්ඛණෙ අජ්ඣත්තිකා ඛන්ධා අජ්ඣත්තිකානඤ්ච බාහිරානඤ්ච කටත්තාරූපානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස සම්පයුත්තකානඤ්ච ඛන්ධානං…පෙ… කායායතනං කායවිඤ්ඤාණස්ස සම්පයුත්තකානං ඛන්ධානං විප්පයුත්තපච්චයෙන පච්චයො. පච්ඡාජාතා – අජ්ඣත්තිකා ඛන්ධා පුරෙජාතස්ස ඉමස්ස අජ්ඣත්තිකස්ස ච බාහිරස්ස ච කායස්ස විප්පයුත්තපච්චයෙන පච්චයො. (3)

358. බාහිරො ධම්මො බාහිරස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – බාහිරා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ… ඛන්ධා වත්ථුස්ස විප්පයුත්තපච්චයෙන පච්චයො; වත්ථු ඛන්ධානං විප්පයුත්තපච්චයෙන පච්චයො. පුරෙජාතං – වත්ථු බාහිරානං ඛන්ධානං විප්පයුත්තපච්චයෙන පච්චයො. පච්ඡාජාතා – බාහිරා ඛන්ධා පුරෙජාතස්ස ඉමස්ස බාහිරස්ස කායස්ස විප්පයුත්තපච්චයෙන පච්චයො. (1)

බාහිරො ධම්මො අජ්ඣත්තිකස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – පටිසන්ධික්ඛණෙ බාහිරා ඛන්ධා අජ්ඣත්තිකානං කටත්තාරූපානං විප්පයුත්තපච්චයෙන පච්චයො; පටිසන්ධික්ඛණෙ වත්ථු චිත්තස්ස විප්පයුත්තපච්චයෙන පච්චයො. පුරෙජාතං – වත්ථු චිත්තස්ස විප්පයුත්තපච්චයෙන පච්චයො. පච්ඡාජාතා – බාහිරා ඛන්ධා පුරෙජාතස්ස ඉමස්ස අජ්ඣත්තිකස්ස කායස්ස විප්පයුත්තපච්චයෙන පච්චයො. (2)

බාහිරො ධම්මො අජ්ඣත්තිකස්ස ච බාහිරස්ස ච ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං (සංඛිත්තං). (3)

359. අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – පටිසන්ධික්ඛණෙ අජ්ඣත්තිකා ච බාහිරා ච ඛන්ධා අජ්ඣත්තිකානං කටත්තාරූපානං විප්පයුත්තපච්චයෙන පච්චයො. පච්ඡාජාතං – පච්ඡාජාතා…පෙ… (සංඛිත්තං). (1)

අජ්ඣත්තිකො ච බාහිරො ච ධම්මා බාහිරස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං (සංඛිත්තං). (2)

අජ්ඣත්තිකො ච බාහිරො ච ධම්මා අජ්ඣත්තිකස්ස ච බාහිරස්ස ච ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – පටිසන්ධික්ඛණෙ අජ්ඣත්තිකා ච බාහිරා ච ඛන්ධා…පෙ… (සංඛිත්තං). (3)

අත්ථිපච්චයාදි

360. අජ්ඣත්තිකො ධම්මො අජ්ඣත්තිකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – පටිසන්ධික්ඛණෙ චිත්තං අජ්ඣත්තිකානං කටත්තාරූපානං අත්ථිපච්චයෙන පච්චයො. පුරෙජාතං – චක්ඛුං…පෙ… කායං අනිච්චතො…පෙ… (පුරෙජාතසදිසං, නින්නානාකරණං). පච්ඡාජාතං (පච්ඡාජාතසදිසං කාතබ්බං). (1)

අජ්ඣත්තිකො ධම්මො බාහිරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං. සහජාතං – සහජාතා අජ්ඣත්තිකා ඛන්ධා සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො (සංඛිත්තං). (2)

(ඉධ අත්ථි සබ්බට්ඨානෙ සහජාතං පච්චයවාරසදිසං. පුරෙජාතං පුරෙජාතසදිසං. පච්ඡාජාතං පච්ඡාජාතසදිසං කාතබ්බං, නින්නානාකරණං).

