1. විභඞ්ගවාරො

හෙතුපච්චයො

239. චිත්තසහභුං ධම්මං පටිච්ච චිත්තසහභූ ධම්මො උප්පජ්ජති හෙතුපච්චයා – චිත්තසහභුං එකං ඛන්ධං පටිච්ච ද්වෙ ඛන්ධා චිත්තසහභු චිත්තසමුට්ඨානඤ්ච රූපං, ද්වෙ ඛන්ධෙ…පෙ… පටිසන්ධික්ඛණෙ චිත්තසහභුං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ…පෙ…. (1)

චිත්තසහභුං ධම්මං පටිච්ච නොචිත්තසහභූ ධම්මො උප්පජ්ජති හෙතුපච්චයා – චිත්තසහභූ ඛන්ධෙ පටිච්ච චිත්තං නොචිත්තසහභු චිත්තසමුට්ඨානඤ්ච රූපං; පටිසන්ධික්ඛණෙ චිත්තසහභූ ඛන්ධෙ පටිච්ච චිත්තං කටත්තා ච රූපං. (2)

චිත්තසහභුං ධම්මං පටිච්ච චිත්තසහභූ ච නොචිත්තසහභූ ච ධම්මා උප්පජ්ජන්ති හෙතුපච්චයා – චිත්තසහභුං එකං ඛන්ධං පටිච්ච ද්වෙ ඛන්ධා චිත්තඤ්ච චිත්තසහභු ච නොචිත්තසහභු ච චිත්තසමුට්ඨානං රූපං, ද්වෙ ඛන්ධෙ…පෙ… පටිසන්ධික්ඛණෙ චිත්තසහභුං එකං ඛන්ධං පටිච්ච ද්වෙ ඛන්ධා චිත්තඤ්ච කටත්තා ච රූපං, ද්වෙ ඛන්ධෙ…පෙ…. (3)

240. නොචිත්තසහභුං ධම්මං පටිච්ච නොචිත්තසහභූ ධම්මො උප්පජ්ජති හෙතුපච්චයා – චිත්තං පටිච්ච නොචිත්තසහභු චිත්තසමුට්ඨානං රූපං; පටිසන්ධික්ඛණෙ චිත්තං පටිච්ච කටත්තාරූපං, චිත්තං පටිච්ච වත්ථු, වත්ථුං පටිච්ච චිත්තං, එකං මහාභූතං…පෙ… මහාභූතෙ පටිච්ච නොචිත්තසහභු චිත්තසමුට්ඨානං රූපං කටත්තාරූපං උපාදාරූපං. (1)

නොචිත්තසහභුං ධම්මං පටිච්ච චිත්තසහභූ ධම්මො උප්පජ්ජති හෙතුපච්චයා – චිත්තං පටිච්ච සම්පයුත්තකා ඛන්ධා චිත්තසහභු චිත්තසමුට්ඨානඤ්ච රූපං; පටිසන්ධික්ඛණෙ චිත්තං පටිච්ච සම්පයුත්තකා ඛන්ධා, පටිසන්ධික්ඛණෙ වත්ථුං පටිච්ච චිත්තසහභූ ඛන්ධා, මහාභූතෙ පටිච්ච චිත්තසහභු චිත්තසමුට්ඨානං රූපං උපාදාරූපං. (2)

නොචිත්තසහභුං ධම්මං පටිච්ච චිත්තසහභූ ච නොචිත්තසහභූ ච ධම්මා උප්පජ්ජන්ති හෙතුපච්චයා – චිත්තං පටිච්ච සම්පයුත්තකා ඛන්ධා චිත්තසහභු ච නොචිත්තසහභු ච චිත්තසමුට්ඨානං රූපං; පටිසන්ධික්ඛණෙ චිත්තං පටිච්ච සම්පයුත්තකා ඛන්ධා කටත්තා ච රූපං, පටිසන්ධික්ඛණෙ වත්ථුං පටිච්ච චිත්තඤ්ච සම්පයුත්තකා ච ඛන්ධා, මහාභූතෙ පටිච්ච චිත්තසහභු ච නොචිත්තසහභු ච චිත්තසමුට්ඨානං රූපං උපාදාරූපං. (3)

241. චිත්තසහභුඤ්ච නොචිත්තසහභුඤ්ච ධම්මං පටිච්ච චිත්තසහභූ ධම්මො උප්පජ්ජති හෙතුපච්චයා – චිත්තසහභුං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා චිත්තසහභු චිත්තසමුට්ඨානඤ්ච රූපං, ද්වෙ ඛන්ධෙ ච…පෙ… පටිසන්ධික්ඛණෙ චිත්තසහභුං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… පටිසන්ධික්ඛණෙ චිත්තසහභුං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… චිත්තසහභූ ඛන්ධෙ ච මහාභූතෙ ච පටිච්ච චිත්තසහභු චිත්තසමුට්ඨානං රූපං උපාදාරූපං. (1)

චිත්තසහභුඤ්ච නොචිත්තසහභුඤ්ච ධම්මං පටිච්ච නොචිත්තසහභූ ධම්මො උප්පජ්ජති හෙතුපච්චයා – චිත්තසහභූ ඛන්ධෙ ච චිත්තඤ්ච පටිච්ච නොචිත්තසහභු චිත්තසමුට්ඨානං රූපං; පටිසන්ධික්ඛණෙ චිත්තසහභූ ඛන්ධෙ ච චිත්තඤ්ච පටිච්ච කටත්තාරූපං, පටිසන්ධික්ඛණෙ චිත්තසහභූ ඛන්ධෙ ච වත්ථුඤ්ච පටිච්ච චිත්තං, චිත්තසහභූ ඛන්ධෙ ච මහාභූතෙ ච පටිච්ච නොචිත්තසහභු චිත්තසමුට්ඨානං රූපං කටත්තාරූපං උපාදාරූපං. (2)

චිත්තසහභුඤ්ච නොචිත්තසහභුඤ්ච ධම්මං පටිච්ච චිත්තසහභූ ච නොචිත්තසහභූ ච ධම්මා උප්පජ්ජන්ති හෙතුපච්චයා – චිත්තසහභුං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා චිත්තසහභු ච නොචිත්තසහභු ච චිත්තසමුට්ඨානං රූපං, ද්වෙ ඛන්ධෙ ච…පෙ… පටිසන්ධික්ඛණෙ චිත්තසහභුං එකං ඛන්ධඤ්ච චිත්තඤ්ච පටිච්ච ද්වෙ ඛන්ධා කටත්තා ච රූපං, ද්වෙ ඛන්ධෙ ච…පෙ… පටිසන්ධික්ඛණෙ චිත්තසහභුං එක ඛන්ධඤ්ච වත්ථුඤ්ච පටිච්ච ද්වෙ ඛන්ධා චිත්තඤ්ච, ද්වෙ ඛන්ධෙ ච…පෙ… චිත්තසහභූ ඛන්ධෙ ච මහාභූතෙ ච පටිච්ච කටත්තාරූපං උපාදාරූපං (සංඛිත්තං). (3)