1-4. පච්චයානුලොමාදි

339. අජ්ඣත්තිකං ධම්මං සංසට්ඨො බාහිරො ධම්මො උප්පජ්ජති හෙතුපච්චයා – චිත්තං සංසට්ඨා සම්පයුත්තකා ඛන්ධා; පටිසන්ධික්ඛණෙ චිත්තං සංසට්ඨා සම්පයුත්තකා ඛන්ධා. (1)

බාහිරං ධම්මං සංසට්ඨො බාහිරො ධම්මො උප්පජ්ජති හෙතුපච්චයා – බාහිරං එකං ඛන්ධං සංසට්ඨා ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ…. බාහිරං ධම්මං සංසට්ඨො අජ්ඣත්තිකො ධම්මො උප්පජ්ජති හෙතුපච්චයා – බාහිරෙ ඛන්ධෙ සංසට්ඨං චිත්තං; පටිසන්ධික්ඛණෙ…පෙ…. බාහිරං ධම්මං සංසට්ඨො අජ්ඣත්තිකො ච බාහිරො ච ධම්මා උප්පජ්ජන්ති හෙතුපච්චයා – බාහිරං එකං ඛන්ධං සංසට්ඨා ද්වෙ ඛන්ධා චිත්තඤ්ච, ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

අජ්ඣත්තිකඤ්ච බාහිරඤ්ච ධම්මං සංසට්ඨො බාහිරො ධම්මො උප්පජ්ජති හෙතුපච්චයා – බාහිරං එකං ඛන්ධඤ්ච චිත්තඤ්ච සංසට්ඨා ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ… (සංඛිත්තං). හෙතුයා පඤ්ච, ආරම්මණෙ පඤ්ච, අධිපතියා පඤ්ච (සබ්බත්ථ පඤ්ච), අවිගතෙ පඤ්ච (අනුලොමං).

අජ්ඣත්තිකං ධම්මං සංසට්ඨො බාහිරො ධම්මො උප්පජ්ජති නහෙතුපච්චයා (එවං පඤ්ච කාතබ්බා, තීණියෙව මොහො).

නහෙතුයා පඤ්ච, නඅධිපතියා පඤ්ච, නපුරෙජාතෙ පඤ්ච, නපච්ඡාජාතෙ පඤ්ච, නආසෙවනෙ පඤ්ච, නකම්මෙ තීණි, නවිපාකෙ පඤ්ච, නඣානෙ පඤ්ච, නමග්ගෙ පඤ්ච, නවිප්පයුත්තෙ පඤ්ච (පච්චනීයං).