1-4. පච්චයානුලොමාදි

208. චිත්තසමුට්ඨානං ධම්මං සංසට්ඨො චිත්තසමුට්ඨානො ධම්මො උප්පජ්ජති හෙතුපච්චයා – චිත්තසමුට්ඨානං එකං ඛන්ධං සංසට්ඨා ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

චිත්තසමුට්ඨානං ධම්මං සංසට්ඨො නොචිත්තසමුට්ඨානො ධම්මො උප්පජ්ජති හෙතුපච්චයා – චිත්තසමුට්ඨානෙ ඛන්ධෙ සංසට්ඨං චිත්තං; පටිසන්ධික්ඛණෙ…පෙ…. (2)

චිත්තසමුට්ඨානං ධම්මං සංසට්ඨො චිත්තසමුට්ඨානො ච නොචිත්තසමුට්ඨානො ච ධම්මා උප්පජ්ජන්ති හෙතුපච්චයා – චිත්තසමුට්ඨානං එකං ඛන්ධං සංසට්ඨා ද්වෙ ඛන්ධා චිත්තඤ්ච, ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

209. නොචිත්තසමුට්ඨානං ධම්මං සංසට්ඨො චිත්තසමුට්ඨානො ධම්මො උප්පජ්ජති හෙතුපච්චයා – චිත්තසංසට්ඨා සම්පයුත්තකා ඛන්ධා; පටිසන්ධික්ඛණෙ…පෙ…. (1)

චිත්තසමුට්ඨානඤ්ච නොචිත්තසමුට්ඨානඤ්ච ධම්මං සංසට්ඨො චිත්තසමුට්ඨානො ධම්මො උප්පජ්ජති හෙතුපච්චයා – චිත්තසමුට්ඨානං එකං ඛන්ධඤ්ච චිත්තඤ්ච සංසට්ඨා ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ… (සංඛිත්තං). (1)

හෙතුයා පඤ්ච, ආරම්මණෙ පඤ්ච (සබ්බත්ථ පඤ්ච), අවිගතෙ පඤ්ච.

චිත්තසමුට්ඨානං ධම්මං සංසට්ඨො චිත්තසමුට්ඨානො ධම්මො උප්පජ්ජති නහෙතුපච්චයා (පඤ්ච පඤ්හා කාතබ්බා. තීණි. මොහො).

නහෙතුයා පඤ්ච, නඅධිපතියා පඤ්ච, නපුරෙජාතෙ පඤ්ච, නපච්ඡාජාතෙ පඤ්ච, නආසෙවනෙ පඤ්ච, නකම්මෙ තීණි, නවිපාකෙ පඤ්ච, නඣානෙ පඤ්ච, නමග්ගෙ පඤ්ච, නවිප්පයුත්තෙ පඤ්ච.