අජ්ඣත්තිකො ධම්මො අජ්ඣත්තිකස්ස ච බාහිරස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං (සංඛිත්තං). (3)

361. බාහිරො ධම්මො බාහිරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සබ්බං විත්ථාරෙතබ්බං). (1)

බාහිරො ධම්මො අජ්ඣත්තිකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං). (2)

බාහිරො ධම්මො අජ්ඣත්තිකස්ස ච බාහිරස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං). (3)

362. අජ්ඣත්තිකො ච බාහිරො ච ධම්මා අජ්ඣත්තිකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතා – චක්ඛුවිඤ්ඤාණසහගතා ඛන්ධා ච චක්ඛායතනඤ්ච චක්ඛුවිඤ්ඤාණසහගතා ඛන්ධා ච චක්ඛායතනඤ්ච චක්ඛුවිඤ්ඤාණස්ස අත්ථිපච්චයෙන පච්චයො…පෙ… කායවිඤ්ඤාණසහගතා ඛන්ධා ච…පෙ… පටිසන්ධික්ඛණෙ අජ්ඣත්තිකා ච බාහිරා ච ඛන්ධා අජ්ඣත්තිකානං කටත්තාරූපානං අත්ථිපච්චයෙන පච්චයො. පුරෙජාතං – චක්ඛායතනඤ්ච වත්ථු ච චිත්තස්ස අත්ථිපච්චයෙන පච්චයො…පෙ… කායායතනඤ්ච වත්ථු ච චිත්තස්ස අත්ථිපච්චයෙන පච්චයො; රූපායතනඤ්ච චක්ඛායතනඤ්ච චක්ඛුවිඤ්ඤාණස්ස…පෙ… ඵොට්ඨබ්බායතනඤ්ච කායායතනඤ්ච කායවිඤ්ඤාණස්ස අත්ථිපච්චයෙන පච්චයො. පච්ඡාජාතා – අජ්ඣත්තිකා ච බාහිරා ච ඛන්ධා පුරෙජාතස්ස ඉමස්ස අජ්ඣත්තිකස්ස කායස්ස අත්ථිපච්චයෙන පච්චයො. පච්ඡාජාතා – අජ්ඣත්තිකා ච බාහිරා ච ඛන්ධා කබළීකාරො ආහාරො ච ඉමස්ස අජ්ඣත්තිකස්ස කායස්ස අත්ථිපච්චයෙන පච්චයො. පච්ඡාජාතා – අජ්ඣත්තිකා ච බාහිරා ච ඛන්ධා රූපජීවිතින්ද්‍රියඤ්ච අජ්ඣත්තිකානං කටත්තාරූපානං අත්ථිපච්චයෙන පච්චයො. (1)

අජ්ඣත්තිකො ච බාහිරො ච ධම්මා බාහිරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතො – චක්ඛුවිඤ්ඤාණසහගතො එකො ඛන්ධො ච චක්ඛායතනඤ්ච චක්ඛුවිඤ්ඤාණඤ්ච ද්වින්නං ඛන්ධානං අත්ථිපච්චයෙන පච්චයො…පෙ… (සහජාතපච්චයවාරසදිසං නින්නානාකරණං, පඨමගමනසදිසංයෙව. සබ්බෙ පදා පඨමඝටනානයෙන විභජිතබ්බා). (2)

අජ්ඣත්තිකො ච බාහිරො ච ධම්මා අජ්ඣත්තිකස්ස ච බාහිරස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතො – චක්ඛුවිඤ්ඤාණසහගතො එකො ඛන්ධො ච චක්ඛායතනඤ්ච ද්වින්නං ඛන්ධානං චක්ඛුවිඤ්ඤාණස්ස ච අත්ථිපච්චයෙන පච්චයො (සංඛිත්තං. සබ්බෙ පදා විභජිතබ්බා පඨමඝටනානයෙන). (3)

නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො.