1. විභඞ්ගවාරො

හෙතුපච්චයො

257. චිත්තසහභූ ධම්මො චිත්තසහභුස්ස ධම්මස්ස හෙතුපච්චයෙන පච්චයො – චිත්තසහභූ හෙතූ සම්පයුත්තකානං ඛන්ධානං චිත්තසහභූනං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

චිත්තසහභූ ධම්මො නොචිත්තසහභුස්ස ධම්මස්ස හෙතුපච්චයෙන පච්චයො – චිත්තසහභූ හෙතූ චිත්තස්ස නොචිත්තසහභූනං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ චිත්තසහභූ හෙතූ චිත්තස්ස කටත්තා ච රූපානං හෙතුපච්චයෙන පච්චයො. (2)

චිත්තසහභූ ධම්මො චිත්තසහභුස්ස ච නොචිත්තසහභුස්ස ච ධම්මස්ස හෙතුපච්චයෙන පච්චයො; චිත්තසහභූ හෙතූ සම්පයුත්තකානං ඛන්ධානං චිත්තස්ස ච චිත්තසහභූනඤ්ච නොචිත්තසහභූනඤ්ච චිත්තසමුට්ඨානානං රූපානං හෙතුපච්චයෙන පච්චයො. (3)

ආරම්මණපච්චයො

258. චිත්තසහභූ ධම්මො චිත්තසහභුස්ස ධම්මස්ස ආරම්මණපච්චයෙන පච්චයො… නව (චිත්තසමුට්ඨානදුකසදිසං, නින්නානාකරණං).

අධිපතිපච්චයො

259. චිත්තසහභූ ධම්මො චිත්තසහභුස්ස ධම්මස්ස අධිපතිපච්චයෙන පච්චයො… තීණි (ආරම්මණාධිපතිපි සහජාතාධිපතිපි කාතබ්බා).

නොචිත්තසහභූ ධම්මො නොචිත්තසහභුස්ස ධම්මස්ස අධිපතිපච්චයෙන පච්චයො… තීණි (ආරම්මණාධිපතිපි සහජාතාධිපතිපි ඉමෙසම්පි තිණ්ණං කාතබ්බා. නවපි පඤ්හා චිත්තසමුට්ඨානදුකසදිසා. අන්තෙ තීණි ආරම්මණාධිපතියෙව).

අනන්තරපච්චයාදි

260. චිත්තසහභූ ධම්මො චිත්තසහභුස්ස ධම්මස්ස අනන්තරපච්චයෙන පච්චයො… නව (චිත්තසමුට්ඨානදුකසදිසං, නින්නානාකරණං)… සමනන්තරපච්චයෙන පච්චයො… නව (පටිච්චසදිසා) … සහජාතපච්චයෙන පච්චයො… නව (පටිච්චසදිසා)… අඤ්ඤමඤ්ඤපච්චයෙන පච්චයො… නව (පටිච්චසදිසා)… නිස්සයපච්චයෙන පච්චයො… නව (පච්චයවාරසදිසා)… උපනිස්සයපච්චයෙන පච්චයො… නව (චිත්තසමුට්ඨානදුකසදිසා).

පුරෙජාතපච්චයො

261. නොචිත්තසහභූ ධම්මො නොචිත්තසහභුස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං… තීණි (නොචිත්තසහභූ මූලංයෙව ලබ්භති, චිත්තසමුට්ඨානදුකසදිසා. තීණිපි නින්නානාකරණං).

පච්ඡාජාතාසෙවනපච්චයා

262. චිත්තසහභූ ධම්මො නොචිත්තසහභුස්ස ධම්මස්ස පච්ඡාජාතපච්චයෙන පච්චයො – පච්ඡාජාතා චිත්තසහභූ ඛන්ධා පුරෙජාතස්ස ඉමස්ස නොචිත්තසහභුස්ස කායස්ස පච්ඡාජාතපච්චයෙන පච්චයො. (1)

නොචිත්තසහභූ ධම්මො නොචිත්තසහභුස්ස ධම්මස්ස පච්ඡාජාතපච්චයෙන පච්චයො…පෙ…. (1)

චිත්තසහභූ ච නොචිත්තසහභූ ච ධම්මා නොචිත්තසහභුස්ස ධම්මස්ස පච්ඡාජාතපච්චයෙන පච්චයො (සංඛිත්තං)… ආසෙවනපච්චයෙන පච්චයො… නව.

