1. විභඞ්ගවාරො

හෙතුපච්චයො

318. අජ්ඣත්තිකං ධම්මං පටිච්ච අජ්ඣත්තිකො ධම්මො උප්පජ්ජති හෙතුපච්චයා – පටිසන්ධික්ඛණෙ චිත්තං පටිච්ච අජ්ඣත්තිකං කටත්තාරූපං. (1)

අජ්ඣත්තිකං ධම්මං පටිච්ච බාහිරො ධම්මො උප්පජ්ජති හෙතුපච්චයා – චිත්තං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ චිත්තං පටිච්ච සම්පයුත්තකා ඛන්ධා බාහිරං කටත්තා ච රූපං. (2)

අජ්ඣත්තිකං ධම්මං පටිච්ච අජ්ඣත්තිකො ච බාහිරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ චිත්තං පටිච්ච සම්පයුත්තකා ඛන්ධා අජ්ඣත්තිකඤ්ච බාහිරඤ්ච කටත්තාරූපං. (3)

319. බාහිරං ධම්මං පටිච්ච බාහිරො ධම්මො උප්පජ්ජති හෙතුපච්චයා – බාහිරං එකං ඛන්ධං පටිච්ච ද්වෙ ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ… පටිසන්ධික්ඛණෙ බාහිරං එකං ඛන්ධං පටිච්ච ද්වෙ ඛන්ධා බාහිරං කටත්තා ච රූපං, ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

බාහිරං ධම්මං පටිච්ච අජ්ඣත්තිකො ධම්මො උප්පජ්ජති හෙතුපච්චයා – බාහිරෙ ඛන්ධෙ පටිච්ච චිත්තං; පටිසන්ධික්ඛණෙ බාහිරෙ ඛන්ධෙ පටිච්ච චිත්තං අජ්ඣත්තිකං කටත්තා ච රූපං, පටිසන්ධික්ඛණෙ බාහිරං වත්ථුං පටිච්ච චිත්තං. (2)

බාහිරං ධම්මං පටිච්ච අජ්ඣත්තිකො ච බාහිරො ච ධම්මා උප්පජ්ජන්ති හෙතුපච්චයා – බාහිරං එකං ඛන්ධං පටිච්ච ද්වෙ ඛන්ධා චිත්තඤ්ච චිත්තසමුට්ඨානඤ්ච රූපං, ද්වෙ ඛන්ධෙ…පෙ… පටිසන්ධික්ඛණෙ බාහිරං එකං ඛන්ධං පටිච්ච ද්වෙ ඛන්ධා චිත්තඤ්ච අජ්ඣත්තිකඤ්ච බාහිරඤ්ච කටත්තාරූපං, ද්වෙ ඛන්ධෙ…පෙ… පටිසන්ධික්ඛණෙ වත්ථුං පටිච්ච චිත්තං සම්පයුත්තකා ච ඛන්ධා. (3)

320. අජ්ඣත්තිකඤ්ච බාහිරඤ්ච ධම්මං පටිච්ච අජ්ඣත්තිකො ධම්මො උප්පජ්ජති හෙතුපච්චයා – පටිසන්ධික්ඛණෙ චිත්තඤ්ච සම්පයුත්තකෙ ච ඛන්ධෙ පටිච්ච අජ්ඣත්තිකං කටත්තාරූපං. (1)

අජ්ඣත්තිකඤ්ච බාහිරඤ්ච ධම්මං පටිච්ච බාහිරො ධම්මො උප්පජ්ජති හෙතුපච්චයා – බාහිරං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ ච…පෙ… චිත්තඤ්ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ බාහිරං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා බාහිරං කටත්තා ච රූපං, ද්වෙ ඛන්ධෙ ච…පෙ… චිත්තඤ්ච මහාභූතෙ ච පටිච්ච බාහිරං කටත්තාරූපං, පටිසන්ධික්ඛණෙ චිත්තඤ්ච වත්ථුඤ්ච පටිච්ච බාහිරා ඛන්ධා. (2)

අජ්ඣත්තිකඤ්ච බාහිරඤ්ච ධම්මං පටිච්ච අජ්ඣත්තිකො ච බාහිරො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ බාහිරං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා අජ්ඣත්තිකඤ්ච බාහිරඤ්ච කටත්තාරූපං, ද්වෙ ඛන්ධෙ ච…පෙ…. (3)

ආරම්මණපච්චයො

321. අජ්ඣත්තිකං ධම්මං පටිච්ච බාහිරො ධම්මො උප්පජ්ජති ආරම්මණපච්චයා – චිත්තං පටිච්ච සම්පයුත්තකා ඛන්ධා; පටිසන්ධික්ඛණෙ චිත්තං පටිච්ච සම්පයුත්තකා ඛන්ධා. (1)

බාහිරං ධම්මං පටිච්ච බාහිරො ධම්මො උප්පජ්ජති ආරම්මණපච්චයා – බාහිරං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

බාහිරං ධම්මං පටිච්ච අජ්ඣත්තිකො ධම්මො උප්පජ්ජති ආරම්මණපච්චයා – බාහිරෙ ඛන්ධෙ පටිච්ච චිත්තං; පටිසන්ධික්ඛණෙ බාහිරෙ ඛන්ධෙ පටිච්ච චිත්තං, පටිසන්ධික්ඛණෙ වත්ථුං පටිච්ච චිත්තං. (2)

බාහිරං ධම්මං පටිච්ච අජ්ඣත්තිකො ච බාහිරො ච ධම්මා උප්පජ්ජන්ති ආරම්මණපච්චයා – බාහිරං එකං ඛන්ධං පටිච්ච ද්වෙ ඛන්ධා චිත්තඤ්ච, ද්වෙ ඛන්ධෙ…පෙ… පටිසන්ධික්ඛණෙ බාහිරං එකං ඛන්ධං පටිච්ච ද්වෙ ඛන්ධා චිත්තඤ්ච, ද්වෙ ඛන්ධෙ…පෙ… පටිසන්ධික්ඛණෙ වත්ථුං පටිච්ච චිත්තං සම්පයුත්තකා ච ඛන්ධා. (3)

අජ්ඣත්තිකඤ්ච බාහිරඤ්ච ධම්මං පටිච්ච බාහිරො ධම්මො උප්පජ්ජති ආරම්මණපච්චයා – බාහිරං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ බාහිරං එකං ඛන්ධං චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ බාහිරං එකං ඛන්ධඤ්ච චිත්තඤ්ච වත්ථුඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… (සංඛිත්තං). (1)