2. සඞ්ඛ්‍යාවාරො

සුද්ධං

179. හෙතුයා තීණි, ආරම්මණෙ ද්වෙ, අධිපතියා චත්තාරි, අනන්තරෙ එකං, සමනන්තරෙ එකං, සහජාතෙ සත්ත, අඤ්ඤමඤ්ඤෙ ඡ, නිස්සයෙ සත්ත, උපනිස්සයෙ ද්වෙ, පුරෙජාතෙ එකං, පච්ඡාජාතෙ එකං, ආසෙවනෙ එකං, කම්මෙ තීණි, විපාකෙ තීණි, ආහාරෙ චත්තාරි, ඉන්ද්‍රියෙ ඡ, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ ද්වෙ, අත්ථියා සත්ත, නත්ථියා එකං, විගතෙ එකං, අවිගතෙ සත්ත.

අනුලොමං.

පච්චනීයුද්ධාරො

180. චිත්තසම්පයුත්තො ධම්මො චිත්තසම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

චිත්තසම්පයුත්තො ධම්මො චිත්තවිප්පයුත්තස්ස ධම්මස්ස සහජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

චිත්තසම්පයුත්තො ධම්මො චිත්තසම්පයුත්තස්ස ච චිත්තවිප්පයුත්තස්ස ච ධම්මස්ස සහජාතපච්චයෙන පච්චයො… කම්මපච්චයෙන පච්චයො. (3)

181. චිත්තවිප්පයුත්තො ධම්මො චිත්තවිප්පයුත්තස්ස ධම්මස්ස සහජාතපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)

චිත්තවිප්පයුත්තො ධම්මො චිත්තසම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

චිත්තසම්පයුත්තො ච චිත්තවිප්පයුත්තො ච ධම්මා චිත්තසම්පයුත්තස්ස ධම්මස්ස සහජාතං, පුරෙජාතං. (1)

චිත්තසම්පයුත්තො ච චිත්තවිප්පයුත්තො ච ධම්මා චිත්තවිප්පයුත්තස්ස සහජාතං, පච්ඡාජාතං, ආහාරං, ඉන්ද්‍රියං. (2)