කම්මපච්චයො

263. චිත්තසහභූ ධම්මො චිත්තසහභුස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – චිත්තසහභූ චෙතනා සම්පයුත්තකානං ඛන්ධානං චිත්තසහභූනං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – චිත්තසහභූ චෙතනා විපාකානං චිත්තසහභූනං ඛන්ධානං කම්මපච්චයෙන පච්චයො. (1)

චිත්තසහභූ ධම්මො නොචිත්තසහභුස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – චිත්තසහභූ චෙතනා චිත්තස්ස නොචිත්තසහභූනං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – චිත්තසහභූ චෙතනා විපාකස්ස චිත්තස්ස කටත්තා ච රූපානං කම්මපච්චයෙන පච්චයො. (2)

චිත්තසහභූ ධම්මො චිත්තසහභුස්ස ච නොචිත්තසහභුස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – චිත්තසහභූ චෙතනා සම්පයුත්තකානං ඛන්ධානං චිත්තස්ස ච චිත්තසහභූනඤ්ච නොචිත්තසහභූනඤ්ච චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – චිත්තසහභූ චෙතනා විපාකානං ඛන්ධානං චිත්තස්ස කටත්තා ච රූපානං කම්මපච්චයෙන පච්චයො. (3)

විපාකපච්චයාදි

264. චිත්තසහභූ ධම්මො චිත්තසහභුස්ස ධම්මස්ස විපාකපච්චයෙන පච්චයො (චිත්තසමුට්ඨානදුකසදිසං)… ආහාරපච්චයෙන පච්චයො… නව (චිත්තසමුට්ඨානදුකසදිසා. ඉමම්පි එකං කබළීකාරආහාරසදිසං). චිත්තසහභූ ධම්මො චිත්තසහභුස්ස ධම්මස්ස ඉන්ද්‍රියපච්චයෙන පච්චයො… නව (චිත්තසමුට්ඨානදුකසදිසං, නින්නානාකරණං)… ඣානපච්චයෙන පච්චයො… තීණි… මග්ගපච්චයෙන පච්චයො… තීණි… සම්පයුත්තපච්චයෙන පච්චයො… පඤ්ච.

විප්පයුත්තපච්චයො

265. චිත්තසහභූ ධම්මො චිත්තසහභුස්ස ධම්මස්ස විප්පයුත්තපච්චයෙන පච්චයො. සහජාතා – චිත්තසහභූ ඛන්ධා චිත්තසහභූනං චිත්තසමුට්ඨානානං රූපානං විප්පයුත්තපච්චයෙන පච්චයො. (1)

චිත්තසහභූ ධම්මො නොචිත්තසහභුස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – චිත්තසහභූ ඛන්ධා නොචිත්තසහභූනං චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – චිත්තසහභූ ඛන්ධා පුරෙජාතස්ස ඉමස්ස නොචිත්තසහභුස්ස කායස්ස විප්පයුත්තපච්චයෙන පච්චයො. (2)

චිත්තසහභූ ධම්මො චිත්තසහභුස්ස ච නොචිත්තසහභුස්ස ච ධම්මස්ස විප්පයුත්තපච්චයෙන පච්චයො. සහජාතා – චිත්තසහභූ ඛන්ධා චිත්තසහභූනඤ්ච නොචිත්තසහභූනඤ්ච චිත්තසමුට්ඨානානං රූපානං විප්පයුත්තපච්චයෙන පච්චයො. (3)

266. නොචිත්තසහභූ ධම්මො නොචිත්තසහභුස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතං – චිත්තං නොචිත්තසහභූනං චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ චිත්තං කටත්තාරූපානං විප්පයුත්තපච්චයෙන පච්චයො; චිත්තං වත්ථුස්ස විප්පයුත්තපච්චයෙන පච්චයො; වත්ථු චිත්තස්ස විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස විප්පයුත්තපච්චයෙන පච්චයො…පෙ… කායායතනං…පෙ… වත්ථු චිත්තස්ස විප්පයුත්තපච්චයෙන පච්චයො. පච්ඡාජාතං – චිත්තං පුරෙජාතස්ස ඉමස්ස නොචිත්තසහභුස්ස කායස්ස විප්පයුත්තපච්චයෙන පච්චයො. (1)

නොචිත්තසහභූ ධම්මො චිත්තසහභුස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – චිත්තං චිත්තසහභූනං චිත්තසමුට්ඨානානං රූපානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණසහගතානං ඛන්ධානං විප්පයුත්තපච්චයෙන පච්චයො…පෙ… කායායතනං…පෙ… වත්ථු චිත්තසහභූනං ඛන්ධානං විප්පයුත්තපච්චයෙන පච්චයො. (2)

නොචිත්තසහභූ ධම්මො චිත්තසහභුස්ස ච නොචිත්තසහභුස්ස ච ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – චිත්තං චිත්තසහභූනඤ්ච නොචිත්තසහභූනඤ්ච චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස සම්පයුත්තකානඤ්ච රූපානං විප්පයුත්තපච්චයෙන පච්චයො…පෙ… කායායතනං…පෙ… වත්ථු චිත්තස්ස සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. (3)

267. චිත්තසහභූ ච නොචිත්තසහභූ ච ධම්මා චිත්තසහභුස්ස ධම්මස්ස විප්පයුත්තපච්චයෙන පච්චයො. සහජාතා – චිත්තසහභූ ඛන්ධා ච චිත්තඤ්ච චිත්තසහභූනං චිත්තසමුට්ඨානානං රූපානං විප්පයුත්තපච්චයෙන පච්චයො. (1)

