1. විභඞ්ගවාරො

හෙතුපච්චයො

278. චිත්තසංසට්ඨසමුට්ඨානං ධම්මං පටිච්ච චිත්තසංසට්ඨසමුට්ඨානො ධම්මො උප්පජ්ජති හෙතුපච්චයා – චිත්තසංසට්ඨසමුට්ඨානං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ…පෙ…. (1)

චිත්තසංසට්ඨසමුට්ඨානං ධම්මං පටිච්ච නොචිත්තසංසට්ඨසමුට්ඨානො ධම්මො උප්පජ්ජති හෙතුපච්චයා – චිත්තසංසට්ඨසමුට්ඨානෙ ඛන්ධෙ පටිච්ච චිත්තං චිත්තසමුට්ඨානඤ්ච රූපං; පටිසන්ධික්ඛණෙ චිත්තසංසට්ඨසමුට්ඨානෙ ඛන්ධෙ පටිච්ච චිත්තං කටත්තා ච රූපං. (2)

චිත්තසංසට්ඨසමුට්ඨානං ධම්මං පටිච්ච චිත්තසංසට්ඨසමුට්ඨානො ච නොචිත්තසංසට්ඨසමුට්ඨානො ච ධම්මා උප්පජ්ජන්ති හෙතුපච්චයා – චිත්තසංසට්ඨසමුට්ඨානං එකං ඛන්ධං පටිච්ච ද්වෙ ඛන්ධා චිත්තඤ්ච චිත්තසමුට්ඨානඤ්ච රූපං, ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

279. නොචිත්තසංසට්ඨසමුට්ඨානං ධම්මං පටිච්ච නොචිත්තසංසට්ඨසමුට්ඨානො ධම්මො උප්පජ්ජති හෙතුපච්චයා – චිත්තං පටිච්ච චිත්තසමුට්ඨානං රූපං; පටිසන්ධික්ඛණෙ චිත්තං පටිච්ච කටත්තාරූපං, චිත්තං පටිච්ච වත්ථු, වත්ථුං පටිච්ච චිත්තං, එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

නොචිත්තසංසට්ඨසමුට්ඨානං ධම්මං පටිච්ච චිත්තසංසට්ඨසමුට්ඨානො ධම්මො උප්පජ්ජති හෙතුපච්චයා – චිත්තං පටිච්ච සම්පයුත්තකා ඛන්ධා; පටිසන්ධික්ඛණෙ චිත්තං පටිච්ච සම්පයුත්තකා ඛන්ධා, පටිසන්ධික්ඛණෙ වත්ථුං පටිච්ච චිත්තසංසට්ඨසමුට්ඨානා ඛන්ධා. (2)

නොචිත්තසංසට්ඨසමුට්ඨානං ධම්මං පටිච්ච චිත්තසංසට්ඨසමුට්ඨානො ච නොචිත්තසංසට්ඨසමුට්ඨානො ච ධම්මා උප්පජ්ජන්ති හෙතුපච්චයා – චිත්තං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ චිත්තං පටිච්ච සම්පයුත්තකා ඛන්ධා කටත්තා ච රූපං, පටිසන්ධික්ඛණෙ වත්ථුං පටිච්ච චිත්තං සම්පයුත්තකා ච ඛන්ධා. (3)

280. චිත්තසංසට්ඨසමුට්ඨානඤ්ච නොචිත්තසංසට්ඨසමුට්ඨානඤ්ච ධම්මං පටිච්ච චිත්තසංසට්ඨසමුට්ඨානො ධම්මො උප්පජ්ජති හෙතුපච්චයා – චිත්තසංසට්ඨසමුට්ඨානං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ චිත්තසංසට්ඨසමුට්ඨානං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ චිත්තසංසට්ඨසමුට්ඨානං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා, ද්වෙ ඛන්ධෙ…පෙ…. (1)

චිත්තසංසට්ඨසමුට්ඨානඤ්ච නොචිත්තසංසට්ඨසමුට්ඨානඤ්ච ධම්මං පටිච්ච නොචිත්තසංසට්ඨසමුට්ඨානො ධම්මො උප්පජ්ජති හෙතුපච්චයා – චිත්තසංසට්ඨසමුට්ඨානෙ ඛන්ධෙ ච චිත්තඤ්ච පටිච්ච චිත්තසමුට්ඨානං රූපං, චිත්තසංසට්ඨසමුට්ඨානෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ චිත්තසංසට්ඨසමුට්ඨානෙ ඛන්ධෙ ච චිත්තඤ්ච පටිච්ච කටත්තාරූපං, පටිසන්ධික්ඛණෙ චිත්තසංසට්ඨසමුට්ඨානෙ ඛන්ධෙ ච මහාභූතෙ ච පටිච්ච කටත්තාරූපං, පටිසන්ධික්ඛණෙ චිත්තසංසට්ඨසමුට්ඨානෙ ඛන්ධෙ ච වත්ථුඤ්ච පටිච්ච චිත්තං. (2)

චිත්තසංසට්ඨසමුට්ඨානඤ්ච නොචිත්තසංසට්ඨසමුට්ඨානඤ්ච ධම්මං පටිච්ච චිත්තසංසට්ඨසමුට්ඨානො ච නොචිත්තසංසට්ඨසමුට්ඨානො ච ධම්මා උප්පජ්ජන්ති හෙතුපච්චයා – චිත්තසංසට්ඨසමුට්ඨානං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ… පටිසන්ධික්ඛණෙ චිත්තසංසට්ඨසමුට්ඨානං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා කටත්තා ච රූපං, ද්වෙ ඛන්ධෙ…පෙ… පටිසන්ධික්ඛණෙ චිත්තසංසට්ඨසමුට්ඨානං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා චිත්තඤ්ච, ද්වෙ ඛන්ධෙ…පෙ… (සංඛිත්තං). (3)