1. විභඞ්ගවාරො

හෙතුපච්චයො

247. චිත්තසහභුං ධම්මං පච්චයා චිත්තසහභූ ධම්මො උප්පජ්ජති හෙතුපච්චයා… තීණි (පටිච්චසදිසා).

නොචිත්තසහභුං ධම්මං පච්චයා නොචිත්තසහභූ ධම්මො උප්පජ්ජති හෙතුපච්චයා – වත්ථුං පච්චයා චිත්තං, චිත්තං පච්චයා නොචිත්තසහභු චිත්තසමුට්ඨානං රූපං; පටිසන්ධික්ඛණෙ…පෙ… (පටිච්චවාරසදිසං, සබ්බෙ මහාභූතා). (1)

නොචිත්තසහභුං ධම්මං පච්චයා චිත්තසහභූ ධම්මො උප්පජ්ජති හෙතුපච්චයා – චිත්තං පච්චයා සම්පයුත්තකා ඛන්ධා චිත්තසහභු චිත්තසමුට්ඨානඤ්ච රූපං, වත්ථුං පච්චයා චිත්තසහභූ ඛන්ධා; පටිසන්ධික්ඛණෙ…පෙ… (සබ්බෙ මහාභූතා පටිච්චසදිසං). (2)

නොචිත්තසහභුං ධම්මං පච්චයා චිත්තසහභූ ච නොචිත්තසහභූ ච ධම්මා උප්පජ්ජන්ති හෙතුපච්චයා – චිත්තං පච්චයා සම්පයුත්තකා ඛන්ධා චිත්තසහභු ච නොචිත්තසහභු ච චිත්තසමුට්ඨානං රූපං, වත්ථුං පච්චයා චිත්තඤ්ච සම්පයුත්තකා ච ඛන්ධා; පටිසන්ධික්ඛණෙ…පෙ… (පටිච්චසදිසං, සබ්බෙ මහාභූතා). (3)

248. චිත්තසහභුඤ්ච නොචිත්තසහභුඤ්ච ධම්මං පච්චයා චිත්තසහභූ ධම්මො උප්පජ්ජති හෙතුපච්චයා – චිත්තසහභුං එකං ඛන්ධඤ්ච චිත්තඤ්ච පච්චයා ද්වෙ ඛන්ධා චිත්තසහභු චිත්තසමුට්ඨානඤ්ච රූපං, ද්වෙ ඛන්ධෙ ච…පෙ… චිත්තසහභුං එකං ඛන්ධඤ්ච වත්ථුඤ්ච පච්චයා ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ…පෙ… (පටිච්චසදිසං, සබ්බෙ මහාභූතා). (1)

චිත්තසහභුඤ්ච නොචිත්තසහභුඤ්ච ධම්මං පච්චයා නොචිත්තසහභූ ධම්මො උප්පජ්ජති හෙතුපච්චයා – චිත්තසහභූ ඛන්ධෙ ච චිත්තඤ්ච පච්චයා නොචිත්තසහභු චිත්තසමුට්ඨානං රූපං, චිත්තසහභූ ඛන්ධෙ ච වත්ථුඤ්ච පච්චයා චිත්තං. චිත්තසහභූ ඛන්ධෙ ච මහාභූතෙ ච පච්චයා නොචිත්තසහභු චිත්තසමුට්ඨානං රූපං; පටිසන්ධික්ඛණෙ…පෙ… (පටිච්චසදිසං, සබ්බෙ මහාභූතා). (2)

චිත්තසහභුඤ්ච නොචිත්තසහභුඤ්ච ධම්මං පච්චයා චිත්තසහභූ ච නොචිත්තසහභූ ච ධම්මා උප්පජ්ජන්ති හෙතුපච්චයා – චිත්තසහභුං එකං ඛන්ධඤ්ච චිත්තඤ්ච පච්චයා ද්වෙ ඛන්ධා චිත්තසහභු ච නොචිත්තසහභු ච චිත්තසමුට්ඨානං රූපං, චිත්තසහභුං එකං ඛන්ධඤ්ච වත්ථුඤ්ච පච්චයා ද්වෙ ඛන්ධා චිත්තඤ්ච, ද්වෙ ඛන්ධෙ ච…පෙ… පටිසන්ධික්ඛණෙ…පෙ… (පටිච්චසදිසං, සබ්බෙ මහාභූතා). (3)

ආරම්මණපච්චයො

249. චිත්තසහභුං ධම්මං පච්චයා චිත්තසහභූ ධම්මො උප්පජ්ජති ආරම්මණපච්චයා… තීණි (පටිච්චසදිසං).

නොචිත්තසහභුං ධම්මං පච්චයා නොචිත්තසහභූ ධම්මො උප්පජ්ජති ආරම්මණපච්චයා…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං…පෙ…. (ඉමං චිත්තසමුට්ඨානදුකං පච්චයවාරෙ ආරම්මණසදිසං. ඡන්නම්පි ඉමෙසං පඤ්චවිඤ්ඤාණමූලා කාතබ්බා. සංඛිත්තං.)