චිත්තසහභූ ච නොචිත්තසහභූ ච ධම්මා නොචිත්තසහභුස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – චිත්තසහභූ ඛන්ධා ච චිත්තඤ්ච නොචිත්තසහභූනං චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ …පෙ…. පච්ඡාජාතා – චිත්තසහභූ ඛන්ධා ච චිත්තඤ්ච පුරෙජාතස්ස ඉමස්ස නොචිත්තසහභුස්ස කායස්ස විප්පයුත්තපච්චයෙන පච්චයො. (2)

චිත්තසහභූ ච නොචිත්තසහභූ ච ධම්මා චිත්තසහභුස්ස ච නොචිත්තසහභුස්ස ච ධම්මස්ස විප්පයුත්තපච්චයෙන පච්චයො – චිත්තසහභූ ඛන්ධා ච චිත්තඤ්ච චිත්තසහභූනඤ්ච නොචිත්තසහභූනඤ්ච චිත්තසමුට්ඨානානං රූපානං විප්පයුත්තපච්චයෙන පච්චයො. (3)

අත්ථිපච්චයො

268. චිත්තසහභූ ධම්මො චිත්තසහභුස්ස ධම්මස්ස අත්ථිපච්චයෙන පච්චයො – චිත්තසහභූ එකො ඛන්ධො…පෙ… (පටිච්චසදිසං). (1)

චිත්තසහභූ ධම්මො නොචිත්තසහභුස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං (සංඛිත්තං). (2)

චිත්තසහභූ ධම්මො චිත්තසහභුස්ස ච නොචිත්තසහභුස්ස ච ධම්මස්ස අත්ථිපච්චයෙන පච්චයො – චිත්තසහභූ එකො ඛන්ධො…පෙ… (පටිච්චසදිසං). (3)

නොචිත්තසහභූ ධම්මො නොචිත්තසහභුස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (සංඛිත්තං). (1)

නොචිත්තසහභූ ධම්මො චිත්තසහභුස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං (සංඛිත්තං. (2)

නොචිත්තසහභූ ධම්මො චිත්තසහභුස්ස ච නොචිත්තසහභුස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං (සංඛිත්තං). (3)

269. චිත්තසහභූ ච නොචිත්තසහභූ ච ධම්මා චිත්තසහභුස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – චක්ඛුවිඤ්ඤාණසහගතො එකො ඛන්ධො ච චක්ඛායතනඤ්ච චක්ඛුවිඤ්ඤාණඤ්ච ද්වින්නං ඛන්ධානං…පෙ… ද්වෙ ඛන්ධා ච…පෙ… (සබ්බං පටිසන්ධියං කාතබ්බං, සහජාතං පුරෙජාතම්පි). (1)

චිත්තසහභූ ච නොචිත්තසහභූ ච ධම්මා නොචිත්තසහභුස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. සහජාතා – චක්ඛුවිඤ්ඤාණසහගතා ඛන්ධා චක්ඛායතනඤ්ච චක්ඛුවිඤ්ඤාණස්ස අත්ථිපච්චයෙන පච්චයො…පෙ… කායවිඤ්ඤාණසහගතා…පෙ… චිත්තසහභූ ඛන්ධා ච චිත්තඤ්ච නොචිත්තසහභූනං චිත්තසමුට්ඨානානං රූපානං අත්ථිපච්චයෙන පච්චයො. සහජාතා – චිත්තසහභූ ඛන්ධා ච වත්ථු ච චිත්තස්ස අත්ථිපච්චයෙන පච්චයො. සහජාතා – චිත්තසහභූ ඛන්ධා ච මහාභූතා ච නොචිත්තසහභූනං චිත්තසමුට්ඨානානං රූපානං අත්ථිපච්චයෙන පච්චයො (පටිසන්ධික්ඛණෙ තීණිපි කාතබ්බා). පච්ඡාජාතා – චිත්තසහභූ ඛන්ධා ච චිත්තඤ්ච පුරෙජාතස්ස ඉමස්ස නොචිත්තසහභුස්ස කායස්ස අත්ථිපච්චයෙන පච්චයො. පච්ඡාජාතා – චිත්තසහභූ ඛන්ධා ච කබළීකාරො ආහාරො ච ඉමස්ස නොචිත්තසහභුස්ස කායස්ස අත්ථිපච්චයෙන පච්චයො. පච්ඡාජාතා – චිත්තසහභූ ඛන්ධා ච රූපජීවිතින්ද්‍රියඤ්ච කටත්තාරූපානං අත්ථිපච්චයෙන පච්චයො. (2)

චිත්තසහභූ ච නොචිත්තසහභූ ච ධම්මා චිත්තසහභුස්ස ච නොචිත්තසහභුස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – චක්ඛුවිඤ්ඤාණසහගතො එකො ඛන්ධො ච චක්ඛායතනං ච…පෙ… (පච්චයවාරසදිසං). (3)